金銀蒜梅菜蒸茄子!

 

呢排大魔怪開始食素菜，

佢話要環保，

唔想D動物咁快絕種!

雖然食素菜，

但佢都有要求架，

係唔可以求求其其烚菜俾佢食呀!

 

 

 

材料: 茄子2條、梅菜1/4棵或3條仔(惠州甜梅菜)、

蒜蓉和炸蒜蓉適量、蔥絲、麻油和糖少許

調味: 豉油1.5湯匙、糖1茶匙、麻油少許

做法: 梅菜浸軟洗淨去沙切碎，

用白鑊(即唔好落油)炒香梅菜至乾身，

加少許糖和麻油撈勻備用；

茄子切件上碟，舖上梅菜和蒜蓉，

放入熱水鑊中蒸8-10分鐘，

取出茄子加入蔥花和淋上調味，

贊少許滾油上茄子面，最後灑上炸蒜蓉便成。

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page