雜菌炆雞

今日大魔怪終於可以出關啦!

佢連續兩日快測都係一條線，

休息多半日，

下午就番工囉!

噚日煮呢碟雜菌炆雞，

煮法超簡單，

隻雞好滑又好味，

送飯一流架!

材料: 雞1隻、雜菌(鮮冬菇、秀真菇、白蘑菇、啡蘑菇、小雞髀菇)、

薑5片、蒜蓉、薑蓉、紹酒、蔥粒

醃料: 豉油1湯匙、鹽1茶匙、糖1茶匙、生粉1茶匙、紹酒1湯匙、

麻油少許、薑蓉適量

調味: 蠔油1湯匙、老抽適量、糖1茶匙、水半碗

做法: 雞洗淨斬件，用廚紙索乾水份後，落醃料醃半日；

雜菌用濕毛巾抹菇身污物後切大片；從雪櫃取出雞件待室溫45分鐘；

燒熱油鑊落薑5片煎香，加入雞件略煎兩面至有微微焦香後盛起(5~6成熟)；

燒熱鑊不需要落油，加入雜菌炒至軟身後，

落蒜蓉、雞件和贊紹酒半湯匙快炒數十下，

落調味加鑊蓋煮8分鐘左右，按個人口味落鹽調味(如需要)，

上碟後灑上蔥粒便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page