養生壺~花旗參石斛麥冬煲豬腱

今日靚湯，

養生壺~花旗參石斛麥冬煲豬腱，

配淮山玉竹蓮子百合龍眼肉蜜棗；

將所有材料(除花旗參外)放入養生壺內，

加入適量水按煲湯功能，

煲到最後15分鐘落花旗參，

熄火後落鹽調味便成。

花旗參有補氣養陰、生津清熱；

石斛有補腎養肝明目；

麥冬有抗心肌缺血、保護心腦血管、降血糖等功效。

元朗正記菜館

今日小魔怪終於做車主啦!

新牌仔唔使買咁貴咁靚嘅車，

等揸多幾年熟練下車技後，

再買新車都唔遲喎!

睇完車後，

老公請我哋去食飯，

慶祝小魔怪做車主，

小魔怪揀咗去正記食飯呀!

呢餐叫咗4個餸，

1碗白飯和2罐汽水，

加埋外賣盒一個，

呢餐食咗$533。

黑椒洋蔥豬扒

 

今日買咗4塊梅頭有骨豬扒，

用咗其中2塊整黑椒洋蔥豬扒，

估唔到2塊豬扒足夠我和老公兩個人食，

加埋黑椒汁，

老公添咗兩碗飯呀!

南乳花生炆豬手

噚日執廚房，

見到仲有半包花生係度，

所以今日即刻買隻豬手返嚟，

用南乳炆咗一大鑊南乳花生炆豬手。

睇車&食薩莉亞

小魔怪攞咗車牌都有一段時間，

佢話想買架二手車嚟練練車，

之前佢同朋友睇咗唔少車架啦!

今日佢同埋我和老公一齊再去睇車，

睇中咗兩部車，

依家等佢好好考慮下啦!

之後去薩莉亞食咗個下午茶，

食飽飽就返屋企，

因為下面天氣好熱好焗，

呼吸都好辛苦呀!

大亞灣3日2夜

7月2日星期三

上次我同老公一齊去大亞灣係4月初，

老公話好耐冇返去，

所以星期三就同佢返咗大亞灣住幾日。

响拼多多嘅多多買菜訂定D日常用品，

去到屋企附近超市攞貨，

好方便架!

仲有係蓮塘口岸買咗隻咸雞和菜，

加埋2包香菇燉雞麵，

咁就做咗我哋嘅午餐喇！

食飽老公又搵咗套戲慢慢睇，

而我緊係要眠一眠啦!

7月1日留港Happy

今日7月1日香港回歸28週年假期，

我哋黃氏家族又有聚會啦!

妹妹家現正進行大裝修，

暫時搬咗去馬鞍山海澄軒酒店居住，

酒店樓下有間天澄閣酒樓，

有得Book枱打麻雀，

兼食晚飯，

所以我哋約咗先食午餐，

之後直接去開枱打麻雀。

最近煮過咩

最近斷斷續續煮咗幾餐飯，

煮咗咩餸，

睇下就知啦!

黑椒雞絲洋蔥炒意粉

今日午餐食意粉，

黑椒雞絲洋蔥炒意粉，

炒咗一大鑊，

夠食兩餐呀!

食飯盒

天氣熱，

我都唔想煮飯喇!

老公鐘意黃昏落街做運動，

順便叫佢買個兩餸飯返嚟，

咁又一餐囉!

老公有選擇困難症，

所以揀來揀去都係果幾款餸呀!

客家咸雞

一隻雞分兩種食法，

上次整咗蟲草花雲耳蒸雞，

今次就整咗客家咸雞，

咸雞醃咗一晚，

再點薑蔥一齊食，

好好味道呀!

沙參玉竹蓮子百合淮山煲節瓜嚮螺頭豬腱

 

呢排天氣熱，

我特別好想飲多D湯水呀!

今日呢個有個好長的名稱，

沙參玉竹蓮子百合淮山煲節瓜嚮螺頭豬腱，

配圓肉、瑤柱和蜜棗。

所有藥材都係屋企有嘅，

今日剩係買咗節瓜和豬腱呀!

蟲草花雲耳蒸雞

今日買咗一隻雞返屋企，

斬開兩半，

一半用鹽醃成咸雞，

另一半就用蟲草花和雲耳一齊蒸，

一雞兩食，

唔錯架!

