2019聖誕北京之旅~第四、五天(完結編)

2019年12月26日(星期四)

雖然今朝起身外面係-6度，

响室內一D都唔覺凍，

但又唔覺酒店佢有開暖氣咁焗喎!

真奇怪!

戶外有咁靚雪景，

點可以放過呢!

影完相，

我哋出發去天壇。

係天壇留咗一陣，

又要去參觀同仁堂喇!

呢間同仁堂旁邊就係王府井大街，

依家冇哂路邊小食攤，

變哂大商場囉!

  

 午餐又係食北京菜，

簡單小炒，

可惜部份餸菜有辣味，

小朋友和老人家唔啱食囉!

食完飯去品茶，

妹夫買咗唔少靚茶葉，

下次要去佢屋企飲靚茶先得囉!

飲完茶又要趕下場~睇雜技!

拿，

係咁陰暗嘅環境，

最適合就係瞓覺啦!

如果唔係祈祈成日叫我醒呢，

我諗我真係會瞓得著囉!

睇完雜技，

又嚟食晚餐啦!

吓，

又食???

我仲好飽喎!

車遊長安街後，

又夠鐘返酒店啦!

2019年12月27日(星期五)

今日係北京之旅最後一日，

酒店餐廳換咗呢個朱古力裝飾，

我鐘意呀!

 (結咗冰嘅冰河)

今日行程係~腳底按摩，

順便緊係推銷佢哋嘅健全產品啦!

午餐食片皮鴨，

與我們同行的一家四口團友會繼續留北京再玩多幾日，

我哋就繼續去下一個行程~參觀玉石店。

拿，

玉石店呢家嘢呢，

真係唔啱我，

睇下就算囉!

時間過得真係快，

又係時候講拜拜喇!

由於要3小時前要去機場，

所以我哋3點幾就到機場啦!

chech-in後，

我哋係機場行下街和食少少嘢先上機，

本來諗住買隻全聚德烤鴨返香港，

好彩店員提醒烤鴨唔可以入香港境，

所以冇得帶囉!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page