雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2015年5月20日星期三

燕麥咸魚馬蹄煎肉餅

今朝係街市買咗片超薄嘅梅香咸魚$8，

用佢嚟整肉餅就最啱啦!

整咗燕麥咸魚馬蹄煎肉餅，

咸咸香香好惹味架，

唔想煎，

蒸都可以架!

材料: 豬肉碎1磅、梅香咸魚1件、馬蹄5粒、燕麥2湯匙、薑蓉適量、蔥絲

醃料: 豉油1湯匙、糖2茶匙、麻油少許、生油少許、水3湯匙

做法: 馬蹄去皮切碎；咸魚拆肉切粒；將肉碎放入大碗內，

加馬蹄粒、咸魚粒、燕麥、薑蓉和調味攪勻，

放入雪櫃雪1小時，取出後將肉餡搓成球壓成餅，

放入易潔鑊中煎至肉餅兩邊金黃色或熟，加少許蔥絲裝飾便成。