菜飯套餐!

難得星期六唔使返工，

想話懶洋洋咁瞓係度睇電視啦!

點知踏正九點，

樓下開始有人鑽牆，

嘈到連自己講嘢都聽唔到呀!

早知唔放假啦!

日式放題!

 

放假先嚟打風，

超冇癮囉!

話說大小魔怪考完試，

佢哋話要食餐勁喎，

要餵包佢哋，

只有食放題呀!

荷香金針雲耳紅棗蒸雞!

個蒸籠買咗咁耐，

終於有機會用啦!

記得呢個蒸籠係上次復活節時去廚安居買，

連籠連蓋都係25.6人仔咋，

超抵呀!

三色椒火腿腸仔蘑菇粟米千島pizza

大小魔怪終於考完試啦!

係呢段日子裡面

我梗係覺得佢哋冇盡力啦!

而且仲可以考得更加好添；

不過我兩個仔嘅性格，

"求學不是求分數"，

只要合格已經好滿足囉，

嘻嘻，

咁咪似我囉!

玫瑰豉油雙拼~牛展&雞翼!

星期日留咗煲玫瑰豉油雞汁，

今日就用嚟滷牛展和雞翼，

真係用得唔好嘥，

合乎我慳家原則呀!

再煮多個福字米粉，

正呀!

麵包製作精選初班(第十堂)&蛋撻!

 

今日係呢個課程嘅最後一堂，

本來係整動物麵包和裝飾麵都包，

不過我哋決定大家夾錢買材料整pizza呀!

至於蛋撻係課程冇嘅，

又係亞sir私人教整o架!

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

 

端午節晚餐!

今日係端午節翌日，

大伯一家和姑奶一家齊齊過嚟做節，

總共11個大人，

好熱鬧!

木糠布甸

今日係端午節，

祝大家端午節快樂!

我哋今日唔做節住，

等聽日大伯一家和姑奶一家過嚟先一齊過節呀!

今日我就整定呢個甜品，

做明日飯後甜品啦喂!

黑糯米椰汁糕!

用椰汁整甜品整上癮添，

今次唔用馬豆、紅豆，

改用黑糯米呀!

仲加埋大菜絲添，

一個字~掂!

本來，

呢個甜品係攞返幼稚園做老師大食會之用，

可惜今日打風唔使返工，

依家大部份落哂大小魔怪個肚裡面啦!

醬燒雙拼!

話就話唔鐘意食雞翼啫，

如果我加埋其他嘢一齊焗，

咁咪有可能吸引到佢食囉!

唔食過都唔知，

原來磨豉醬、海鮮醬、豆瓣醬係好夾架!

芽菜手撕雞!

大小魔怪鐘意食雞係人都知，

不過近日大魔怪嘅口味又變咗啦，

佢唔再鐘意食雞翼，

慘!

屋企有人唔食牛、唔食豬，

依家仲加埋唔食雞翼，

咁我都唔知買咩餸好囉!

日本北海道奶油球!

日本北海道奶油球，

個名係咪好好聽呢???

哈哈，

呢個咪就係噚晚亞sir教嘅飛碟包囉!

不過今次我加咗日本3.6北海道牛奶落去，

咁咪即刻升呢囉!

仲有仲有，

學咗咁多次手搓包，

今日終於試吓唔用機搓，

超黐手呀!

飛碟醬: 牛油50g、糖50g、蛋1隻、低筋麵粉50g

做法: 牛油、糖放入大碗中，座熱水用打蛋器打勻起後加蛋攪滑，

最後加入已篩麵粉攪勻。

呢個麵包係用亞sir教嘅方法搓:

材料: 高筋麵粉250g、砂糖40g、蛋1隻、牛油25g、依士6g、

暖水60g、日本3.6北海道牛奶50g、吉士粉6g

做法: 將麵粉開個圈，粉圈內加入糖、依士、蛋和吉士粉，

再加入暖水和牛奶，(留少許水慢慢加入粉糰內)

將粉圈內材料混合後，加入牛油一齊搓至起筋性和不黏手；

放杯滾水係焗爐，將麵糰放入發酵45分鐘；

取出滾圓分割8個每個約58g再等發酵10分鐘，

將飛碟醬入唧袋，係麵包面唧成圓形，

等最後發酵30分鐘；預熱焗爐190度，

用上下火焗18分鐘便成。

   

  

大家可以入嚟Facebook讚下我新開嘅Fans專頁呀!   雀后(添飯)Facebook Fan Page