2025韓國首爾之旅~第一日

3月18日星期二

由於選搭Korean Air大韓零晨機，

所以我哋3個travel buddies，

17日晚10點半已經到咗機場，

我哋辨好登機手續和寄行李後，

見仲有時間，

Antia帶我哋去Plaza Premium Lounge Near Gate 60，

食傳聞中的魚蛋粉。

3日2夜惠州遊

休息咗一日，

3月24日星期一，

我哋一行4人又返咗惠州喇!

經蓮塘口岸過關搭惠州巴士到惠州金戀酒店落車，

之後就去旁邊廣客樓食客家菜。

2025韓國首爾之旅~手信篇

今次韓國首爾之旅，

我哋3位travel buddies完全hea遊首爾，

每日瞓到自然醒，

景點每日安排一兩個，

瞓飽就食，

食飽又瞓；

今次韓國首爾之旅手信，

全部熟口熟面，

好似759亞信屋都有得賣呀!

2025韓國首爾之旅

自2019年去咗韓國釜山後，

明早(好早零晨機)我哋3位travel buddy，

又出發去韓國首爾玩啦!

今晚就要去機場，

所以依家開始要執定行李喇!

雖然冬至帶多咗幾件衫，

但都應該有好多位置放手信架!

上次用剩咗少少韓圜，

希望夠用啦!

30而立

再過2日，

就係大小魔怪2個人30歲喇!

大魔怪喜事重重，

小魔怪就要繼續努力呀!

今日生日會整咗5個餸，

樣樣都大大碟架!

大人打麻雀，

其餘的玩poker。

豉汁排骨蒸飯

我和老公2個人食飯都唔知食咩好，

所以簡單整咗個豉汁排骨蒸飯，

咁灼埋幾條菜就食得啦!

豆角肉碎炒雞蛋

今日見到有青豆角賣，

買咗11條收我$10，

唔知貴定平呀!

今晚又係得我和老公兩個撐枱腳，

一碟餸~豆角肉碎炒雞蛋，

快靚正，

好餸飯架!

蕃茄雞蛋燴肉碎

 

老公鐘意食蕃茄，

咁啱雪櫃仲有2個蕃茄，

今晚就可以即刻滿足佢啦!

我加咗雞蛋和豬肉碎落去一齊煮，

呢個餸濕濕哋好送飯架!

XO醬西蘭花炒蝦仁

XO醬西蘭花炒蝦仁，

又係一個減脂菜，

只落咗XO醬、少少鹽和胡椒粉調味，

簡單又好味道呀!

雪梨乾底椰五色豆粉葛薏米湯

雪梨乾底椰五色豆粉葛薏米湯，

呢個湯包係响雲泉仙館後門買嘅，

$50有3包；

除湯包外，

我仲加咗西施骨、紅蘿蔔、粟米、蜜棗和江瑤柱，

煲2小時後加鹽調味，

啖湯好清甜，

好潤呀!

呢個湯有化腸胃濕熱、止咳、滋潤去骨火和粗纖維。

醬油洋蔥豬扒

 

原本小魔怪話出街唔食晚飯，

點知突然話唔出街，

我拿拿臨係冰箱摷包梅頭豬扒出嚟解凍，

即刻煮咗呢碟醬油洋蔥豬扒，

嘻嘻，

又一個臨時加餸菜又出爐啦!

蔥油拌麵醬雞絲炒麵

呢日午餐得我和小魔怪兩個人食，

我見屋企有包全蛋麵，

所以攞咗D雞胸肉嚟炒麵，

加咗西蘭花和蔥油拌麵醬一齊炒，

快靚正架!

白菜雞蛋豆腐肉碎湯

今日晚餐得我和老公兩個撐枱腳，

咁就啱啦!

我可以煮得簡簡單單，

一鍋白菜雞蛋豆腐肉碎湯，

足夠我和老公兩個人食呀!

蕃茄豆腐墨魚滑湯

今日滾咗一個減脂湯水，

蕃茄豆腐墨魚滑湯，

簡單落咗鹽和胡椒粉調味，

清甜又有營養，

好味道架!

椰菜粉絲炒雞蛋

呢個係一個素菜，

我好鐘意煮嚟食架!

因為椰菜、粉絲和雞蛋都係我至愛，

炒埋一齊好好食架!

仲可以當飯食添呀!

冬瓜粉絲炆釀魚肉豆腐卜

 

上星期入咗醫院幾日，

醫生建議我要食清D，

最好減下磅，

所以呢排我都會煮一些減脂健康餐，

盡量少鹽少油呀!

腰果炒蝦仁

過年前炸嘅腰果仲有少少係度，

今日就用佢嚟整咗呢碟腰果炒蝦仁，

加咗少少紅蘿蔔和西蘭花莖一齊炒，

搭配一流呀!

