五一勞動節

今日係五一勞動節，

老公朝早9點就約咗舊同學打乒乓波和打桌球，

11點左右約埋我就去食午飯，

跟住就老公同學一齊沿住天水圍旁邊，

一路行去元朗工業村即山貝河旁；

其實我哋大家都唔係咁識路，

靠google map幫忙搵路，

沿途經過嘉湖山莊美湖居對出嘅公園~龍園!

再跟住行去近期熱點~嘉湖山丘，

呢度D沙泥真係堆到幾高架!

沿住旁邊嘅路，

經過燒烤場、鎗林彈雨嘅war game場、射箭場，

又上山又下山，

經過無數魚塘，

微雨行爛泥地，

真係唔易行架!

行到死下死下，

中途冇得休息，

唯有影下自拍照開心下啦!

終點係元朗工業村旁嘅山貝河旁，

我哋計過行咗3個鐘12公里，

超過1萬步呀!

返到屋企真係攰到咩都唔想做，

買外賣返屋企食，

今日消耗咗嘅卡路里，

全部返哂嚟喇!

一個字形容今次旅程~攰!

     

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page