元朗大棠~紅葉

今日天氣麻麻哋，

又凍又落毛毛雨；

老公一早約咗舊同學入元朗大棠睇紅葉，

以為咁嘅天氣會冇咩人，

點知原來仲旺過旺角呀!

大棠郊野公園有大草地，

又有燒烤爐，

真係一家大細假日郊遊嘅好地方嚟架!

(大小魔怪細細個時，我哋都成日嚟玩架!)

今次帶埋支行山手杖去行山，

唔錯喎，

有佢嚟借力，

今次行得好舒服呀!

每當去到有紅葉嘅地方，

真係多人多到呢，

想影紅葉都幾難呀!

老公同學帶咗部大相機去影相，

真係特別靚架!

而我用手機影嘅相真係差太多喇!

行完都3點半，

我哋先食個午餐，

一碗邪惡的五香肉丁餐肉豬扒出前一丁加杯凍檸茶，

嘩，

好好味道呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page