銀魚乾吊片蒸豬肉絲

今日整咗老公至愛嘅餸，

銀魚乾吊片蒸豬肉絲，

用咗梅頭肉帶有少少肥，

蒸出嚟嘅豬肉特別爽口，

好送飯呀!

薑蔥手撕雞

大魔怪話好想食手撕雞，

易啦!

咁啱雪櫃有雞扒，

好快攪掂有得食啦!

節瓜咸蛋肉片湯

今日有嘢做，

攪到下午5點幾6點先返到屋企，

我又好想飲湯，

所以就買咗節瓜和肉片，

加埋屋企有咸蛋和瑤柱仔，

滾咗個節瓜咸蛋肉片湯，

簡簡單單有湯有瓜又有肉，

清清哋都唔錯架!

我返嚟啦

我失蹤咗3日兩夜，

終於可以返嚟啦！

2年前我覺得右胸肋骨附近有D痛，

去私家醫院照過電腦掃描，

又話冇事；

但星期日晚開始又隱隱痛，

所以星期一我去睇急症，

醫生見我咁痛，

所以建議我入院檢查。

返大亞灣飲飲食食

噚日2月22日星期六，

老公、小魔怪和我3個人，

返咗大亞灣飲飲食食。

經蓮塘口岸過關後先去搵食。

陽光餐室，

酸菜魚、白切雞半隻、蝦仁炒蛋和湯粉2碗，

盛惠￥180。

日式炸雞

小魔怪最鐘意食日式炸雞，

响759買咗呢包炸雞粉，

今次用咗半包粉炸1塊雞扒，

差不多小魔怪自己食哂，

仲食得好滋味添!

家常便飯

今晚呢餐家常便飯，

有蠔油薯仔炆雞翼、灼菜芯、

和蒸海上鮮(蝦乾、魷魚、蠔豉、銀魚)，

三個餸都係我哋至愛，

又要添飯啦!

蓮藕鱆魚馬蹄綠豆煲排骨

 

今日有湯飲，

蓮藕鱆魚馬蹄綠豆煲排骨，

呢個係朱家例湯之一，

大小魔怪每人起碼飲2~3碗架，

而我就食湯渣都夠哂飽呀!

客家咸魚煎豬肉餅

好耐冇整過咸魚煎肉餅，

所以買咗$25豬肉碎，

加咗梅香咸魚肉和乾蔥碎，

整咗客家咸魚煎豬肉餅，

呢個係送飯菜，

一定要添飯呀!

養生壺~蟲草花羊肚菌鹿茸菇湯

 

今日用養生壺煲湯，

蟲草花羊肚菌鹿茸菇湯，

加咗豬腱、紅棗和薑，

差不多煲好就放杞子落去，

菇香飄滿屋，

好飲呀!

元朗一日遊&祈祈14歲生日BBQ

噚日，

我和老公參加屋苑舉辦嘅居民聯誼活動，

元朗一日遊~大夫第~流浮山海鮮~尖鼻咀，

總共2車有120人，

費用每人$28，

好抵呀!

第一站~東山古廟&大夫第。

情人節快樂

今晚2月14日情人節，

我和老公兩個人撐枱腳，

我哋唔會出街食，

簡簡單單焗雞髀、煎司華力腸，

仲有XO醬蝦仁炒西蘭花，

祝大家情人節快樂呀!💕💕💕

魷魚馬蹄蒸豬肉餅

今日想食得清啖D，

所以買咗幾粒馬蹄嚟蒸豬肉餅，

加埋幾片魷魚仔，

呢碟蒸餸好送飯架!

冬菇蠔豉炆鴨腳

 

冰箱仲有過年前買嘅鴨腳，

今日有時間就炆埋佢啦!

今次加咗冬菇仔、瑤柱和蠔豉一齊炆，

加埋生菜墊底，

好正呀!

32週年

一眨眼，

又到咗我和老公結婚32週年啦!

今晚唔煮飯，

我哋一家四口去鋸扒，

新北江~芝士麵，

呢餐食咗$491，

啖啖肉，

又飯又意粉，

大小魔怪食得好滿足呀!

冇廚房用的一天

今日老公10點左右就落街搵師傅整去水喉，

師傅話要明天下午先嚟睇下，

通渠、換喉管約$1500，

如果再有其他問題就要再加錢，

最重要係唔需要搭棚，

呢度可以慳幾千蚊架!

全日冇廚房用，

我哋又唔想叫外賣，

所以呢兩餐都係簡單煮，

煮螺絲粉和炒飯，

加滾多個粟米肉碎雞蛋湯。

今次大鑊了

噚晚老公洗碗時，

發現廚房地下去水位置有水倒灌入廚房，

佢簡單處理咗以為冇事；

點知今朝洗衫，

當洗衣機去水時，

將所有水倒灌入廚房去唔到水，

廚房變成個魚塘咁呀!

