2020年1月31日 星期五

飯盒(10)


家裡口罩存貨量唔多,

大約有120個左右啦!

為咗慳D用口罩,

呢排我通常會買多幾日餸,

菜唔擺得耐咪買瓜囉!

好在大魔怪可以留係屋企homeoffice,

而平日我會準備3個口罩俾小魔怪返工用的,

下星期我會勤D整飯盒俾小魔怪帶返工,

咁佢中午就唔使出街食飯,

可以再慳多1個口罩喇!

希望口罩快D返貨,

唔使我哋咁緊張去撲買口罩啦!

2020年1月30日 星期四

香菇肉骨茶


依排病菌多多,

聽講馬來西亞嘅肉骨茶有中藥成份,

有助提高免疫力架!

咁唔好遲喇,

拿拿臨煲番煲嚟嘆下先得!


2020年1月29日 星期三

豆豉鯪魚炒油麥菜


新年期間,

所有食材都貴咗好多,

廿幾卅蚊斤菜都係閒閒哋咋!

就連最普通嘅椰菜,

今日竟然賣25蚊個,

嘩,

搶錢咩???

退而求其次改食油麥菜,

不過都唔平廿蚊斤呀!

加埋罐豆豉鯪魚一齊炒,

連粒豆豉都唔好嘥呀!

2020年1月28日 星期二

大年初四


今日大年初四,

母親大人和妹妹一家又嚟我屋企喇!

點解嘅???

原因係初二晚,

小魔怪唔見咗部手機,

懷疑漏咗個係妹妹家,

妹妹佢哋搵咗好耐,

終於係個梳化一個好隱蔽嘅地方搵到,

今日襯有時間就攞入嚟俾小魔怪喇!


2020年1月27日 星期一

大年初三


今日大年初三,

本來預咗返惠州過年,

但因肺炎疫情嚴重,

所以取消回鄉留港過節,

臨時約咗大伯大伯娘和姑奶新抱淇淇嚟打麻雀兼食飯,

家常便飯,

招呼唔到呀!


2020年1月26日 星期日

大年初二


今日係大年初二,

一家四口子食過簡單開年飯後,

又要出外拜年喇!

今年出外拜年,

記得戴口罩而唔係帶口罩呀!


2020年1月25日 星期六

大年初一


今日大年初一,

祝大家身體健康,

龍馬精神,

財源滾滾,

萬事如意,

心想事成!

朱家傳統初一食全素,

小魔怪話呢餐飯好似少咗D嘢咁喎!

哈哈,

大家明佢講哂啦!


2020年1月23日 星期四

西貢半日遊


今日送蘿蔔糕俾母親大人,

適逢妹妹、妹夫和祈祈都開始放年假,

於是相約一齊去西貢閒遊,

呼吸新鮮空氣!

今日天氣都唔錯,

仲好鬼曬添呀!


2020年1月22日 星期三

2020朱家蘿蔔糕


今日年廿八,

除齊齊洗邋遢之外,

我仲整埋蘿蔔糕添呀!

一早起身切切切,

忙忙碌碌又半日喇!


2020年1月21日 星期二

豉油皇煎蝦


原本呢碟豉油皇煎蝦係團年果日食架!

點知當日煮到失哂暈,

唔記得咗有呢碟餸,

就係咁豉油皇煎蝦做咗我噚晚嘅晚餐喇!

2020年1月20日 星期一

炸腰果&炸蝦片


臨近新年,

又要開始準備一些賀年食品招呼朋友,

炸腰果和炸蝦片差不多年年都會做,

今年有多個考慮,

就係炸腰果用油炸定用氣炸呢???

最後決定都係做傳統的~油炸!


2020年1月19日 星期日

2020朱家團年飯


今日提早食朱家團年飯,

母親大人和妹妹一家都有嚟架,

多謝妹妹買滷水拼盆加餸呀!

8餸1湯,

酒微菜薄,

招呼唔到呀!


2020年1月18日 星期六

薄餅博士PHD


話說大小魔怪想食pizza,

佢哋叫咗薄餅博士PHD,

下午5點20分上網落單,

我哋預咗半個鐘左右先會到,

點知轉個頭唔使15分鐘已經送到,

剩係個薯角唔係好熱外,

樣樣都係熱辣辣架!

呢個套餐$270,

加咗盒薯角$25,

仲有網上優惠加$1有個蒜蓉包,

E,

個蒜蓉包呢???

冇送到嚟呀!


2020年1月17日 星期五

蒸水蛋


滑滑蒸水蛋,

我哋一家大細都鐘意食,

蒸水蛋我鐘意落蒸魚豉油,

咁撈起飯嚟就冇咁咸啦!

