醬油洋蔥豬扒

759亞信屋嘅無激素梅頭豬扒真係好鬼抵，

$100有4包，

每次有優惠我都會買定做存貨，

隨時想加餸都好方便呀!

附上我噚日去天水圍公園影嘅魯冰花。

氣炸蝦醬雞翼

噚日開始清雪櫃裡面嘅凍肉喇!

俾我摷到有10隻雞翼，

拿拿臨攞出嚟解凍，

用我至愛嘅蝦醬嚟醃雞翼，

一碟蝦醬雞翼出爐啦!

皮脆肉嫩，

我都忍唔住口食咗3隻雞翼，

好滿足啊!

煎釀茄子豆腐卜

今日買咗魚肉、茄子和豆腐卜，

釀咗一大碟煮煎釀茄子豆腐卜 ，

再加咗個蒜頭豆豉芡汁燴一燴，

正到冇朋友呀!

黃豆醬蒸排骨配豆腐卜

今餐得3個人食，

簡簡單單，

黃豆醬蒸排骨配豆腐卜和白灼菜芯；

蒸排骨配埋豆腐卜一齊蒸，

豆腐卜索哂D麵豉汁，

送飯一流呀!

鹽焗雞

前兩日小魔怪話想食雞，

襯佢今日放假係屋企，

我噚日已經買定和醃定隻雞，

今晚放入焗爐度焗，

名正言順鹽焗雞呀!

金銀蛋肉碎燴菠菜

其實我都幾好鐘意食菠菜，

簡簡單單灼熟佢嚟食又得，

用蒜蓉炒就更惹味，

食得刁鑽D就用金銀蛋肉碎煮嚟食，

菠菜，

真係點煮都咁好食呀!

三色椒蜆肉炒粒粒

前幾日大魚大肉，

所以就要食清D喇!

煲咗一鍋潮州粥，

炒咗一大碟三色椒蜆肉炒粒粒，

送粥一流呀!

下一站，羅湖

老公和我足足3年冇返大陸喇!

今日，

我哋搭火車去羅湖，

主要原因係更新銀行資料(更改回鄉證和電話號碼)；

早上係wechat微信~發現~小程式~海關旅客指尖服務，

填寫出入境健康申明卡資料(24小時內有效)，

將個健康申報碼截圖，

過中國海關前掃碼，

再過中國海關，

早上過關唔算好多人，

非常順暢，

冇難度呀!

我哋去羅湖地鐵站內中國銀行，

8點40分到達，

9點30分先開門，

已經有10個人排隊等候，

之後人數會越來越多，

要處理銀行業務嘅朋友就要注意啦!

鮮腐竹蒸甜梅菜(素食)

噚晚打邊爐，

食剩咗一條樹記鮮腐竹，

今晚就用佢嚟整咗碟鮮腐竹蒸甜梅菜，

簡單又好味道，

送飯一流架!

酸菜魚火鍋

噚日同祈祈慶祝完生日，

已經食咗餐勁架啦!

今日又輪到我哋屋企食酸菜魚火鍋，

今次好彩我預備咗唔係好多食材，

加埋大魔怪女朋友仔，

我哋5個人食，

大魔怪女朋友仔買咗大埔樹記嚮鈴、豆卜、鮮腐竹，

魚片和振興牛丸；

買咗包醃好嘅魚片肉，

又唔錯喎!

先灼魚肉食，

然後就用個酸菜湯底打邊爐，

好正呀!

祈祈12歲啦!

今日祈祈12歲生日喇!

好多識我嘅網友話由祈祈BB啱啱出世果一刻，

睇到祈祈長大成少女，

時間過得真係快喇!

妹妹訂咗越泰式外賣到會$2077和另外買咗隻白切雞，

盆盆都好大盒，

好味又抵食呀!

家常便飯

之前西醫話我有脂肪肝，

今日就搵中醫調理身體，

先執幾濟藥飲下先，

遲下應該會加強治療呀!

晚餐就食得簡單，

青瓜炒牛肉和蕃茄蛋。

做義工

今日下午老公和我齊齊去做義工，

屋苑有個新春長者茶聚，

我負責帶位安排長者入坐；

長者們有得食、有獎抽、仲有遊戲玩添，

好開心架!

而我哋義工都有份茶聚架!

焗雜菌粉絲鍋(氣炸)

噚晚除咗叫咗份土耳其餐，

其實仲有個焗雜菌粉絲鍋(氣炸)，

簡單又好味道，

我和小魔怪大啖大啖咁食，

食得好爽呀!

