客家蔥油雞

今日整呢碟客家蔥油雞，

主角唔係雞，

而係碟蔥油呀!

客家人食雞，

鐘意用乾蔥頭、薑蓉、蒜蓉和蔥粒，

混合豉油、鹽、糖和滾油，

點雞嚟食架!

材料: 雞1隻

醃料: 鹽1.5湯匙、紹酒少許

做法: 雞洗淨後去內臟，用廚紙索乾水份後，

落醃料搽勻雞身內外醃半日或以上；

雪櫃取出雞待室溫1小時，將雞放入熱水鑊內用大火蒸25分鐘熄火，

不要開蓋焗雞5~8分鐘後，取出雞待涼斬件。

蔥油醬: 

材料: 乾蔥頭2個、薑蓉、蒜蓉、蔥粒、滾油3~4湯匙

調味: 豉油1.5湯匙、鹽1/4茶匙、糖1茶匙

做法: 將乾蔥頭切絲，加入薑蓉、蒜蓉、蔥粒和調味，

贊上熱滾油攪勻便成。

~蒸雞時間要視乎雞嘅大細而有所調節呀!

~客家人鐘意用自家製花生油整呢個蔥油，

因為花生油贊落D乾蔥度特別香架!

~今次醃雞，我落多咗少少鹽，因為唔整蔥油嘅話，

就咁熟蒸隻雞當咸雞嚟食都得架!

~蔥油調味可以按自己口味而調節呀!

＿  

 
大家可以入嚟Facebook讚下我新開嘅Fans專頁呀!
 

 雀后(添飯)Facebook Fan Page