教會旅行&母親大人生日宴

今日我哋一行8人(連同母親大人嘅朋友仔)，

齊齊跟妹妹教會去旅行，

上午去參觀大埔嘉道理農場；

初初天氣都唔錯架，

行咗差不多一個鐘左右，

落起大雨，

好彩搵到地方俾母親大人佢哋坐底休息，

園裡有素食亭，

買咗兩份素食飛碟俾兩位老人家食呀!

中午就係錦田南苑酒家食飯，

簡簡單單團餐，

又幾啱大家食喎。

飯後，

我哋就去咗錦上路跳蚤市場&紅磚屋，

呢度真係幾多嘢睇喎，

有機會下次再嚟過呀!

(呢個跳蚤市場逢星期六日及公眾假期先開架!)

下星期母親大人生日，

今日就一齊慶祝囉!

禾輋商場龍悅酒家，

呢圍酒席$1888，

另加3款素菜俾大魔怪，

又加咗1打壽包，

埋單都係$2199，

又幾抵食喎!

小魔怪好乖仔，

越洋都同母親大人講句: 婆婆，生日快樂呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page