蓮藕炆豬軟骨!

今日下午睇見旺角火警嘅新聞，

真係令人好唔開心呀!

願死去的能安息，

受傷的盡快康復。

人在做，天在看，

希望警方能盡快搵出縱火兇徒啦!

三文魚頭蕃茄薯仔紅蘿蔔湯!

食咗兩日西藥，

飲水都飲到口淡淡呀!

所以今日滾咗個營養豐富又好味道，

三文魚蕃茄薯仔紅蘿蔔湯!

好鮮甜啊!

(呢個三文魚頭係百佳買o架!)

病假!

今日終於去咗睇醫生啦!

醫生話我因感冒和喉嚨發炎引致失聲，

所以今日課室少咗一把鬧人嘅聲音，

我諗小朋友都不知幾高興呀!

攞咗一大袋藥，

買定一碗外買粥，

食完藥就覺覺豬咗一陣；

今日我休息一天，

由工人姐姐煮餸呀!

砵仔荷香糯米蒸排骨!

真係唔好講自己冇病呀，

上星期我仲同人講自己呢排都不知幾健康，

話口未完，

星期五已經開始作病，

喉嚨痛、頭痛、流鼻水等一齊嚟探我，

昨日我同老公去參加佢嘅小學同學會，

連埋今日全日係屋企休息，

不過仲未好得哂，

睇怕再係咁我都要睇醫生囉!

前日煲完糯米飯，

仲有1杯多少少嘅糯米係度，

費事又擺度，

等我搵D嘢攪攪佢先得!

臘味糯米飯+五分鐘靚湯水!

原來善忘唔係我專利嚟o架!

話說老公專登去買麵包，

點知俾咗錢唔記得攞麵包；

工人姐姐買白蘿蔔，

又係俾咗錢唔記得攞；

最後佢哋要再落街去攞番D嘢呀!

食西餐!

值得慶祝呀!

小魔怪係學校攞咗個學科獎，

係中國歷史全級第一；

雖然唔係一個好大嘅獎，

但係父母心目中已經好叻，

希望佢能夠繼續努力讀書啦!

所以應佢嘅要求今日食西餐。

海參炆排骨!

唔好問我點發海參，

呢D咁難攪嘅嘢，

發得好就好，

發得唔好成煲會冇哂，

所以通常我都會搵賣俾我嘅藥材舖伯伯幫我浸發o架，

浸完咪分幾袋袋好，

攞番屋企放入冰箱，

食時攞出嚟解凍和出水，

好鬼方便o架!

材料:  急凍海參6條、排骨$50、紹酒、蒜蓉、蔥段和薑片

醃料: 豉油、老抽、糖、粟粉和麻油

調味: 蠔油、老抽、糖、粟粉和2碗水

做法: 用醃料醃排骨1小時；海參解凍後用薑片和蔥段出水10分鐘後切段；

燒熱鑊落油加蒜蓉和薑片起鑊，落排骨快炒後贊紹酒，

加2碗水先炆30分鐘；再加海參和調味繼續炆至海參腍，

最後加少少粟粉水埋獻汁便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

露絲瑪莉烤雞!

焗雞時，

我鐘意由雞背開邊o架，

焗起嚟隻雞會靚D，

而且又易D熟，

如果可以食埋隻燒雞髀就very good啦!

朱家豬腳薑!

 

男人老狗都鐘意食豬腳薑???

係呀，

我家3個男人超鐘意食囉!

上次妹妹生完祈祈BB後，

我將食剩咗嘅豬腳薑攞咗番屋企，

加D甜醋、豬手和蛋落去繼續煲，

食到佢哋lam lam 脷呀!

9 個月後嘅今日，

朱家豬腳薑又出場啦!

甜醋都有幾隻唔同牌子，

八珍、同珍和鉅利，

母親大人用嘅係鉅利(佢話好好食喎)，

我用嘅係同珍(經濟又實惠)，

至於八珍就較為出名啦(個人覺得好甜呀)，

由於唔係坐月食嘅薑醋，

所有煲薑嘅時間可縮短。

明星海鮮舫!

 

今日係父親大人的生忌，

我哋早上齊齊去拜祭他；

之後，

老公就番屋企等師傅整雪櫃，

而我哋就去咗沙田~明星海鮮舫食午餐，

呢度D嘢食都唔錯，

唔知係咪我哋太肚餓，

點咗好多點心，

仲叫咗D包包俾老公食添，

呢餐食咗差不多$600呀!

食完梗係要去妹妹家打麻雀啦!

承蒙各位祝福，

今次我又win 啦!

至於個雪櫃呢?

老公話原來係雪櫃個製冷timer壞咗，

所以停止咗製冷，

老公仲話師傅整咗唔夠5分鐘，

但老公就要等咗佢3個鐘囉!

例湯~木瓜眉豆花生雞腳豬尾骨湯!

襯今日係星期日，

都要煲番吓D湯水俾大小魔怪同老公飲吓，

唔係俾人哋扣家用就唔好啦!

呢個亦都係我家例湯之一，

大家飲唔飲呀???

簡易版~清湯牛白腩!

呢個牛肋條係前幾日買，

擺咗係冰箱幾日，

本來諗住星期日先整，

點知壞咗個雪櫃，

唯有要即時處置佢呀!

唔使諗咁多，

一於整呢個啦!

今次我整呢個係冇加油版，

但牛肋條一樣有油出o架!

超黑仔呀!

 

今日超黑仔呀!

我開雪櫃時都已經覺得唔凍，

再打開冰箱D凍肉溶哂添!

死火，

雪櫃壞咗；

即刻call維修，

點知啱啱過咗保養期10日，

(唔係黑成咁呀!)

唯有乖乖做番保養1年$360，

包維修費用和檢查，

零件我諗都包掛，

不過要星期六先嚟整呀!

