天水圍新北江~齒留香燒臘粉麵店

某日晚上去醫院探完奶奶後，

老公和我返新北江搵食，

老公話想試下呢間齒留香，

佢話三十幾年前元朗有一間同名的老字號燒臘店，

唔知有冇關係呢???

叫咗碟燒肉飯$30和叉油雞飯$32，

仲送例湯添!

脆皮燒肉，

腍滑叉燒，

冇味精例湯，

真係唔錯喎!

(唔夠食記得叫加飯呀!)

韓式炆牛肋條

今日又嚟韓式煮意啦!

韓式炆牛肋條，

簡易又好味道，

蘿蔔、甘筍、洋蔥和牛肋條，

呢個組合簡直係絕配呀!

特別多謝Dimcook送來清淨園禮品袋!

榨菜肉絲上海麵

今個聖誕假期，

我差不多日日都留係屋企，

老公好奇問點解唔出街，

嘻嘻，

因為我嘅活動安排哂係假期之後嘛!

今日煮咗榨菜肉絲上海麵，

加埋辣辣豆瓣醬，

真係好好味道架!

元朗大棠~紅葉

今日天氣麻麻哋，

又凍又落毛毛雨；

老公一早約咗舊同學入元朗大棠睇紅葉，

以為咁嘅天氣會冇咩人，

點知原來仲旺過旺角呀!

大棠郊野公園有大草地，

又有燒烤爐，

真係一家大細假日郊遊嘅好地方嚟架!

(大小魔怪細細個時，我哋都成日嚟玩架!)

惹味三色椒炒粒粒

今日繼續食得簡單，

煲咗個潮州粥，

炒個惹味三色椒炒粒粒，

咁又一餐啦喂!

上湯海鮮雜菜粉絲煲

今餐同老公撐枱腳，

煮咗個上湯海鮮雜菜粉絲煲，

係呢個凍冰冰嘅聖誕日，

好溫暖啊!

2015平安夜晚餐

今日係平安夜，

大小魔怪都係屋企食晚飯，

飯後佢哋先有節目；

咁齊人梗係要煮番餐啦!

拔，

今年收到份聖誕禮物~水泡一個，

我太唔小心啦!

焗雞時手指掂到條發熱管，

就係咁即起咗個水泡，

好鬼痛呀!

雀后祝大家聖誕快樂呀!

洪水橋~皇都餐廳園林茶座

今日奶奶氣喘入院，

我哋和姑奶探完奶奶之後，

就去咗洪水橋食晚餐，

揀咗呢間~皇都餐廳園林茶座，

好耐冇据扒，

姑奶揀豬扒拼司華力腸，

老公揀7成西冷，

而我就揀咗雜扒餐喇!

呢餐食咗$274，

超抵!

銅鑼灣~漢和韓國料理

今日下午約咗朋友仔食韓燒，

我哋揀咗銅鑼灣~漢和韓國料理，

午餐任食$118，

加埋一都係$130，

食物款式多，

唔錯架!

蜜汁燒排骨

上次BBQ其實好想燒金沙骨架，

不過已經買咗好多嘢食，

所以冇買到囉!

見恨食，

唔燒用焗爐焗嚟食都得呀!

2015冬至晚餐

今日提早過冬至，

母親大人、姐姐一家和妹妹一家齊齊嚟過節，

加埋我哋一家齊齊整整11人，

圍埋食飯係最溫馨架!

櫻花蝦豬肉蒸水蛋

上次行山係南丫島買咗盒即食櫻花蝦仔，

即食嘅話係會食唔停得口架；

今日用咗佢嚟蒸水蛋，

加咗少少豬肉碎一齊蒸，

咁就更加好送飯喇!

BBQ

今朝天水圍得8.7度，

雖然大風但好彩勝在有太陽；

小魔怪話好耐冇BBQ，

所以約定姑奶佢哋入元朗舊屋BBQ，

小魔怪食得最盡興，

由頭帶到落尾，

真係食力無窮呀!

鮮茄燴鯖魚

前排行超市時，

見鯖魚特價$8.9有1條，

以我咁師奶，

緊係要掃貨啦!

成日用照燒汁煮鯖魚，

今次用鮮蕃茄汁煮，

一樣咁好食呀!

豉椒炒雞球

今日真係凍咗好多，

朝早起身得12度左右，

聽講明天及星期五仲凍，

大家記得著多件衫先好出街，

保重身體呀!

今日午餐好簡單，

一碟豉椒炒雞球，

惹味得嚟好送飯呀!

瑞士汁鴨翼

今日用咗現成瑞士汁嚟浸鴨翼；

食鴨翼係唔可以斯文架，

用五爪金龍(即係我對手)揸住食，

咁先食得滋味嘛!

照燒雞翼(自製照燒汁)

今餐得我哋倆老食飯，

真係唔知食咩好???

摷下冰箱有幾隻雞翼，

咁就食雞翼啦!