外賣~土耳其餐

今日2月14日情人節，

我雀后祝大家情人節快樂呀!

今日我嘅正牌情人約咗人打牌，

不過唔梗要，

我仲有個後備情人~小魔怪陪我食飯；

唔想煮就叫外賣啦!

今餐叫咗土耳其餐，

杜拜雞、極上羊肉薯條、羊肉咖哩配飯、燒烤薄餅，

全部都啱哂我倆口味呀!

螞蟻上樹~冬菇蝦米肉碎炒粉絲

我哋成家都好鐘意食炒粉絲，

我見啱啱買咗半斤粉絲，

即刻浸咗部份炒嚟食喇!

今次炒咗一大碟，

我食粉絲都食飽呀!

芥末手撕雞

今日整芥末手撕雞，

小魔話要大辣，

我差不多落咗半支wasabi佢都話唔夠辣，

唔係嘛，

我暈喇!

慶祝結婚30週年(珍珠婚)

今日係我和老公結婚30週年(珍珠婚)，

我、老公、姑奶、大魔怪叫埋女朋友仔和小魔怪，

一行6人去食德國菜慶祝；

姑奶送咗個結婚公仔擺設俾我哋，

多謝，

真係好靚呀!

呢餐大小魔怪兩兄弟請，

食咗$2850。

元朗形點1期~Brotzeit German Bier Bar & Restaurant

天水圍新北江~臺味冰點

因為我懶，

所以今晚我哋3仔乸(老公有約)出街食飯呀!

近近哋落樓下食台灣嘢，

3個人食咗$247，

飽飽呀!

旺角家樂坊~八歌仙

3年喇!

疫情到依家我哋就冇見3年喇!

朋友係要見架!

其實我哋約咗好耐，

但因種種原因，

終於約到今日，

我哋去咗角家樂坊~八歌仙食燒肉火鍋放題呀!

我哋揀咗setB~M9+澳洲和牛燒肉放題(120分鐘)，

原價$498+10%，

7.5折扣後大約每人$430。

南乳花生蓮藕炆豬手

今日買咗4磅豬手粒，

加埋花生和蓮藕，

炆咗一大鍋南乳花生蓮藕炆豬手，

呢度可以分兩餐嚟食，

越炆會越入味架!

家常便飯

今朝我咗去天盛街市買餸，

買咗2隻紅衫魚$70($5.5兩)，

中size唔算好大條，

落少少鹽和胡椒粉醃咸佢，

煎香佢嚟食好惹味架!

加多碟豉汁蒸排骨和肉片炒菜芯，

開得飯啦!

薑蔥雞髀

唔講你哋唔知，

我其實唔係咁鐘意食蔥，

但薑蔥蓉嘅蔥我就好鐘食喎，

係咪好奇怪呢!

今次整呢碟薑蔥雞髀

一定要多薑蔥蓉先好食，

放咗2/3份薑蔥蓉係雞髀面，

其餘嘅薑蔥蓉我用咗嚟送飯，

好鬼正架!

新春行大運

今日老公約咗佢嘅舊同學，

一行12人齊齊新春行大運，

嘆完個早餐就起程喇!

天水圍新北江~Cookingnana

今晚大魔怪興起話想食漢堡包，

天水圍新北江~Cookingnana係我哋近期至愛之一，

我介紹咗幾個朋友仔去食都話好食，

今日叫咗個2人餐有漢堡包2款、意粉1款、小食1款和2罐汽水，

我哋再叫多1款意粉，

呢餐3個人食，

連15%折扣優惠$253.1。

燒雞翼(氣炸)

由細到大我好鐘意燒雞翼，

今日去凍肉舖買咗10隻雞全翼，

醃咗放入氣炸鍋內整燒雞翼，

分咗2次氣炸(每次5隻)，

總共我食咗3隻，

好滿足呀!

元朗壹籠&雀局晚飯

今日中午我哋約咗大伯大伯娘、姨甥仔夫婦一齊飲茶，

呢餐茶6個人飲咗$550，

都算平呀!

天水圍公園繡球花&茶皇殿

前兩日睇新聞知道天水圍公園裡有繡球花海睇，

今朝晨運我就走咗去睇下喇!

行咗一個大圈先搵到一個角落嘅繡球花，

睇到都幾靚，

可惜繡球花海範圍唔係好大，

專登搭車嚟睇就唔化算啦!

不過沿途都有其他花睇，

但位置就分得好散喇!