前幾日，
Ig和facebook都入唔到，
就連專業~添飯都入唔到呀!@@"
我習慣咗日日都入去八卦架嘛!
點知呢幾日冇得上去look look，
好似同呢個世界失去聯絡咁。
母親大人佢哋話咗好耐想食我整嘅酥炸蠔餅，
我見襯噚日咁齊人，
即刻去街市買咗1斤蠔仔($40)呀!
今次冇買鴨蛋，
用咗雞蛋嚟整，
整咗一大盆炸蠔餅，
個個食到Lam Lam脷呀!
今日，
母親大人、姐姐姐夫、妹妹妹夫一家人，
連埋大魔怪女朋友仔一齊入嚟打牌兼食飯，
中午大魔怪請食車仔麵，
9碗車仔麵好壯觀呀!
晚餐準備咗8餸1湯，
都幾豐富架!
我嘅舊Ig和facebook入唔到，
就連專業~添飯都入唔到呀!@@"
所以開咗一個新的社交賬號，
希望有緣人睇到我呢個新社交網站，
做個朋友或追蹤呀!
但由於太多陌生人又冇相片嘅假賬號，
所以大家記得講暗號~添飯!
我先會加add 你哋架!
👉👉👉Agnes Wong
女人唔補好易老，
所以前兩日炆咗呢個花膠冬菇炆排骨俾大家食呀!
雖然我買嘅係小花膠，
但賣相和口感都相當唔錯架!
我嘅舊Ig和facebook入唔到，
就連專業~添飯都入唔到呀!@@"
所以開咗一個新的社交賬號，
希望有緣人睇到我呢個新社交網站，
做個朋友或追蹤呀!
但由於太多陌生人又冇相片嘅假賬號，
所以大家記得講暗號~添飯!
我先會加add 你哋架!
👉👉👉Agnes Wong
噚日整咗呢個客家蘿蔔蛋角煲，
大魔怪和佢女朋友仔都係第一次食，
佢哋都話好食外，
賣相佢好靚添呀!
雖然做呢個蘿蔔蛋魚煲功夫多少少，
但見大家食得開心，
我已經好滿足架啦!
我嘅舊Ig和facebook入唔到，
就連專業~添飯都入唔到呀!@@"
所以開咗一個新的社交賬號，
希望有緣人睇到我呢個新社交網站，
做個朋友或追蹤呀!
但由於太多陌生人又冇相片嘅假賬號，
所以大家記得講暗號~添飯!
我先會加add 你哋架!
👉👉👉Agnes Wong
今日大魔怪女朋友仔嚟食晚飯，
佢哋係房玩遊戲機玩得好開心呀!
玩埋今日，
大小魔怪聽日就要返工喇!
年初四的家常便飯，
客家白切雞、蘿蔔蛋角煲、花膠冬菇炆排骨、
瑤柱扒豆苗、猴頭菇紅蘿蔔粟米煲豬腱，
開飯啦!
今日係大年初三~赤口，
呢幾日餐餐大魚大肉，
所以今日我哋要食清D和留家休息，
為嚟緊幾日再食過呀!
Post番噚晚去妹妹家團拜嘅晚餐。
今日大年初二，
今朝一早起身準備餐呢開年飯，
食完飯就出街去拜年呀!
今日大年初一，
我祝大家兔年行大運，
身體健康，
萬事如意，
心想事成!
朱家傳統初一食全日齋，
今日大魔怪女朋友仔嚟食飯，
簡單4個素菜，
冬菇生菜、南乳炆齋、粟米芝士煎餅和蒸水蛋，
開飯啦!
今日係除夕年三十晚，
一家四口食團年飯，
四餸一湯，
白飯任裝!
今晚得我和老公兩個人食飯，
求求其其炒咗一碟餸~菜芯炒牛肉，
超簡單有菜又有肉，
正呀!
呢塊牛仔肉係佳寶買，
一大塊切片可以分兩餐食，
平靚正，
唔錯架!
今日拎咗個自家製蘿蔔糕俾母親大人，
約咗去沙田新城市廣場潮庭飲茶，
新春期間冇特價，
兩個人叫咗5碟點心，
埋單$297。
2023年朱家蘿蔔糕又出爐喇!
