黑椒煎雞扒荷包蛋炒意粉

平時煮雜糧，

我鐘意煮湯粉麵，

因為濕濕哋易入嘛；

但間中都會炒下粉麵嚟食，

今餐就煮咗呢款~黑椒煎雞扒荷包蛋炒意粉，

唔知大家啱唔啱食呢???

哈，

我就好啱食喇!

材料: 意粉、雞扒2塊、洋蔥1個、雞蛋、蒜蓉

醃料: 鹽1茶匙、黑胡椒碎適量、胡椒粉適量

黑椒汁: 現成黑椒醬2湯匙、老抽少許、鹽少許、糖1茶匙、大半碗水

做法: 雞扒解凍用廚紙索乾水份，厚肉部份界幾刀後，落醃料醃1小時；

燒熱鑊不需落油，放入雞扒先煎有雞皮果面，慢慢煎出雞油後，

反轉煎另一面，其間蓋上鑊蓋將雞扒煎熟(需反覆煎兩面至雞扒全熟)；

按包裝指示，將意粉煮至軟身後隔去水份備用；

將洋蔥切絲；雞蛋煎熟；

燒熱油鑊落洋蔥絲炒至軟身，加入蒜蓉炒勻後，落黑椒汁滾後，

落意粉炒至汁濃後上碟；將雞扒和雞蛋舖係意粉面便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page