蜜汁叉燒

自從買咗個氣炸鍋後，

我都好似好耐(起碼有成8~9個月)冇用焗爐整嘢食喇!

哈哈，

唔知個焗爐有冇壞到呢!

噚日我就買咗2件梅頭豬肉嚟醃叉燒，

今晚就焗咗佢嚟做晚餐呀!

蟲草花淮山茨實杞子煲雞腳排骨湯

今日靚湯~蟲草花淮山茨實杞子煲雞腳排骨湯。

蟲草花有滋潤喉嚨、抗炎殺菌、改善心血管、

增強免疫力和抗衰老；

亦有滋肺補腎護肝、抗氧化、鎮靜、降血壓、

提高身體免疫能力等功效。

秋遊2020

今日天朗氣清，

最適宜出戶外郊遊呀!

我連同老公、姑奶和亞May，

一齊落元朗搭75號綠巴去下灣村落車，

沿途經過荷花農莊、落馬洲行動基地，

慢慢行入去馬草壟信義新村。

冬菇魚肚蒸雞

前排係見到Blog友煮魚肚，

睇到我流哂口水呀!

今日就攞咗3隻魚肚嚟出水，

一半用嚟蒸雞，

其實的就放入冰箱，

留番下次用呀!

黃豆醬炆蘿蔔腩肉

今日買咗2條腩肉，

本來諗住用嚟炆梅菜，

但見D蘿蔔肥肥嘟嘟好鬼靚，

一於買埋佢嚟炆呢個惹味嘅黃豆醬炆蘿蔔腩肉喇!

上海冬菇金華火腿菜飯

今日煮上海菜飯，

落咗冬菇、金華火腿和小棠菜，

用咗煮煲仔飯咁原理去做，

不過亦可改用電飯煲嚟煮都可以架!

Hea煮hea食

唔知係咪呢大半年日煮夜煮，

攪到我呢排都冇咩心機去煮飯添!

之前就煮咗15隻餃子加幾粒丸丸，

配埋個紫菜湯咁又一餐；

今日就買咗呢個燒味套餐，

半隻燒鴨(雞)加半斤燒肉$125，

唔要燒肉轉叉燒就$122，

炒埋個菜就開得飯囉!

客家蔥油雞

今日整呢碟客家蔥油雞，

主角唔係雞，

而係碟蔥油呀!

客家人食雞，

鐘意用乾蔥頭、薑蓉、蒜蓉和蔥粒，

混合豉油、鹽、糖和滾油，

點雞嚟食架!

蝦醬雞粒雞蛋炒飯

 

呢餐hea煮兼hea食，

冇落街買餸，

摷雪櫃有雞扒、雞蛋和冷飯，

快快手炒埋一碟又一餐囉!

一個人的晚餐~混醬餃子

一個人的晚餐~混醬餃子。

快靚正，

連煮連食15分鐘內完成，

勁呀!

南乳花生豆腐卜炆豬腳

 

今日見豬肉檔啱啱燒咗幾隻新鮮豬腳出嚟，

我買咗2隻$65，

買埋花生和豆腐卜，

用南乳炆咗一大鍋，

夠我哋食2餐囉!

麵包製作精選實習高班~第十堂

上星期二終於上完呢個課程了。

最後一堂學整湯種麵包~叉燒包和紅豆包，

兩款都啱我食，

正呀!

西洋菜豬肉蝦仁餃子

好耐冇包餃子，

今日就買咗1斤餃子皮，

包咗70隻西洋菜豬肉蝦仁餃；

今次包元寶餃子形，

外形真係幾靚架!

煮咗20隻湯餃子做午餐，

其實的放入冰箱冷藏，

幾時想食都得啦!

氣炸脆皮乳鴿

今日去佳寶買餸，

竟然見到有BB乳鴿賣$100有5隻，

問亞姐平時都唔見有，

係咪新嘢嚟???

佢竟然話賣咗好耐啦!

可能妳早嚟而貨又未到囉!

咁又係，

平時我8點左右去買餸，

今朝就瞓晏咗少少，

所以買到新嘢了。

黑椒煎雞扒荷包蛋炒意粉

平時煮雜糧，

我鐘意煮湯粉麵，

因為濕濕哋易入嘛；

但間中都會炒下粉麵嚟食，

今餐就煮咗呢款~黑椒煎雞扒荷包蛋炒意粉，

唔知大家啱唔啱食呢???