蠔油豆腐燴肉碎

之前買咗盒硬豆腐返嚟都有好幾日，

都唔知煮咩好，

今日買咗$15豬肉碎，

煮咗呢碟蠔油豆腐燴肉碎，

我懶到豆腐都冇煎到，

就咁成舊豆腐放入鑊，

用個鑊鏟整散舊豆腐，

嘻嘻，

懶得就懶呀!

腐竹木耳炒肉碎

今日買咗3隻彩椒(紅綠橙色)收我7蚊，

1包金菇5蚊，

1斤芥蘭16蚊，

依家香港物價真係唔平囉!

屋企仲有2支乾腐竹和半碗豬肉碎，

今晚就炒咗呢碟腐竹木耳炒肉碎，

大大碟，

夠哂我和老公兩個人食呀!

養生壺~蓮子百合茨實麥冬伏苓粒淮山湯

今日用養生壺煲湯，

蓮子百合茨實麥冬伏苓粒淮山湯，

配豬腱、紅棗、瑤柱仔，

煲完老公和小魔怪每人飲咗2碗水，

好正呀!

榨菜肉絲蒸米粉

今日見小魔怪係屋企食午餐，

簡單整咗榨菜肉絲蒸米粉一齊食，

呢個蒸米粉快靚正，

加埋我至愛嘅老干媽，

即刻胃口大開，

我食咗2碗米粉呀!

豉汁涼瓜炆燒鴨

前兩日買咗半隻燒鴨返嚟，

我和老公食極都仲有半盒，

最後我買咗個涼瓜返嚟，

炆咗一大碟豉汁涼瓜炆燒鴨，

有涼瓜老公即刻添飯又添餸，

清哂果半盒燒鴨呀!

金銀菜咸鴨腎紅蘿蔔煲豬腱

噚日母親大人攞咗D菜乾俾我，

今日就買齊材料煲湯，

金銀菜咸鴨腎紅蘿蔔煲豬腱，

配陳皮、南北杏、瑤柱和蜜棗，

呢個湯有清熱潤肺、止咳生津和通便利水等功效架!

又嚟唐宮小聚

今日陪大魔怪女朋友仔嚟沙田辦事，

順便約埋母親大人一齊食午飯，

我哋約咗又嚟唐宮小聚，

2隻乳鴿、黑松露蝦餃、蔥油拌麵、

冰鎮咕咾肉、鮑魚麻辣燒賣、

紅寶石粉果、牛肉叉燒和酸菜龍躉片，

呢餐老公請飲茶，

承惠$929。

又返惠州

噚日點解又返惠州???

因為屋企中間房冷氣機壞咗，

上星期師傅已經嚟過檢查，

佢話零件壞咗要貨到先換到；

師傅微信我噚日星期一下午4點過嚟整呀!

我哋返到惠州屋苑附近食茶餐廳。

父親節的日與夜

今日父親節，

大小魔怪和大魔怪女朋友仔，

請我倆老食父親節午餐，

小魔怪揀咗去元朗YOHO~Outback鋸扒，

叫咗個美國頂級斧頭扒套餐，

仲叫咗碟煎比目魚飯，

加埋飲品和加一，

呢餐食咗$2655.4。

家常便飯

噚日小魔怪WHF，

我唔知係咪有預感呢，

買咗豬腱和煲湯料，

又買咗個大薯仔，

簡單煮咗兩餸1湯，

蠔油薯仔炆雞翼、烚菜芯、雪梨竹蔗茅根海底椰湯。

銀魚魷魚蒸梅頭豬肉

今日係雪櫃摷到銀魚和魷魚乾，

拿拿臨買梅頭豬肉返嚟，

整咗呢碟銀魚魷魚蒸梅頭豬肉，

呢碟餸有海鮮味，

好送飯架!

返惠州3日2夜

6月9日星期一

今日我、老公和姑奶一行3人，

去咗深圳東門，

老公話要袪手上嘅斑，

我就順便去修腳啦!

之後就去咗東門市集食嘢，

呢度有冷氣，

坐得好舒服呀!

