大魔怪話好想食手撕雞，
易啦!
咁啱雪櫃有雞扒，
好快攪掂有得食啦!
今日有嘢做，
攪到下午5點幾6點先返到屋企，
我又好想飲湯，
所以就買咗節瓜和肉片，
加埋屋企有咸蛋和瑤柱仔，
滾咗個節瓜咸蛋肉片湯，
簡簡單單有湯有瓜又有肉，
清清哋都唔錯架!
我失蹤咗3日兩夜，
終於可以返嚟啦！
2年前我覺得右胸肋骨附近有D痛，
去私家醫院照過電腦掃描，
又話冇事；
但星期日晚開始又隱隱痛，
所以星期一我去睇急症，
醫生見我咁痛，
所以建議我入院檢查。
噚日2月22日星期六，
老公、小魔怪和我3個人，
返咗大亞灣飲飲食食。
經蓮塘口岸過關後先去搵食。
陽光餐室，
酸菜魚、白切雞半隻、蝦仁炒蛋和湯粉2碗，
盛惠￥180。
小魔怪最鐘意食日式炸雞，
响759買咗呢包炸雞粉，
今次用咗半包粉炸1塊雞扒，
差不多小魔怪自己食哂，
仲食得好滋味添!
今晚呢餐家常便飯，
有蠔油薯仔炆雞翼、灼菜芯、
和蒸海上鮮(蝦乾、魷魚、蠔豉、銀魚)，
三個餸都係我哋至愛，
又要添飯啦!
今日有湯飲，
蓮藕鱆魚馬蹄綠豆煲排骨，
呢個係朱家例湯之一，
大小魔怪每人起碼飲2~3碗架，
而我就食湯渣都夠哂飽呀!
好耐冇整過咸魚煎肉餅，
所以買咗$25豬肉碎，
加咗梅香咸魚肉和乾蔥碎，
整咗客家咸魚煎豬肉餅，
呢個係送飯菜，
一定要添飯呀!
今日用養生壺煲湯，
蟲草花羊肚菌鹿茸菇湯，
加咗豬腱、紅棗和薑，
差不多煲好就放杞子落去，
菇香飄滿屋，
好飲呀!
噚日，
我和老公參加屋苑舉辦嘅居民聯誼活動，
元朗一日遊~大夫第~流浮山海鮮~尖鼻咀，
總共2車有120人，
費用每人$28，
好抵呀!
第一站~東山古廟&大夫第。
今晚2月14日情人節，
我和老公兩個人撐枱腳，
我哋唔會出街食，
簡簡單單焗雞髀、煎司華力腸，
仲有XO醬蝦仁炒西蘭花，
祝大家情人節快樂呀!💕💕💕
今日想食得清啖D，
所以買咗幾粒馬蹄嚟蒸豬肉餅，
加埋幾片魷魚仔，
呢碟蒸餸好送飯架!
冰箱仲有過年前買嘅鴨腳，
今日有時間就炆埋佢啦!
今次加咗冬菇仔、瑤柱和蠔豉一齊炆，
加埋生菜墊底，
好正呀!
一眨眼，
又到咗我和老公結婚32週年啦!
今晚唔煮飯，
我哋一家四口去鋸扒，
新北江~芝士麵，
呢餐食咗$491，
啖啖肉，
又飯又意粉，
大小魔怪食得好滿足呀!
今日老公10點左右就落街搵師傅整去水喉，
師傅話要明天下午先嚟睇下，
通渠、換喉管約$1500，
如果再有其他問題就要再加錢，
最重要係唔需要搭棚，
呢度可以慳幾千蚊架!
全日冇廚房用，
我哋又唔想叫外賣，
所以呢兩餐都係簡單煮，
煮螺絲粉和炒飯，
加滾多個粟米肉碎雞蛋湯。
噚晚老公洗碗時，
發現廚房地下去水位置有水倒灌入廚房，
佢簡單處理咗以為冇事；
點知今朝洗衫，
當洗衣機去水時，
將所有水倒灌入廚房去唔到水，
廚房變成個魚塘咁呀!
最慘係D水唔知經邊度漏落下面果層，
好似瀑布咁呀!
最慘係星期日所有水電舖都唔開門，
暫時處理唔到。
我和老公合力摌走廚房D水，
起碼要等明天先搵人嚟整，
如果水喉真係塞咗又或爛咗，
咁就一定要搭棚嚟整，
冇幾千都唔掂呀!
今次真係大鑊了。
冇得用廚房，
今日兩餐都係叫外賣，
唔知要食幾多餐外賣先攪得掂呀!
上次去妹妹家食開年飯，
姐夫帶咗樽沙薑醬用嚟煮飯，
點知冇用到，
我見到有好嘢，
哈哈，
即刻據為己有先得。
今日就整咗呢碟沙薑醬燒雞翼，
又幾好味道喎!
淘寶賣￥11.9樽，
而Hktvmall就$38樽。
上次炆齋用咗半磚大南乳，
剩番半磚南乳仲係雪櫃；
今日拿拿臨買咗蓮藕、豆腐卜和腩排，
炆咗一大鑊南乳蓮藕豆卜炆腩排，
呢個餸有南乳汁，
真係好送飯架!
大小魔怪係牛魔王，
所以每次整親呢個餸，
真係多多都唔夠佢哋食架!
今晚得我和大魔怪兩個人食飯，
簡單煮咗兩個餸，
豉油雞翼和椰菜雞蛋炒粉絲，
一葷一素，
配搭得啱啱好，
好味道架!
呢排咁多人病，
係時候要煲番個湯水，
增加維他命C先得，
我見好耐冇煲過蕃茄薯仔湯，
所以買埋粟米和甘筍，
加埋西施骨落去一齊煲；
湯要襯熱飲，
飲完成身暖笠笠架!
2月1日星期六年初四
今日我和老公返惠州過年，
我哋驚多人過關嘅關係，
所以8點半就由天水圍出發，
經上水去蓮塘口岸，
點知全程好順暢，
唔係好多人過關，
搭永東巴士返到惠州，
仲係附近搵食先返屋企。
