今日大年初三，
噚晚黃氏在妹妹家團拜兼食開年飯，
姐姐和工人姐姐合作煮飯，
花膠鮑魚大大件，
好味道呀!
今日大年初二，
一早起身準備開年飯，
之後就出街拜年喇!
夜晚去妹妹家團拜，
姐姐負責煮飯，
我負責食呀!
今日大年初一，
我祝大家蛇年行大運，
盛世慶新春，
身體健康，
萬事如意，
喜事連連。
今日朱家食全日素，
簡單又好味道呀!
今年只炸腰果，
炸咗一磅咁多，
但原來係唔夠架!
點算???
遲下又要再炸過囉!
今朝中午，
我去咗沙田送蘿蔔糕俾母親大人，
你咪話，
個蘿蔔糕都好重架!
所以我直接送到母親大人屋企，
等佢唔使拎來拎去。
之後就同母親大人去咗大圍圍方飲茶呀!
呢兩日真係好忙，
噚日忙完餐團年飯，
今日又要整蘿蔔糕，
明天我要去沙田，
攞個圓形蘿蔔糕俾母親大人呀!
今日朱家食提早團年飯，
母親大人、妹妹一家，
和大魔怪女朋友仔都入咗嚟呀!
今餐有5餸1湯，
白飯任裝。
屋企仲有1/3支瑞士汁，
所以今日買咗金錢肚、豬肚和火雞腎，
鹵咗一大鍋，
可以分幾餐食呀!
响雪櫃摷咗盒豆腐，
睇日期差不多要到期，
拿拿臨貫咗10蚊豬肉碎返嚟，
整咗呢碟蠔油豆腐煮肉碎。
噚日清理冰箱，
摷到條潮州豬肉卷；
今日就用咗半條嚟炒蜜糖豆，
加埋三色椒和炸腰果落去，
用最簡單嘅調味，
我落咗少少鹽、糖和蠔油，
炒埋一碟餸就食得啦!
噚日我、老公、大魔怪、女朋友仔和女朋友仔媽咪，
5個人一齊落元朗睇樓，
了解一下依家房地產行程，
睇樓唔可以急，
要慢慢睇呀!
睇咗9個二手盤，
仲有一個新樓盤，
行到腳仔軟呀!
晚飯係元朗形點I~鵝鹵宮，
女朋友仔個妹妹和小魔怪都嚟咗食飯，
7個人點咗7餸1湯，
味道都唔錯，
清清哋唔太濃味，
唔怪得咁多人係門口等位啦!
今朝食完午餐後，
我哋會同埋大魔怪女朋友一齊落元朗，
佢哋話想睇下元朗D樓，
當日後結婚打算，
喜事又近咗一步了。
午餐有金銀蛋肉碎煮波菜、薯仔炆雞翼和蝦仁炒蛋。
今晚得我和小魔怪食飯，
我緊係偷懶唔煮啦!
小魔怪負責叫外賣，
佢揀咗食拉麵。
屋企仲有大半扎西洋菜，
我買咗廿蚊肉碎，
再加幾粒雜丸，
滾咗個快靚正嘅西洋菜湯，
呢餐有湯有菜有肉又有湯，
正呀喂!
今日9點約咗朋友仔係蓮塘口岸集合，
再搭地鐵去華強北~子曰禮飲茶，
之後call車去深圳costco行街街。
今日小魔怪WFH，
佢話想飲湯，
我見菜檔有西洋菜賣，
買咗2扎$15，
用咗1扎半嚟煲湯，
剩番半扎明天炒嚟食呀!
今日都係我和老公兩個人食飯，
唔想再食飯盒，
所以簡單煮咗兩個餸，
蠔油豆腐肉碎和節瓜粉絲煮蝦米。
老公每次買返嚟嘅飯盒，
我都好似開盲盒一樣心情，
有時歡喜有時愁呀!
點解盒盒都差不多餸，
哈哈，
因為佢有選擇困難症囉!
今日黃氏家族提早團年，
兼慶祝妹妹生日，
我哋去咗石門煌苑酒家食晚飯，
呢圍$6388，
碟碟都大大碟，
不過我哋好大食，
只食剩大半碟糯米飯，
其餘全部都食哂呀!
今日大小魔怪都唔返嚟食晚飯，
我簡單用養生壺煲咗個湯，
五指毛桃羊肚菌蓮子白合淮山湯，
係咁凍嘅日子，
飲碗熱湯真係好暖身架!
材料有羊肚菌、五指毛桃、甘筍、蓮子百合、
淮山、龍眼肉、杞子、瑤柱仔和蜜棗。
1月7日星期二
我和老公兩個人，
襯就嚟過年，
所以返咗去大亞灣的家打掃下，
順便佈置一下間屋。
未返去之前去蓮塘口岸隔離商場食嘢，
麻麻哋冇下次呀!
(當日上水去蓮塘好多人等車呀!)
大魔怪女朋友好鐘意嚟新北江間餃子館食嘢，
襯佢搬咗隔離舖，
大咗又多坐位，
所以噚日我哋4個人就去食午餐，
叫咗4碗8隻湯餃，
又加8隻煎餃，
再點多2款小食和豆漿，
呢度食咗$329。
噚日去拜祭完奶奶後，
大魔怪女朋友仔過嚟食晚飯，
拿拿臨買咗條魚，
煮鍋咖哩薯仔牛筋腩配香蔥煎餅，
煲湯時加埋舊腩肉落去一齊煲，
之後切片整咗碟蒜泥白肉，
灼菜芯和下午食剩嘅芋頭卷，
咁又一餐啦!
今日，
我哋一家四口去粉嶺坪輋雲泉仙館拜奶奶，
順便食齋和買手信。
咁啱今日雲泉有寫揮春活動，
各位老師親手提字，
寫得好靚呀!
今日約咗朋友响惠州見面，
原本諗住會住一晚，
點知老公臨時約咗朋友明天踩單車，
所以我哋5點幾食少少嘢就返香港喇!
今日2025年1月1日，
黃氏又聚埋一齊去妹妹家開扒地喇!
下午有簡單下午茶，
晚餐有自助餐，
呢餐好抵食$2000左右，
大家都食得好開心呀!
之後有抽獎時間，
而姐姐妹妹又送咗好多旅行禮物俾我，
今次真係大豐收呀!