我叫咗拉麵，

即叫即拉，

好有韌度，

我覺得唔錯呀!

深圳一日遊

今日，

我和老公參加元朗義工慶回歸同心之旅活動，

前往深圳灣食午餐後，

就到深圳錦繡中華民族文化村遊覽，

睇大型民俗表演和民族服飾舞蹈歌舞。

今日天氣真係好熱，

係烈日當空下進行戶外活動，

唔係咁易架!

所以我哋有義工們選擇自費每人30人民幣，

搭園內遊覽車遊園呀!

豆豉鯪魚炒油麥菜苗

好耐冇食豆豉鯪魚炒油麥菜呢個餸喇!

今日買咗半斤油麥菜苗，

加咗一罐豆豉鯪魚，

嘩，

呢碟豆豉鯪魚炒油麥菜苗，

真係好餸飯呀!

大魔怪碩士畢業禮

今日係大魔怪浸會大學碩士畢業，

我、老公和母親大人緊係要出席觀禮啦!

畢業禮後，

小魔怪和大魔怪女朋友放工後就過嚟影相，

佢哋影咗好多相，

我和母親大人就搵個地方坐下休息下。

未去參加畢業禮前，

我哋3個人先去又一城食譚仔三哥，

晚餐呢，

大魔怪請我哋去大圍圍方上陽樓食晚飯。

黑椒洋蔥豬扒

雪櫃有半個洋蔥和梅頭豬扒，

即刻拿拿臨攞出嚟，

整咗呢碟黑椒洋蔥豬扒，

做咗今日嘅晚餐呀!

五指毛桃牛大力伏苓粒湯

今日煲五指毛桃牛大力伏苓粒湯，

配埋紅蘿蔔、粟米、豬腱、淮山、茨實、薏米和蜜棗，

全程煲咗2個半鐘頭；

呢個湯有袪濕、健脾和提高免疫力等功效架!

青椒炒肉絲

青椒炒肉絲，

我覺得青椒有草青味，

所以我就會先用蒜蓉炒青椒，

仲會加少少紹酒添，

之後再炒熟豬肉絲，

撈埋青椒炒埋一碟，

咁就食得架啦!

日常的一天

今日都係平常日子，

小魔怪全日WFH，

老公就約咗中學老師和同學茶聚，

所以簡單煮咗餃子做午餐；

晚餐就滾咗節瓜咸蛋肉片湯，

麵豉蒸腩排和灼菜芯。

端午節安康

今日係端午節，

大魔怪和女朋友仔返嚟食飯，

小魔怪又約咗朋友返惠州玩；

簡簡單單有豉油雞、

黑椒洋蔥牛仔骨、

蒜蓉炒菜芯、

蒸珍珠立魚和糭，

仲有蕃茄薯仔紅蘿蔔椰菜煲排骨湯添呀!

香煎雞扒

今日冇買餸，

摷到雪櫃有2塊雞扒，

即刻解凍醃咗佢，

整咗呢碟皮脆肉嫩嘅香煎雞扒喇!

今次煎呢塊雞扒有少少巧妙，

我將雞扒肉較厚嘅位置片咗出嚟，

咁塊雞扒表面平滑咗，

煎出嚟就平均易熟架啦!

片起咗嘅雞肉，

又可以煮另一個餸呀!

老干媽花菜炒肉片

今日買咗一個大花菜$10，

個花菜大過我塊面呀!

哈哈，

真係好鬼抵呀!

今日就用咗我至愛嘅老干媽嚟炒花菜肉片，

簡單又好味道，

送飯一流架!

沙田唐宮小聚

噚日包完糭，

今日我就專登出沙田，

攞咗幾隻糭俾母親大人和妹妹佢哋食呀!

姐姐整親隻腳暫時唔食得糯米，

所以今年D糭就唔預佢啦!

約咗係沙田唐宮小聚食午餐，

之後經過新城市廣場中庭，

見到靚靚DIMOO WORLD 迪士尼華麗舞台公仔。

2025愛心糭~客家咸肉糭

自從腰傷舊患發作之後，

我都唔敢拎重嘢，

所以今次包糭，

我分咗4次買材料呀!