噚日已經買齊所有材料，
今朝落街晨運完兼食埋個豐富早餐後，
返到屋企就開始刨蘿蔔，
3斤刨絲2斤半切條，
整咗2底蘿蔔糕，
一底自己食，
一底俾母親大人呀!
今日老公腸胃有少少唔舒服，
中午簡單煮咗碟福花菜炒雞絲，
晚餐就食皮蛋瑤柱雞絲粥+XO醬西蘭花炒蝦仁，
兩個人食越簡單越好。
五指毛桃海底椰螺片豬腱湯，
配粟米紅蘿蔔南北杏瑤柱和蜜棗，
一個字~正。
呢個湯有健脾潤肺止咳等功效架!
舊年除夕party，
因為家人們有部份人中招而取消咗!
係網上訂咗嘅大食會套餐，
順延到噚日大家聚埋一齊預早團年呀!
除夕大抽獎亦都係噚晚順利進行，
有得玩又有得食，
仲有禮物收，
好開心呀!
今年一次過炸咗2斤腰果，
1斤留俾自己食，
另一斤就送俾姐姐做新年禮物，
襯炸完腰果有鑊油，
順便炸埋印尼蝦片呀!
前兩日買咗1磅冰鮮豬軟骨，
煮咗碟咖哩洋蔥薯仔炆排骨，
小魔怪話煮得咁少飯，
食咖哩唔夠喉喎!
好彩雪櫃仲有幾個饅頭，
即刻蒸幾個出嚟點咖哩食，
巧巧味架!
仲有十一日就過年，
開始要清雪櫃冰箱存貨，
騰出空間嚟擺過年食品呀!
摷到有2條豬腩肉和雞腳，
加埋幾隻蛋，
鹵咗一大鍋五花腩肉雞腳雞蛋，
足夠食兩餐呀!
老公買咗包全蛋麵返嚟，
我攞咗4個嚟煮味菜牛柳絲脆麵，
用氣炸鍋嚟炸麵，
一滴油都冇落，
但一樣炸到脆卜卜，
嘻嘻，
好熱氣呀!
自大魔怪中招後，
佢久唔久就咳幾聲，
所以噚日就整咗杯蜜糖檸檬水俾大魔怪潤下；
剩咗幾片檸檬，
咁就用嚟煮檸檬雞翼啦!
味道酸酸甜甜，
好送飯架!
小魔怪話想食芋頭炆鴨，
今朝去天盛街市雞檔買咗隻冰鮮鴨$115，
買埋半個芋頭$14和1磚南乳$6，
煮咗呢鍋南乳芋頭炆鴨呀!
午餐煮咗3杯米，
食剩1碗飯左右，
哈哈，
我哋係飯桶嚟架!
之前响菜檔買咗3包汕頭咸菜$12，
我鐘意用佢哋嚟煲豬肚湯，
上次已經煲咗咸菜豬肚排骨湯
所以今次就用佢嚟炒牛肉喇!
今日大魔怪終於可以出關啦!
佢連續兩日快測都係一條線，
休息多半日，
下午就番工囉!
噚日煮呢碟雜菌炆雞，
煮法超簡單，
隻雞好滑又好味，
送飯一流架!
今日大魔怪終於榮升一線小生喇!
只要佢明天都係一線嘅話，
咁佢就可以出關架啦!
除咗佢病到wing wing哋起唔到身果幾日外，
佢一路都係要WFH，
因為年尾好忙，
所以佢明天快測後就會去返工，
冇得再WFH啦!
今日佢嘅味覺有番少少反應，
但仍未完成康復。
今日係大魔怪留家抗疫第六日，
噚日同大魔怪做快測，
條T線仲好深色，
但今日做快測條T線開始淺色咗，
睇嚟佢明天或後天可能會變成一線小生，
連續兩日一線就可以出關架喇!
自從大魔怪中招後，
除頭一兩日發燒外，
呢兩日佢已經退咗燒，
依家仲有少少喉嚨痛和咳；
不過呢D都唔重要，
令佢最唔舒服嘅就係頭痛喇!
仲要係痛到爆果隻，
日日食Panadol都唔係辦法，
大魔怪女朋友仔介紹佢試下飲寶礦力溝暖水，
對頭痛、肚痾、發燒有舒緩作用，
而且補充鹽份、電解質、體力，
可以一試呀!
今日2023年元旦日，
開開心心迎接1月1日，
由食開始。
_new.jpg)