暖笠笠~羊腩煲

今日係屋企有個好重要嘅任務，

就係嚟個夏冬大換季喇!

自知有鼻敏感，

已經戴定口罩保護個鼻，

點知都係中招，

狂打咗起碼有100個噴嚏以上，

之後鼻水長流，

急急食藥休息，

瞓醒又再執過呀!

好彩今次有小魔怪幫手換季，

抵錫呀!

早早炆定個羊腩煲，

食完肯定成身暖笠笠呀!

打掃

成個月冇返惠州，

噚日就同老公返去，

睇下間屋有冇發霉，

順便打掃下間屋；

返惠州唔會悶架，

因為我哋較咗有線電視，

可以睇到香港和中國全國電視架，

仲裝埋wifi上網，

真係同香港冇咩分別!

打掃完畢，

緊係要食件曲奇餅和噗下咖啡啦!

XO醬西芹炒蝦仁

雪櫃仲有半條西芹，

要快D消滅佢先得；

今次用佢嚟炒蝦仁，

加埋惹味嘅XO醬，

辣辣哋，

啱哂我呀!

紫菜粟米豆腐蛋花湯

今日大魔怪突然返嚟食飯，

拿拿臨摷下有咩材料，

滾個方便湯俾佢飲下啦!

南乳花生炆豬手豬腳

南乳花生炆豬手豬腳，

一碟充滿骨膠原的餸菜；

一朝早炆定呢鍋豬手，

南乳香味已經引咗我成日架啦!

冬菇魚肚炆雞

係冷宮(冰箱)摷到包魚肚，

啱哂喇，

等我用佢嚟炆雞先得!

又一次証明，

用易潔鑊煎嘢，

真係落幾滴油已經可以炆到一個餸啦!

沙田第一城~盈暉海鮮酒家

噚日係父親大人生忌，

我哋一行十人齊齊去拜祭他，

每次望到佢相中的笑容，

感到他仍在我們身邊一樣呀!

中午妹夫就join埋我哋飲茶，

哈哈，

我哋真係好似放監出嚟一樣，

叫到成枱都係點心，

11人食咗$1114，

真係幾誇張架!

晚上就去咗第一城盈暉海鮮酒家食飯。

土魷冬菇馬蹄蒸肉餅

手剁豬肉真係特別好食；

雖然今次冇咩肥肉，

仲有少少筋添，

不過我就係鐘意佢有咬口，

仲啖啖有肉味添!

有人話做咩咁辛苦自己剁豬肉啫，

因為一碟手剁豬肉餅，

令我想起已去逝的父親大人，

依然非常懷念你!!!

五香淮鹽煎雞翼

好耐冇食過煎雞翼，

噚晚就整咗五香淮鹽煎雞翼；

我都幾鐘意用易潔鑊煎嘢架，

唔使落好多油又唔黐底，

真係好好用架!

油麻地城景國際中菜廳~樂雅軒

噚日又有Blog聚啦!

我哋揀咗油麻地城景國際中菜廳，

環境較清靜，

坐耐少少都唔會俾人趕，

咁我哋就可以傾餐飽啦!

show me your love 粟米肉粒飯

show me your love 粟米肉粒飯；

今日得我和小魔怪食午餐，

煮呢個碟頭飯就啱哂啦!

快靚正又好味道，

加咗新鮮粟米粒，

超讚啊!

韓式泡菜炒肉絲

泡菜炒肉絲，

啱哂我和小魔怪嘅口味，

因為我倆都鐘意食辣辣哋嘅餸，

好開胃，

又要添飯囉!

南丫島半日遊

今日一早同老公出發去港外線碼頭，

匯合老公嘅舊同學，

一齊去南丫島行山；

我哋由榕樹灣出發，

行去索罟灣。

佐敦廣場~倫記私房菜

Pinky係澳洲返咗嚟香港，

我哋緊係要約出嚟食飯傾下計啦!

聽講佐敦廣場倫記私房菜呢度好爆架，

朋友仔早於1個月前已經Book定位。

這個冬天不太冷~生炒臘味糯米飯

等咗好耐嘅冬天，

終於來臨啦!

而我嘅朱家生炒臘味糯米飯，

又再隆重推出喇!

嘻嘻，

這個冬天不太冷啊!

髮菜眉豆花生雞腳豬展瑤柱紅棗湯（加陳皮）

老公話要飲湯，

緊係要拿拿臨落街買材料啦!

仲要指明煲雞腳湯添!

佢話要先補補腳骨力，

等星期日行山時有D力氣喎!

豉油皇雜菜肉片炒烏冬

飯桶，

我唔係；

我鐘意食雜糧多D囉!

尤其係烏冬，

我至愛之一呀!

嘻嘻，

一次過炒咗5個烏冬，

唔知食唔食得哂呢???

元朗榮興粥麵家

今朝一早，

老公和我就落咗元朗，

老公話想食粥，

就去咗元朗炮仗街榮興粥麵家，

食碗足料嘅艇仔粥、碎牛粥、炒麵和炸兩。

呢度食咗$47，

抵食啦!

