透心涼~紅腰豆薯仔青瓜粟米沙律!

天時暑熱，

最佳消暑方法就係食沙律啦!

簡簡單單整咗個紅腰豆薯仔青瓜粟米沙律，

有益又好味道呀!

 

 

 

2013年韓國之旅~第一日!

2013年7月24日
1998年去過韓國旅行之後，

真係整整15年冇嚟過啦!

今次我哋係跟旅行團玩足5日。

23號晚10點半左右到機場，

搭半夜1點機去韓國。

人人話飛機餐唔好食，

不過我又唔覺喎，

可能我為食啦!

2013年韓國之旅~手信篇!

係韓國玩咗5日，

我終於返嚟啦!

呢5日裡面，

發揮我敗家嘅本色，

化妝品、小食和零食等等，

咩都掃，

哈哈，

好鬼開心呀!

首先係零食:

2013年韓國之旅~韓國，我嚟啦!

 

今晚，

我會撇低大小魔怪和老公，

同母親大人、姐姐、姐夫、妹妹、妹夫和祈祈BB，

一行7人齊齊飛去韓國玩5日；

今晚半夜1點機，

星期日晚上11點左右先返到香港，

名副其實玩C妳5日團。

妹妹妹夫今朝pack行李，

話順便pack埋祈祈BB入喼喎!

而我呢，

盡量帶少D嘢去，

希望可以買哂成個韓國返嚟啦!

金銀蒜梅菜蒸茄子!

 

呢排大魔怪開始食素菜，

佢話要環保，

唔想D動物咁快絕種!

雖然食素菜，

但佢都有要求架，

係唔可以求求其其烚菜俾佢食呀!

 

蒜蓉牛油焗雜菇!

今日D懶蟲出嚟，

攪到我咩都唔想做，

仲走去瞓個靚午覺，

爽!

連煮晚飯都冇哂動力添???

唯有整呢個焗菇菇最啱喇，

快靚正嘛!

 

少少心意!

 

終於到咗7月20日啦!

今日會係我人生一個大日子，

我嘅新書簽名會和發佈會呀!

冇咩送俾大家，

我親手做咗D曲奇請大家食，

雖然曲奇樣衰衰，

不過呢D係我少少心意嚟架，

多謝大家支持!

今日書展4點見啦!

記得晚上8點15分仲有場新書推介會，

齡記攤位1A-C21 等緊妳呀!

白汁芝士焗西蘭花!

 

我習慣咗早瞓，

所以好多時冇睇9點半D劇集；

聽講話依家做緊嘅衝上雲霄2好睇，

今日即刻上mytv睇番，

越睇越覺得唔錯喎，

連續睇哂4集，

追得過呀!

 

素菜雞蛋炒拉麵!

 

近排大魔怪對食肉冇哂興趣，

佢仲話想食多D素菜喎!

大個仔有自己嘅選擇權，

做媽媽嘅我緊係支持啦!

等我諗多D素食譜煮俾佢食先得!

 

洋蔥炒牛仔骨配韓式牛肉汁!

臨放假前訂咗D凍肉放入冰箱，

有咸豬手、牛仔骨、牛柳、豬頸肉，

隨時拎起手有得用喇，

不過個冰箱真係好細，

少少嘢就已經滿哂，

如果有個大雪櫃就好囉!

西餅、蛋糕製作精選實習班(一)~第五堂!

 

話咁快又到咗第五堂，
呢堂整雲石芝士蛋糕，
蛋糕面搽咗層白蘭地糖漿，
正呀!

 

 

 

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page

 

 

素菜包!

今日係中學文憑試放榜的大日子，

大小魔怪係今年考生之一；

做家長嘅我十級擔心，

鬼咩，

一次要擔心兩個，

唔擔心就假嘅，

仲喊鬼咗出嚟添。(好鬼冇用呀!)

當收到佢哋嘅成績後，

又喊!(正一喊包!)

不過係開心嘅喊呀!

雖然成績唔係好標青，

中規中矩，

值得開心!

Sunday brunch~香茅豬扒湯河粉!

