豉椒雞翼

雪櫃仲有幾隻雞翼，

食埋就要再去入貨啦!

簡單煮咗碟豉椒雞翼，

今次煮到比較乾身，

下次都係要煮多D豉汁用嚟撈飯先得。

材料: 雞翼8隻、三色椒各色半個、洋蔥半個、蒜蓉、豆豉粒

醃料: 豉油1湯匙、鹽半茶匙、糖1茶匙、麻油少許

調味: 蠔油1湯匙、老抽1湯匙、糖1茶匙、水1碗

做法: 雞翼解凍後用廚紙索乾水份，加醃料醃1小時；

三色椒切件；洋蔥切件；豆豉粒浸10分鐘瀝乾水份備用；

燒熱油鍋落雞翼略煎兩面，加調味炆至雞翼熟後盛起；

燒熱油鑊落蒜蓉、豆豉粒和洋蔥爆香後，落三色椒快炒，

加雞翼(連汁)加鑊蓋煮多2分鐘，最後落少許生粉水埋茨汁便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page