健康燕麥香蕉蛋糕

 

屋企有幾隻出哂梅花點嘅香蕉，

老公話香蕉可以用嚟整咩食，

簡單啦!

今日就整咗呢個健康燕麥香蕉蛋糕喇!

親親芒

新年時去親家奶奶家食飯，

親家奶奶請我食咗呢個親親芒，

一個雪凍咗嘅芒果$10支，

佢真係一個芒果嚟架，

仲有核添架!

以我咁鐘意食芒果嘅人，

真係啱哂我口味；

聽親家奶奶講佢係惠康買架!

搵日我都要去惠康買嚟食先得。

甜品~薑汁雙皮奶

之前响惠州超市買咗盒薑汁雙皮奶，

老公試整失敗收場，

完全水狀唔成形；

今日輪到我試整，

成功失敗就睇下得唔得啦!

先用少少凍滾水開勻D粉，

再沖熱水落去，

等咗10分鐘，

呢盒薑汁雙皮奶偏甜，

熱食凍食都可以呀!

腐竹薏米雞蛋糖水+外賣晚餐

今晚晚餐雖然叫咗外賣，

但我都冇偷懶架，

煲咗我哋成家都鐘意飲嘅腐竹薏米雞蛋糖水，

食完D辣辣哋嘅嘢，

食番碗甜甜嘅糖水中和番佢呀!

西餅蛋糕製作精選實習班(八)~9,10堂

呢個課程係5月初已經上完啦!

嚟緊6月中又開始上堂，

今次唔係整蛋糕，

係學整麵包呀!

第九堂~法國波爾多Cammele 夏日布甸

西餅蛋糕製作精選實習班(八)~6,7,8堂

第六堂~狗形栗子忌廉蛋糕，

哈哈，

一個唔似狗形嘅蛋糕出世啦!

香芋椰汁紫米露

噚日煲咗鍋香芋椰汁紫米露，

姐姐和小魔怪都話好好食，

我鐘意佢唔太甜，

食落有椰汁和芋頭嘅香味，

黑糯米又有益，

最啱女人用嚟補身架啦!

西餅蛋糕製作精選實習班(八)~1,3,5,堂

話時話，

學呢期蛋糕班已經上咗一半喇!

今次出度率肯定得8成，

因為其中2,4堂去咗去玩呀!

第一堂~香麻法國忌廉可麗蛋糕

西餅蛋糕製作精選實習(十四)~第8~10堂

呢期蛋糕班已經完結，

今次就一連post3堂嘅蛋糕相片啦!

第八堂~茴香豬肉酥卷、果仁酥批

西餅蛋糕製作精選實習(十四)~第6~7堂

焗甜薯芝士蛋糕&什果巴巴冧

西餅蛋糕製作精選實習(十四)~第4~5堂

Key Lime Pie &蜜棧橙皮曲奇

西餅蛋糕製作精選實習(十四)~第3堂

德國Rum酒提子芝士蛋糕

好耐冇整過芝士蛋糕，

大魔怪好鬼鐘意食，

不過佢話麻麻哋提子乾，

叫我下次唔好落喎!

西餅蛋糕製作精選實習(十四)~第2堂

朱古力cake pope &綠豆凍糕

整呢個cake pope真係幾玩嘢架!

整咗個靚靚蛋糕後，

要將佢撕成泥咁嘅狀態，

跟手又要加朱古力漿搓成糰，

再沾朱古力漿和加糖粒，

咁就玩咗3個鐘頭啦!

西餅蛋糕製作精選實習(十四)~第1堂

前排學整麵包整得多，

今個學期轉學做西餅蛋糕呀!

好耐冇整過卷蛋糕，

今堂仲學埋彩繪花紋，

雖然我冇咩繪畫方面冇咩天份，

但整體上又幾好玩喎!

椰汁紫米糕

噚日同麵包班同學仔開大食會，

簡簡單單整咗個椰汁紫米糕和咖哩豬皮蘿蔔魚蛋，

好唔好食就唔知，

不過同學仔話我今日冇落陳皮魚蛋，

要我下次再整過喎，

哈哈，

咁即係又多一個藉口可以再開大食會啦!

話時話，

噚晚咁多嘢食邊食得哂架，

我又食又拎，

哈，

真係唔好意思喇!

清熱消暑解毒~綠豆百合糖水

去完歐遊之後，

老公濕疹發作，

拿拿臨煲煲清熱消暑解毒嘅糖水，

等佢潤一潤先得!

陳皮海帶綠豆沙

呢個陳皮海帶綠豆沙，

係我哋一家人至愛糖水之一，

所以每個月呢個糖水出現次數都幾密架!

老公鐘意熱食，

而我和大小魔怪就鐘意凍食呀!

圓肉白合雪耳紅棗糖水

呢個秋涼天氣，

真係好想飲碗糖水滋潤下；

見屋企有齊材料即刻煲嚟飲啦!

一碗熱辣辣圓肉白合雪耳紅棗糖水，

飲到大魔怪Lam Lam脷呀!

(屋企獨欠杞子，下次煲要落番幾粒先得!)

椰香喳咋糖水

噚日襯屋企人入咗嚟天水圍，

所以煲定個糖水俾大家做茶點，

簡簡單單煲咗個椰香喳咋糖水，

熱食又得，

凍食都得，

任君選擇呀!

天時暑熱，

我就鐘意食冰凍糖水喇!

西餅、蛋糕製作精選實習班(四)~第十堂

終於出到呢個蛋糕班最後一堂啦!

今堂整焗日式綠茶芝士蛋糕&三色果凍，

兩樣都咁好食!