咖哩薯仔炆雞翼

噚日係區議會選舉日，

老公和我第一次參與做助選團，

真係一個好好嘅經驗，

見盡人生百態，

人情冷暖；

我係支持一個真正為市民服務嘅區議員，

唔理佢有冇政黨，

做得好的我就會選佢!

噚日成日食飯盒，

今日就開始正正經經煮餐飯食下啦!

(我哋支持嘅區議員順利當選，恭喜恭喜!)

紅磡都會海逸酒店自助午餐

噚日去咗去同朋友仔食lunch，

我哋去咗紅磡都會海逸食自助午餐，

因為佢下午有蠔食呀!

雖然每次攞得果兩隻蠔，

但D蠔都幾鮮味，

排多幾次都值得架!

呢餐平日正價$308，

用匯豐咭找數有8折，

折實$277.2，

抵食呀!

訂座及查詢電話~ 31606880

呢度其實有好多嘢食架，

不過我要多菜少肉，

所以食咗下面幾款，

下次嚟食埋其他果幾十款先得!

哈哈!

蘿蔔支竹炆排骨

今日約咗朋友仔食lunch，

簡簡單單炆定個蘿蔔支竹排骨，

等老公下午返嚟食午飯，

食剩就留番夜晚先食，

嘻嘻，

又攪掂一日兩餐啦!

西芹肉絲炒豆腐乾

呢排食多咗西芹，

因為西芹可有助降血壓；

但小魔怪唔鐘意西芹嘅味，

點算好???

今次我加咗豬肉絲和豆腐乾落去一齊炒，

我食西芹佢就食肉啦!

客家菜~蘿蔔絲蛋角煲

上次係惠州食咗個蘿蔔絲蛋角煲，

真係好食到不得了，

食過翻尋味，

自己整應該唔難架!

不過煎蛋角就要俾多少少心機，

少少耐性和多多時間啦!

西餅、蛋糕製作精選實習班(十)~第九堂

今堂學整忌廉唧花裝飾蛋糕，

我咁粗魯，

點可以整到呢D咁幼細嘅功夫吖，

忌廉蛋糕我就舖得唔靚喇，

唯有搵亞sir幫手，

但個唧花就自己一手一腳做，

不過好醜樣囉!

好彩小魔怪鐘意食，

仲食咗半個蛋糕添呀!

好消息

我哋幫奶奶申請咗大半年盲人安老院，

終於收佢啦!

我哋希望奶奶得到醫護人員和專業人仕嘅照顧，

希望佢快D適應安老院嘅生活啦!

係呢段過度期，

我哋安排奶奶入住甲級私人安老院居住呀!

今日忙於安排奶奶入院的事，

晚餐就整個牛扒餐，

牛扒係超市現成醃好的食品，

焗個薯角和炒個蘑菇，

走汁版牛扒餐，

食落冇咁肥呀!

有禮收

多謝母親大人、姐姐和妹妹，

佢哋送咗份好有用嘅禮物俾我，

就係電子血壓計喇!

今日仲專登攞入嚟俾我添呀!

晚上就煮番餐俾佢哋食啦!

有梅菜蒸茄子、豉油雞翼、XO醬炒蝦仁、惠州雞、

蒜蓉炒菜芯、豬腳薑等等。

恭喜恭喜

噚日大伯娘、我和老公返咗惠州，

目的係探望姪兒啱啱出世一星期的小兒子，

BB同佢哥哥同月同日不同年出生，

真係好巧合呀!

元朗深記海南粉~海南雞飯

久唔久就好想去元朗深記食海南雞飯，

最鐘意就係佢食雞髀位係唔使加錢，

仲有碗胡椒湯送添，

不過隻雞髀就越嚟越細，

仲得好少酸酸甜甜嘅配菜呀!

海南雞套餐$40，凍飲加$2。

元朗民合徑8號幸福樓2期地下13號舖(元朗廣場側)

上湯素鮮竹卷(素食)

大魔怪話今晚返嚟食飯，

即刻拿拿臨去街市買菜，

包咗佢鐘意食嘅腐皮卷；

不過煎就熱氣咗少少喇!

所以改咗用素上湯蒸嚟食，

健康又好味道；

整咗3條做午餐，

飽飽囉!

燕麥梅菜蒸豬肉餅

我好鐘意蒸肉餅加D燕麥落去，

一來肉餅滑D外，

二來我罐1KG嘅燕麥，

唔覺唔覺就嚟食完架啦!

西餅、蛋糕製作精選實習班(十)~第七堂

酥皮蛋撻&蟹肉叉燒酥，

唔使講肯定好味道啦!

因為兩款我都鐘意食呀!

五餸一湯，白飯任裝

今日母親大人和妹妹一家嚟探我，

仲陪我打麻雀添!

嘻嘻，

雖然腰骨仲有少少痛，

不過都冇阻我做大贏家，

win win again!

今餐五餸一湯，

白飯任裝呀!