最慘係D水唔知經邊度漏落下面果層，

好似瀑布咁呀!

最慘係星期日所有水電舖都唔開門，

暫時處理唔到。

我和老公合力摌走廚房D水，

起碼要等明天先搵人嚟整，

如果水喉真係塞咗又或爛咗，

咁就一定要搭棚嚟整，

冇幾千都唔掂呀!

今次真係大鑊了。

冇得用廚房，

今日兩餐都係叫外賣，

唔知要食幾多餐外賣先攪得掂呀!

沙薑醬燒雞翼

上次去妹妹家食開年飯，

姐夫帶咗樽沙薑醬用嚟煮飯，

點知冇用到，

我見到有好嘢，

哈哈，

即刻據為己有先得。

今日就整咗呢碟沙薑醬燒雞翼，

又幾好味道喎!

淘寶賣￥11.9樽，

而Hktvmall就$38樽。

南乳蓮藕豆卜炆腩排

上次炆齋用咗半磚大南乳，

剩番半磚南乳仲係雪櫃；

今日拿拿臨買咗蓮藕、豆腐卜和腩排，

炆咗一大鑊南乳蓮藕豆卜炆腩排，

呢個餸有南乳汁，

真係好送飯架!

黑椒薯仔牛肉粒

大小魔怪係牛魔王，

所以每次整親呢個餸，

真係多多都唔夠佢哋食架!

簡單晚餐

今晚得我和大魔怪兩個人食飯，

簡單煮咗兩個餸，

豉油雞翼和椰菜雞蛋炒粉絲，

一葷一素，

配搭得啱啱好，

好味道架!

蕃茄薯仔甘筍粟米煲西施骨

呢排咁多人病，

係時候要煲番個湯水，

增加維他命C先得，

我見好耐冇煲過蕃茄薯仔湯，

所以買埋粟米和甘筍，

加埋西施骨落去一齊煲；

湯要襯熱飲，

飲完成身暖笠笠架!

返惠州過年

2月1日星期六年初四

今日我和老公返惠州過年，

我哋驚多人過關嘅關係，

所以8點半就由天水圍出發，

經上水去蓮塘口岸，

點知全程好順暢，

唔係好多人過關，

搭永東巴士返到惠州，

仲係附近搵食先返屋企。

大年初三

今日大年初三，

噚晚黃氏在妹妹家團拜兼食開年飯，

姐姐和工人姐姐合作煮飯，

花膠鮑魚大大件，

好味道呀!

大年初二

今日大年初二，

一早起身準備開年飯，

之後就出街拜年喇!

夜晚去妹妹家團拜，

姐姐負責煮飯，

我負責食呀!

大年初一

今日大年初一，

我祝大家蛇年行大運，

盛世慶新春，

身體健康，

萬事如意，

喜事連連。

今日朱家食全日素，

簡單又好味道呀!

炸腰果

今年只炸腰果，

炸咗一磅咁多，

但原來係唔夠架!

點算???

遲下又要再炸過囉!

大圍圍方~潮庭

今朝中午，

我去咗沙田送蘿蔔糕俾母親大人，

你咪話，

個蘿蔔糕都好重架!

所以我直接送到母親大人屋企，

等佢唔使拎來拎去。

之後就同母親大人去咗大圍圍方飲茶呀!

2024朱家蘿蔔糕

呢兩日真係好忙，

噚日忙完餐團年飯，

今日又要整蘿蔔糕，

明天我要去沙田，

攞個圓形蘿蔔糕俾母親大人呀!

2025朱家團年飯

今日朱家食提早團年飯，

母親大人、妹妹一家，

和大魔怪女朋友仔都入咗嚟呀!

今餐有5餸1湯，

白飯任裝。

瑞士汁金錢肚、豬肚和火雞腎

屋企仲有1/3支瑞士汁，

所以今日買咗金錢肚、豬肚和火雞腎，

鹵咗一大鍋，

可以分幾餐食呀!

蠔油豆腐煮肉碎

响雪櫃摷咗盒豆腐，

睇日期差不多要到期，

拿拿臨貫咗10蚊豬肉碎返嚟，

整咗呢碟蠔油豆腐煮肉碎。

蜜糖豆炒潮州豬肉卷

噚日清理冰箱，

摷到條潮州豬肉卷；

今日就用咗半條嚟炒蜜糖豆，

加埋三色椒和炸腰果落去，

用最簡單嘅調味，

我落咗少少鹽、糖和蠔油，

炒埋一碟餸就食得啦!