雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2015年5月27日星期三

豉汁帶子蒸豆腐

豉汁帶子蒸豆腐，

快靚正之餘，

仲要係高貴得嚟又出得大場面，

哈哈，

好似我咁樣呀!

材料: 帶子8粒、有機嫩滑蒸煮豆腐1盒、蒜蓉、即食豆豉粒、

蔥絲、熱滾油

調味: 豉油、麻油

做法: 帶子解凍後用廚紙印乾水份；把豆腐切成8塊放在碟中，

將帶子放在豆腐上，將蒜蓉和即食豆豉粒攪勻鋪在帶子面上，

燒熱水把帶子豆腐放入鑊裡用大火蒸3分鐘左右後取；

用廚房紙索乾碟內的水份後放上蔥絲，把燒熱的滾油贊在豆腐面，

最後淋上調味便成。