雀后~歡迎!歡迎蒞臨朱家天地!: 椰香喳咋糖水

2016年5月22日星期日

椰香喳咋糖水

噚日襯屋企人入咗嚟天水圍，

所以煲定個糖水俾大家做茶點，

簡簡單單煲咗個椰香喳咋糖水，

熱食又得，

凍食都得，

任君選擇呀!

天時暑熱，

我就鐘意食冰凍糖水喇!

材料: 喳咋雜豆$16(紅豆、綠豆、眉豆、三角豆、紅腰豆、花生)、

陳皮半個、椰漿300ml、冰糖適量

做法: 將喳咋雜豆浸1小時後瀝乾水份；陳皮浸軟去囊備用；

凍鍋落水和陳皮煮滾後，加入喳咋豆煲2小時或至豆腍後，落冰糖煮溶，

最後加埋椰汁攪勻便成，呢個糖水冷熱食都可以架。

~亦可加入芋頭、西米等材料；

~喳咋雜豆係雜貨舖買。

喳咋即「雜雜」，傳說是葡萄牙語「雜糧」的音譯。據說是以前駐守在澳門的兵房，把各種豆類成一煲糖水作為午餐而發明的。後來流傳到阿婆在街邊擺賣此種糖水，故又稱阿婆粥。

最初的喳咋以各種豆類為主，有紅豆、綠豆、眉豆、紅腰豆、三角豆等，後來還加入芋頭、西米、椰漿和淡奶。(維基百科)