欖菜雞蛋肉碎炒飯

哈哈，

呢碟欖菜雞蛋肉碎炒飯，

俾篇淘寶post打咗尖添!

星期二返學前，

炒咗碟炒俾老公做晚餐，

整擔擔麵時食剩咗D肉碎，

用嚟炒飯就最啱啦!

打2隻蛋加埋欖菜一齊炒，

香噴噴嘅欖菜雞蛋肉碎炒飯，

開飯啦!

材料: 冷飯適量、雞蛋2隻、熟肉碎1碗、欖菜適量

調味: 幼鹽少許、豉油少許

做法: 雪櫃取出冷飯，盡量將冷飯摷散唔好黐埋；雞蛋落鹽發勻；

燒熱油鑊加入雞蛋液快炒後，加入冷飯盡量炒至粒粒分明後撥埋鑊邊，

加入適量欖菜和熟肉碎炒香後，與雞蛋飯炒勻，

加鹽和豉油調味，豉油盡量係鑊邊贊落去先出香味架!

~如屋企有蔥花嘅話，加以加埋落去一齊炒，增加香味啊!

~熟肉碎點做法，可參考下面網頁~自製上海擔擔麵(撈麵)

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page