今次包咗24隻有咸蛋黃嘅客家咸肉糭，

小魔怪唔鐘意食咸蛋黃，

我就包咗15隻小型糭(冇咸蛋黃)呀!

韭菜雞蛋豬肉餃

好耐冇包餃子啦!

我見屋企有扎韭菜，

拿拿臨買餃子皮和豬肉碎返嚟，

包咗64隻餃子呀!

煎咗10隻餃子俾小魔怪做午餐，

其餘就放入冰箱冷藏，

等幾時食都得啦!

大馬站煲

屋企有盒燒肉，

係我和老公參加咗一個活動攞返嚟的，

真係大盒，

我和老公要分幾餐嚟食，

今餐食咗1/3盒燒肉，

整咗呢個大馬站煲，

燒肉加豆腐、韭菜和蝦醬一齊煮，

真係特別惹味架!

韭黃叉燒炒滑蛋

韭黃叉燒炒滑蛋，

呢個餸真係好耐冇食，

但又係由細食到大嘅餸菜之一，

真係充滿童年回憶呀!

午餐

今日中午有成34度，

熱到爆啦!

簡單煮咗包餃子，

做我和老公兩個人嘅午餐呀!

冬瓜粒湯

天氣咁熱，

係時候要煲冬瓜湯消消暑喇!

今日就煲咗呢個冬瓜粒湯，

材料有冬菇、瑤柱、肉碎和咸蛋，

呢個湯做湯飯特別好食架!

母親大人76歲生日快樂

噚日，

我哋齊齊慶祝母親大人76歲生日呀!

今次妹妹訂咗禾輋海港酒樓，

仲訂咗個房打麻雀，

4點半交廳，

4個大人打牌，

其餘細嘅(包括我)，

就玩遊戲咭，

第一次玩，

都幾好玩喎!

呢餐真係不得了，

碟碟都超大碟，

隻乳豬有半邊枱咁大，

龍蝦包咗3斤，

但我揀咗2隻大龍蝦重3斤13兩，

所以補咗13兩龍蝦差價，

我食完乳豬和龍蝦伊麵，

都已經半飽了，

碟東星斑有雲腿和冬菇，

好惹味架!

松露燒雞雞皮好香脆；

酥酥咁大碟，

我哋12個人係食唔哂架!

母親大人、妹妹和我又食又拎，

好滿足呀!

食飯盒

 

又嚟食飯盒喇!

依家每次都係老公揀餸，

哈哈，

佢喜歡就好，

唔使理我架!

黃豆醬支竹炆牛腩

 

今日用埋另外2條支竹炆牛腩，

我最鐘意呢個餸多汁，

因為黃豆醬汁撈飯真係一流架!

支竹豆腐卜炆火腩

今日經過街市順便買包支竹(無炸)，

返到屋企，

我先發覺原來已經有1包支竹係廚櫃度，

支竹唔擺得太耐，

睇嚟我呢兩日要盡快食哂佢先得喇!

返惠州執屋

事緣係上星期日我帶母親大人、姐姐和姐夫，

去大亞灣玩時，

小魔怪就有咗4個朋友一齊去惠州玩呀!

佢哋係屋企玩得好盡興架!

5個男仔嘛，

唱K、打牌、點外賣和去行夜市，

不過最後事後小魔怪話我知，

電動麻雀枱有問題，

叫我哋上去睇下呀!

所以我和老公噚日就返咗惠州睇下發生咩事呀!

約咗姑奶食午飯後，

佢先回香港。

絲瓜肉片雞蛋湯

今日食清D，

滾咗個絲瓜肉片雞蛋湯，

有菜有肉有蛋又有湯，

真係慳水又慳力呀!

榨菜肉絲蒸米粉

噚日慶祝母親節食完自助餐後，

我同老公都話要食清D呀!

所以今晚就整咗呢個榨菜肉絲蒸米粉，

簡單好味又易做，

仲好好味添架!

配埋我至愛嘅老干媽，

絕配呀!

母親節快樂

今日我哋同大魔怪和女朋友仔，

兩家人一齊慶祝母親節，

兩個後生好識做，

買咗兩扎花送俾我哋兩位母親，

母親節有花收，

好開心呀!

我哋一行7人，

去咗海港城SAVVY食自助午餐!