由於大魔怪食素,

所以蒸水蛋外,

間中會加豆腐落去一齊蒸;

唔食素嘅話,

加肉碎或蒸熟瑤柱折絲蒸都得架!


2020年1月16日 星期四

蟲草花猴頭菇銀耳湯配豬腱粟米紅蘿蔔


之前行街買咗幾款湯包,

今日就煲咗呢個蟲草花猴頭菇銀耳湯,

買加豬腱、粟米和紅蘿蔔一齊煲,

煲佢2個鐘加少少鹽就飲得啦!

呢個湯有治理腸胃和降膽固醇功效呀!


2020年1月15日 星期三

沙薑雞腳


去街市見到D雞腳咁鬼靚,

即刻買2磅返屋企,

嚟整沙薑雞腳,

用有柄雞腳或短腳的都可以整到架!


2020年1月14日 星期二

飲飲食食在惠州


噚日星期一,

我、老公、姑奶、姑奶大仔亞禧和新抱淇淇,

5個人齊齊返惠州玩2日,

係深圳港島口岸大酒樓飲茶後,

搭大巴返惠州。


2020年1月12日 星期日

紅酒燉牛肉


老公開咗支紅酒嚟但飲唔哂,

緊係啦!

果支紅酒有1L架,

咁大支點飲呀!

啱喇,

俾我用嚟燉牛肉都好喎!

呢個紅酒燉牛肉,

配飯和意粉都得架!


2020年1月11日 星期六

沙田第一城盈暉海鮮酒家


今日我哋黃氏三姐妹和母親大人一齊團年,

兼慶祝妹妹生日呀!

叫咗席~良朋歡聚全包宴,

再叫多碟上湯豆苗和椒鹽炸豆腐俾大魔怪食,

碟炸豆腐太好食,

所以最後我哋再order多一碟呀!


2020年1月10日 星期五

香港哥爾夫球公開賽&屏山九缽盆菜


今日老公和我去睇香港哥爾夫球公開賽,

老公連續第四年參觀呢個賽事,

而我就係第一次參觀呀!

2020年1月9日 星期四

尖沙咀~極尚大喜屋日本料理


今日約咗朋友仔3個人去食日本料理,

尖沙咀~極尚大喜屋日本料理,

中午12點食到3點,

一輪衝鋒陷陣,

食唔夠1個鐘我已經投降了,

呢餐平均每人食咗$273左右呀!


2020年1月8日 星期三

黑椒洋蔥茄子燴豬扒


前幾日買咗幾條幼身茄子,

食剩咗2條,

見煮開黑椒洋蔥豬扒,

即刻加埋落去,

嘻嘻,

咁又一碟惹味餸出爐喇!


2020年1月7日 星期二

餃餃震~韭菜雞蛋素餃&韭菜豬肉餃


大小魔怪至愛食餃子,

買咗半斤韭菜,

包咗韭菜雞蛋素餃&韭菜豬肉餃,

放哂入冰箱,

咁就隨時都有得食啦!


2020年1月6日 星期一

麵包製作精選實習初班~9、10堂


差D唔記得post呢堂麵包相添!

第九堂走堂,

所以冇相呀!

至於第十堂呢,

整動物麵包&裝飾麵包,

裝飾麵包太過複雜,

亞sir剩係做一個示範俾我哋睇,

而我哋就改做芝士火腿麵包呀!


2020年1月5日 星期日

2020年1月4日 星期六

海南雞之夜


依家D豬肉咁貴,

有時真係買唔落手架!

唔考慮食豬肉,

改食雞都唔錯架!

參考鄰居陳老太教我整嘅海南雞醬,

去骨海南雞半隻,

美味海南雞飯,

加碟雞汁煮菜芯,

好喇,

海南雞之夜嚟啦!


2020年1月3日 星期五

炸雜錦天婦羅(素)


大魔怪話想食素天婦羅,

呢個簡單喎,

開個油鑊就做到啦!

今次買咗茄子、蕃薯、南瓜,

炸到脆卜卜,

一定要襯熱食呀!


2020年1月2日 星期四

暖笠笠~枝竹馬蹄羊腩煲


噚日元旦日,

安安全全留係屋企煮美食,

小魔怪話想食羊腩煲,

緊係冇問題啦!

簡單好味又易做;

新年新開始,

有個暖笠笠嘅夜晚,

爽呀!


2020年1月1日 星期三

2019聖誕北京之旅~第四、五天(完結編)


2019年12月26日(星期四)

雖然今朝起身外面係-6度,

响室內一D都唔覺凍,

但又唔覺酒店佢有開暖氣咁焗喎!

真奇怪!