XO醬三色椒炒蝦仁

屋企個雪櫃緊有幾包急凍蝦仁放係度，

因為隨時加餸都有材料嘛!

今次唔用蛋炒囉，

改炒三色椒，

啖啖蝦肉，

一樣咁好食呀!

無水蒸椰菜排骨

無水蒸，

唔一定要用鑄鐵鍋，

用玫瑰鍋都可以做到呢個效果架!

今次一滴水都冇落，

因此煮嘅過程中，

椰菜和排骨都會出水，

所以唔使怕會蒸乾水呀!

蠔油薯仔炆雞

蠔油薯仔炆雞，

雖然係一個簡單嘅家常餸，

但耐唔耐煮嚟食都幾滋味架!

雪菜火鴨絲炆米

今日午餐食雜糧，

將食剩咗嘅燒鴨折肉，

煮咗呢個雪菜火鴨絲炆米，

兩人個人煮咗一大鍋，

睇怕又要分兩餐先食得完囉!

南乳蓮藕木耳炆排骨

今晚我要返學整麵包，

所以一早炆定煲蓮藕排骨，

咁老公夜晚就唔使出街食飯啦!

時款日式麵包製作精選中班~第一堂

上兩個星期二開始，

我又要上麵包班啦!

睇過下嚟緊呢個課程，

堂堂麵包都幾啱我食架!

嘻嘻，

因為好多麵包都有我鐘意食嘅餡料呀!

第一堂學整日式紫菜肉鬆包&芝士肉鬆卷。

舊曆生日

今日係我舊曆生日，

襯大小魔怪齊齊返嚟食飯，

係咁二都要慶祝一下啦!

一早預咗食KFC，

點知老公突然買咗盒燒鴨返嚟，

咁多嘢食點食得哂架，

睇怕呢幾日都要食舊餸囉!

返鄉下

8月尾時連續打咗3次風，

惠州果邊大水浸，

我哋條村都浸得幾犀利架!

睇番張相都嚇咗一跳，

襯呢排好天氣，

我哋返去睇下間屋啦!

(8月28日當日水浸情況)

一個人的晚餐~菜芯雞絲炒米粉

噚晚難得自己一個人係屋企，

簡單炒個米粉做晚餐，

煮完食埋都唔使半個鐘，

夠哂有效率呀!

香煎雞扒

噚日挑起條筋想食煎雞扒，

用咗超級簡單嘅醃料

(鹽、雜香草、黑椒碎、蒜蓉、橄欖油)，

落鑊煎香佢就食得，

小魔怪一邊幫我切塊雞扒，

就一邊偷食d雞皮，

佢話脆卜卜好鬼正喎!

又話減肥，

仲食???!!!

時款日式麵包製作精選實習初班~第七、八、九、十堂

由於之前去咗十幾日英國意大利，

所以miss咗第五和第六堂，

好傷心啊!

第七堂~黑糖青梅酒麵包&日式紅豆麻糬麵包

豉汁鳳爪蒸排骨

出街食碟鳳爪排骨真係唔平，

而且每碟仲得果幾件仔，

真係食到到喉唔到肺囉!

咁不如買材料返嚟自己整好過啦!

一次過整一大盆，

食到Lam Lam脷啦喂!

洋蔥炒黑豚肉

之前買咗支燒肉醬，

都唔記得買嚟做咩囉???

見有成大半樽，

用嚟炒肉片都係唔錯嘅選擇嚟架!

今次用咗火鍋黑豚肉片，

快捷方便又易熟，

喜歡先灼一灼黑豚肉片，

煮唔使5分鐘就有得食啦!

又嚟例湯~西洋菜甘筍咸鴨腎豬腱湯

西洋菜甘筍咸鴨腎豬腱湯，

係朱家常飲例湯之一，

今日見有西洋菜賣，

緊係要買嚟煲湯啦!

滷豬手

好耐冇食過豬手，

响百佳超市肉檔買一隻新鮮豬手又唔貴喎!

肉檔靚姐計我$60隻，

滿$60仲有得平$6(即豬手$54隻)，

而且俾多舊肥肥哋嘅腩肉添!

今次自己整滷水汁，

用剩嘅汁可以留番下次用呀!

時款日式麵包製作精選實習初班~第二、三、四堂

由於時間關係，

一次過post哂三堂曾經學整嘅麵包。

第二堂~雜菌煙肉麵包&風味蔬菜麵包

小魔怪馬來西亞手信

哈哈，

小魔怪真有我本色，

佢將半個馬來西亞嘅特色食品，

搬咗返香港呀!

佢仲大讚馬來西亞D嘢食超正又抵食，

緊係啦!

女朋友仔帶路，

緊係搵到好嘢食啦!

節瓜鱆魚雞腳眉豆花生豬腱湯

今日黃昏時間，

小魔怪會由馬來西亞飛返香港，

結束佢嘅悠長假期，

開始要實實際際搵工，

投入呢個現實社會了；

攪笑係佢噚晚whatsapp我，

佢話嚟緊呢個星期都要食素，

點解???

咪就係佢呢16日馬來西亞之旅，

餐餐都大魚大肉，

肥咗好多囉!

涼茶~雞骨草羅漢果茶

今日老公買咗1斤雞骨草返嚟，

話要飲涼茶喎!

簡單煲咗個雞骨草羅漢果茶，

清清肝毒呀!

一人前~日式豬肉生薑燒

一個人可以煮D咩食???

簡簡單單煮個~日式豬肉生薑燒，

都係一個唔錯嘅選擇嚟架!

魚露雞翼

平時整魚露雞翼，

好多時都會用生炸呢個做法，

好處係雞翼比較脆口和乾身；

而用半煎炸嘅做法呢，

脆口都有架，

但雞翼嘅肉質就juice好多喇!

不過最緊要係唔使用好多油去炸嘛，

嘥油呀!

白菜素餃子

大魔怪8月中開始返工喇!

不過好多時放工返到嚟屋企都成8點幾，

由於佢唔係咁鐘意食米飯，

所以好多時我都會煲定素湯，

又或買定盒沙律菜、雞蛋或麵包煮俾佢食；

唔想佢餐餐都食得齋，

今日就包定D素餃子放係冰箱，

咁就隨時都可以煎俾佢食啦!

蟹肉伊麵

今日又大一歲了!

簡單嘅生日願望~就係身體健康喇!

另外，

今日收到好多朋友仔係facebook和whatsapp嘅祝福，

真係好感動，

Love you all!

生日要食長壽麵，

為自己和老公準備咗呢碗蟹肉伊麵，

做我哋嘅晚餐呀!

金針雲耳蟲草花蒸雞

8月中開始，

大魔怪正式返工喇!

而近排小魔怪同女朋友仔去咗馬來西亞玩，

所以好多時都係得我哋2個公婆食飯咋!

咁今餐食咩餸???

就係佢~金針雲耳蟲草花蒸雞!

蕃茄雞蛋燴牛肉碎

今日呢個餸~蕃茄雞蛋燴牛肉碎，

簡單易做又富營養，

仲濕濕哋好送飯添!

唔食牛牛嘅朋友仔，

可以改用豬肉煮架!

土魷冬菇馬蹄蒸肉餅

今朝買咗6隻魷魚乾$70(4兩)，

真係貴過新鮮魷魚呀!

不過檔主話係本地生曬，

個心都安慰少少啦!

不過呢，

今日好鬼懶，

冇自己剁豬肉呀!