豉汁燒釀茄子

真係好鐘意食釀茄子，

今次加咗冬菇和蝦米做肉餡，

配埋個濃濃嘅豉汁，

送飯真係一流架!

材料: 茄子2條、豬肉碎200g、冬菇1隻(大)、蝦米1湯匙、薑蓉、蔥粒、

蒜頭豆豉粒、洋蔥半個(粒)

醃料: 豉油半湯匙、糖半茶匙、麻油少許、粟粉少許、水1湯匙

調味: 蠔油1湯匙、豆瓣醬半湯匙、豉油半湯匙、老抽半湯匙、

鹽半茶匙、糖1茶匙、大半碗水

做法: 冬菇浸軟切碎；蝦米浸軟切碎；

將豬肉碎放入大碗中加入冬菇碎、蝦米碎、薑蓉和醃料攪勻，

放入雪櫃雪1小時；茄子洗淨去頭切斜片或直片都可以，但不要切斷，

(把兩隻筷子夾在茄子中間，咁切開茄子時就唔會斷啦!)

打開每片茄子撲少許粟粉係裡面，將豬肉餡釀入茄子內；

燒熱油鑊(落多少少油)，把茄子兩面煎至金黃色後上碟；

放入熱滾水內蒸10分鐘至肉熟後取出(如有肉汁可放落豉汁內)；

燒熱油鑊落蒜頭豆豉和洋蔥粒爆香，加調味煮至汁濃落粟粉水埋芡汁，

將豉汁淋在茄子面加蔥粒裝飾便成。

~唔想蒸，連豉汁一齊炆10分鐘都得架!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page