 

男人買嘢真係唔靠得住；

佢話想食炒河粉，

仲話出開街會順便買埋河粉返嚟喎，

咁我咪係屋企切定菜和甘筍等囉，

點知，

買返嚟唔係粗河粉而係幼河粉，

仲反問我:有分別架咩???

 

Last day!

 

尋日係我和另一位同事係呢間學校嘅Last day!
係度十幾年有過開心和唔開心嘅時光；
不過大家有一個信念，
响家長和小朋友心目中，
我哋係一位好老師!
祝各位同事緊守岡位，
努力加油!

冬菇炆鮮鮑魚!

 

今日係我悠長假期嘅開始，

約咗lonely入大埔入貨兼買海鮮，

唔行都唔知大埔墟街市D海鮮咁平，

真係平靚正，

鮑魚$70有廿隻，

冇沙蜆$40，

石祟魚1斤$40，

整咗下面呢個海鮮餐呀!

 

瑤柱草菇冬瓜環!

本來諗住今日整個素菜，

不過用咗瑤柱，

又用咗清雞湯，

所以呢個唔算係素菜囉!

 

西餅、蛋糕製作精選實習班(一)~第四堂!

今堂整紐約芝士蛋糕和朱古力曲奇。
我都冇得試食曲奇，
因為當我想食時，
已經俾人哋食哂啦!

 

 

 

   

亞虎都唔知攪咩???

唔俾我擺相啦!

擺一二張相就得，

想放多幾張相就死圖啦!

 

 

 

 

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

黨參杞子醉雞翼!

 

醉雞翼係小魔怪至愛之一。

佢噚日攞埋個結他去同學屋企玩，

本來小魔怪話唔返嚟食飯，

點知一知道有醉雞翼食，

即刻趕返嚟，

仲一口氣食咗6隻添呀!

唔知佢夜晚有冇醉到呢???

 

 

 

小暑~煲冬瓜!

 

今日小暑，

最啱就係煲冬瓜架啦!

冬瓜有利尿、清熱消腫功效，

而薏米就有健脾開胃、利尿、去水腫，

呢個夏天最啱飲呀!
 

蠔油花生炆豬手!

 

今日放工後到百佳行個圈，

經過豬肉檔時，

突然聽到豬肉佬話:「靚女，買豬手食啦!」

喂喂，

叫我嗎???

豬肉佬:「靚女，妳都好耐冇買豬手食，平D賣俾妳啦!」

終於買咗一隻$31嘅豬手返屋企喇!

女人好易氹呀!

蝦仁火腿蟹柳絲配日式芝麻醬拉麵！

 

呢排日日都酷熱天氣警告，

我最怕熱架啦!

每日下午放工時，

太陽伯伯係咁曬我頭頂，

簡直想C囉!

熱到都唔想食飯，

食涼拌冷麵都唔錯啊!

 

薑蔥蒜手撕雞!

踏入七月，

我嘅心和身，

簡直放緊假咁呀!

做起事上嚟都懶洋洋，

冇咩動力添!

就連食都唔想𦧲骨，

呢個手撕雞就最啱我依家嘅心情啦!

 

老黃瓜眉豆粟米紅蘿蔔排骨湯!

唔認老都唔得啦!

呢排周身骨痛，

好鬼火呀!

所以今日煲個去清熱下火、健脾、去濕和消暑嘅湯水啦!

唔講唔知，

原來食眉豆好處多~不但防癌、防血管硬化、抗衰老，

還可幫助婦女解決經期的煩惱和更年期的種種痛苦。

(周兆祥博士)

七一晚餐!

 

 

噚日，

去咗祈祈BB屋企耍樂，

見到祈祈BB真係好開心，

我一嚟到即刻除衫俾我睇，

睇咩???

睇佢件新衫囉!

每家人準備2個餸菜，

頭兩樣係我整架!

 

南乳蓮藕木耳炆腩肉!

今日七一回歸假期，

1號風球懸掛，

遲D可能會掛3號添!

天色明朗，

唔似打風囉!

晏D我和老公會去祈祈BB屋企耍樂!

每個家庭要準備兩個餸菜做晚餐，

呢個南乳蓮藕木耳炆腩肉係我準備嘅其中一個餸呀!