哈，

我就好啱食喇!

柱候蘿蔔牛腩煲

大家有冇試過買過黑心蘿蔔，

之前我就試過喇!

批好哂D皮切開先見到個蘿蔔黑心，

激死我啦!

好彩今次買嘅蘿蔔好靚又重手；

俾個貼士大家，

批蘿蔔皮一定要批深少少，

因為蘿蔔皮比較厚，

批到見到有少少透明就得，

咁蘿蔔炆出嚟又嫩又多汁，

仲冇渣添架!

冬菇蝦米肉碎炒雜菌

整蓮藕餅時用剩咗D幾粒冬菇和少少蝦米碎，

諗下可以用嚟煮咩好呢???

唔理咁多，

買咗$15豬肉碎加埋冬菇和蝦米碎炒埋一碗，

大半用嚟炒雜菌，

剩番少少冬菇肉碎就做咗我今日嘅午餐呀!

下午茶~天盛富臨皇宮

今日我哋約咗姑奶、姨甥和淇淇5個人去飲茶；

我哋揀咗去天盛富臨皇宮食下午茶啊!

多謝姨甥請客外，

仲送咗盒茶葉俾老公添呀!

茶葉包裝好特別，

粒粒都好似朱古力咁架!

麵包製作精選實習高班~第九堂

今堂已經係第九堂喇!

學搓甘筍軟麵包、合桃軟包和芝士士干。

香煎家鄉蓮藕餅

整呢個家鄉蓮藕餅，

除蓮藕外，

豬肉碎和魚肉不可少，

加埋蝦米和冬菇，

煎出嚟個蓮藕餅彈牙、爽口兼有咬口，

真係好好味架!

花膠冬菇炆排骨

平平無奇嘅冬菇炆排骨，

加埋花膠落去一齊炆，

即刻升呢變咗上菜呀!

氣炸椒鹽蒜香骨

噚日買咗2磅豬仔骨，

1半用嚟煲咗肉骨茶，

另一半就用嚟整呢碟氣炸椒鹽蒜香骨；

今次氣炸豬仔骨一滴油都冇落，

好健康但好熱氣囉!

馬來西亞肉骨茶+粉腸

小魔怪至愛飲馬來西亞肉骨茶，

襯佢今日放假，

拿拿臨買材嚟煲啦喂!

好耐冇食豬粉腸，

所以買咗廿蚊豬粉腸加落去一齊煲呀!

欖菜雞蛋肉碎炒飯

哈哈，

呢碟欖菜雞蛋肉碎炒飯，

俾篇淘寶post打咗尖添!

星期二返學前，

炒咗碟炒俾老公做晚餐，

整擔擔麵時食剩咗D肉碎，

用嚟炒飯就最啱啦!

打2隻蛋加埋欖菜一齊炒，

香噴噴嘅欖菜雞蛋肉碎炒飯，

開飯啦!

又淘!

11月1日入咗天貓超市look咗一轉，

又手多多淘咗一堆嘢落嚟；

星期日落單，

星期三朝早就送貨到屋企喇!

依家冇得行街又冇得去旅行，

唯有上網淘下嘢開心下囉!

日日都係boxing day心情都靚D架!

不過呢，

朋友仔都有提我小心拆禮物拆上癮!

其實我淘嘅嘢都唔係貴嘢，

而且都係實用或食得的，

我估我應該唔會上癮掛!

哈哈!

麵包製作精選實習高班~第八堂

 每期差不多都有一堂學搓酥皮，

上星期我哋就學咗搓迷你酥皮包，

亞sir準備咗兩款餡料:咖哩牛肉碎和豬肉餡。

真係好食到唔停得口呀!

搓酥皮真係好忙，

所以今次連影相都冇咩時間呀!

自製上海擔擔麵(撈麵)

 

今日中午食雜糧~自製上海擔擔麵(撈麵)；

屋企有幾包上海麵，

拿拿臨要清埋佢先得。

我鐘意食乾撈麵，

所以今日食嘅擔擔麵唔放湯，

撈勻就食得架啦!

蝦醬粉絲蒸腩肉

蒸親呢碟蝦醬粉絲蒸腩肉，

一定要買肥肥哋腩肉嚟蒸先好食，

蒸出嚟嘅腩肉食落一D都唔肥膩，

啖啖蝦醬味嘅腩肉咬落好爽口，

配埋索哂蝦醬肉汁嘅粉絲，

今餐添飯呀!