咁雪櫃D嘢點算呀???
唯有急call搵人求救我D寶貝呀!

今晚超多餸，

將可以食嘅都煮哂佢嚟食呀!

咖哩豬皮魚蛋腸仔雞翼和雞翼尖、煎餃子、

蟹柳炒蛋、烚粟米和炒白菜，

全部大堆頭製作，

大小魔怪已經唔食飯剩係食餸，

最終都係食唔哂呀!

老師唔易做~外援餐!

 

做老師唔易o架!

咪睇我哋教幼稚園好似好易、好好玩，

其實好辛苦o架!

由朝做到晚，

冇時間休息外，

放咗工之後成日都要參加咩咩座談會，

又要參加咩咩工作坊，

家陣仲話要個個老師自我增值喎，

真係少D精力都唔可以應付到呀!

今日我要參加一個工作坊，

所以冇時間去準備餸菜，

唯有靠呢個外援餐啦!

菠蘿雞!

 

唔知點解，

我家3位男人好鐘意食酸酸甜甜嘅餸，

尤其是薑醋呀，

佢哋一見到就流哂口水呢!

可惜豬腳薑唔係話食就有得食，

唯有食住呢個餸頂吓癮先啦!
 

 

琵琶豆腐!

 

今年食咗2次大閘蟹啦!

係時候回歸平淡，

豆腐係一個唔錯嘅選擇嚟o架!

但係今次整呢個豆腐，

其實唔難，

不過要開油鑊，

唔係人人鐘意呀!

 

數字豬軟骨!

 

數字骨嘅做法個個都唔同，

但唔使理邊個係做法最正宗，

總之啱自己口味嘅就得啦!

今次我唔用金沙骨整，

我改咗用豬軟骨。

(原因係豬軟骨平D囉!)
 

 

8兩重大閘蟹!

 

今日係老公舊同學一年一度嘅大閘蟹宴，

大大話話我出席咗5年以上，

次次都係老公舊同學負責去相熟嘅老字號舖頭攞蟹，

今次攞到嘅蟹有8兩咁重，

超超超多膏，

仲好抵食添，

每隻$140咋!

連埋其他餸菜和酒樓代蒸蟹費用，

每人都係$405呀!

Round 1大閘蟹: 

 

誤打誤撞~自家製手抓餅配日式咖哩雞!

前幾日整咗個中式嘅蔥油餅，

攪到我呢幾日好想整點咖哩嘅薄餅添；

但自己又唔係咁識整，

所以用番整蔥油餅嘅方法，

加入自己少少嘅創意，

咁就誤打誤撞做咗呢個手抓餅啦!

唔知似唔似街買果D手抓餅呢???

 

材料: 中筋粉200g、熱水大半碗(約150g)、鹽半茶匙 、

白芝麻和牛油溶液

做法: 將中筋粉、鹽和熱水用筷子拌勻，然後用手搓粉糰至光滑，

將粉糰放入搽咗少少油嘅盆中，用濕毛巾蓋著等30分鐘；

白芝麻炒香備用；取出搽少少粉係枱面，

將粉糰搓成條狀，平均分成5份；用木棍將粉糰盡量壓平，

跟著反轉粉皮，搽牛油係粉皮面，平均灑上炒香芝麻，

將粉皮上下對摺，再搽牛油和灑上芝麻後再對摺，

反轉長條型粉皮慢慢卷起成圓形，用木棍將粉糰壓成薄餅；

燒熱易潔鑊落油放入薄餅煎至兩面金色，

用手將薄餅兩邊擠壓至鬆散便成。

 

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

柱候芋頭炆排骨!

今日天氣涼涼哋，

最啱食熱辣辣嘅煲仔菜o架啦!

正所謂不時不食，

呢排芋頭開始靚，

又買個返嚟食吓先得!
 

 

蔥油餅!

 

近排大小魔怪都好耐冇要求食宵夜；

唔知係咪噚晚食得多酸酸甜甜嘅菠蘿呢???

好似有D肚餓添，

呢個蔥油餅係做咗我哋噚晚嘅宵夜啦!

 

 

   

材料: 中筋粉200g、熱水大半碗(約150g)、蔥3條、

鹽1茶匙和油1湯匙 

做法: 將中筋粉和熱水用筷子拌勻，然後用手搓粉糰至光滑，

將粉糰放入搽咗少少油嘅盆中，用濕毛巾蓋著等30分鐘，

取出搽少少粉係枱面，用木棍將粉糰盡量壓平，

跟著反轉粉皮，搽油係粉皮面，平均灑上鹽和蔥粒，

(留一條邊唔使灑蔥粒)，將有蔥粒的一邊慢慢卷起成長條型，

然後平均分成8份，將頭尾封口後，

將封口位放在掌心壓平，用木棍將粉糰壓成薄餅；

燒熱易潔鑊落油放入蔥油餅煎至兩面金色便成。

 

 

材料: 中筋粉200g、熱水大半碗(約150g)、蔥3條、

鹽1茶匙和油1湯匙 

做法: 將中筋粉和熱水用筷子拌勻，然後用手搓粉糰至光滑，

將粉糰放入搽咗少少油嘅盆中，用濕毛巾蓋著等30分鐘，

取出搽少少粉係枱面，用木棍將粉糰盡量壓平，

跟著反轉粉皮，搽油係粉皮面，平均灑上鹽和蔥粒，

(留一條邊唔使灑蔥粒)，將有蔥粒的一邊慢慢卷起成長條型，

然後平均分成8份，將頭尾封口後，

將封口位放在掌心壓平，用木棍將粉糰壓成薄餅；

燒熱易潔鑊落油放入蔥油餅煎至兩面金色便成。

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page