支竹馬蹄羊腩煲

我星期五已經炆定支竹馬蹄羊腩煲，

留番星期六同老公和細仔一齊食，

我哋一路食一路睇善心滿東華，

我哋決定用孫仔名義打電話去捐錢，

我和細仔打咗十次以上先打通捐款電話，

火災無情，

人間有愛。

P.S.英文名串錯應該係Tristan。

支竹馬蹄羊腩煲

我前日已經買咗4磅羊腩，

問大小魔怪星期六日邊日得閒，

因為佢哋週末好多節目，

所以要一齊食飯都要約好時間呀!

今晚食支竹馬蹄羊腩煲。

2023提早冬至的晚餐~雙冬羊腩煲

今日，

我哋一家4口連同大魔怪女朋友5個人，

齊齊提早過冬至；

適逢今日天氣轉涼，

最啱就係打邊爐食羊腩煲架啦!

今次我炆咗5磅羊腩，

加埋生菜、嚮鈴、金菇，

點知大小魔怪話唔夠食，

仲要加咗幾粒雜丸和台灣王子麵，

咁就飽飽囉!

冬至快樂~雙冬羊腩煲

我前幾日已經買定3磅幾急凍羊腩，

準備今日食羊腩煲過冬至；

噚日已經炆定呢煲羊腩，

小魔怪今日WFH，

等到大魔怪放工後，

一家四口齊人，

開得飯喇!

孜然羊肉

响我自我隔離期間，

老公買咗一pack火鍋羊肉片返嚟，

唔使問小魔怪一定想食孜然羊肉呀!

成碟羊肉，

小魔怪起碼食咗大半碟呀!

烚下烚下~支竹馬蹄羊腩煲

噚日買咗4磅幾冰鮮羊腩，

拿拿聲炆定D羊腩雪一晚，

今晚就攞嚟烚下烚下，

唔講咁多，

開餐喇喂!

2021元旦暖笠笠~支竹馬蹄羊腩煲

踏入2021年的第一天，

今日連寫兩篇blog呀!

在寒冷天氣警告下，

今日整咗支竹馬蹄羊腩煲嘆下啦喂!

圍爐取暖，

食住羊腩暖笠笠，

飲罐冰凍啤酒，

爽呀!

烚下烚下~支竹馬蹄羊腩煲

見到凍肉舖有急凍羊肉賣，

買咗2磅半返屋企炆嚟食，

本來諗住夜晚先食，

但小魔怪要出街，

所以改咗中午就烚下烚下囉!

姐姐好耐之前幫我淘咗呢個新玩具~小熊多功能電烤爐，

打邊爐和燒烤兩用都得架!

暖笠笠~枝竹馬蹄羊腩煲

噚日元旦日，

安安全全留係屋企煮美食，

小魔怪話想食羊腩煲，

緊係冇問題啦!

簡單好味又易做；

新年新開始，

有個暖笠笠嘅夜晚，

爽呀!

冬至快樂~熱辣辣羊腩煲

小魔怪由英國返咗嚟香港咁耐，

佢話冇食過羊腩煲喎!

襯今日係冬至，

一於嚟過熱辣辣暖笠笠嘅羊腩煲啦!

咁大魔怪呢???

佢12月中開始放大假，

前幾日飛咗去日本玩，

28號先返香港呀!

烚下烚下～支竹馬蹄羊腩煲

天氣凍凍哋，

又係時候食羊腩煲啦!

雖然得2個人食，

但絕對冇馬虎，

樣樣配料都買齊，

開飯啦!

暖笠笠~羊腩煲

今日係屋企有個好重要嘅任務，

就係嚟個夏冬大換季喇!

自知有鼻敏感，

已經戴定口罩保護個鼻，

點知都係中招，

狂打咗起碼有100個噴嚏以上，

之後鼻水長流，

急急食藥休息，

瞓醒又再執過呀!

好彩今次有小魔怪幫手換季，

抵錫呀!

早早炆定個羊腩煲，

食完肯定成身暖笠笠呀!

這個冬天不太冷，好溫暖啊!

今次要讚讚天文台啦!

佢話咗噚晚開始凍，

真係成晚北風呼呼吹，

好似打到嚟咁呀!

朝早起身天水圍得7.9度咋!

好凍呀!

不過唔怕，

只要冬天孖寶一出~羊腩煲&生炒糯米飯，

這個冬天不太冷啊!

枝竹馬蹄羊腩煲!

 

呢兩日，

 

我俾小魔怪激死，

 

咁凍天時得果4度，

 

竟然著1件冷背心和1件冷衫就咁番學，

 

校褸都唔著呀!

 

唔病都幾難啦!

 

老公話如果佢病，

 

一定會餵米田共俾佢食o架!

 

 

香草蒜蓉黑椒焗羊扒!

颱風"鮎魚"終於肯走，

聽日嘅家長會可以照常舉行!

小魔怪話今日吹D風先似秋天喎!

令我好想好想去燒嘢食添!

不過冇人肯陪我去呀! 

今日學人焗脆卜卜嘅羊架，

唔知道成唔成功呢???

蒜蓉香草黑椒焗羊架!

睬睬睬!

呢排D垃圾留言好鬼核凸，

通常都係著哂三點式泳衣嘅女人，

俾我見到全部delete佢o架! 

講番今日焗呢個羊架!

已經攞咗係雪櫃好耐啦!

係上次訂凍肉時訂o架!

成個羊架好似$68咋!

抵唔抵呢!

我用咗好簡單嘅醃料，

不過就要預早一晚醃先入味囉!

仲有呀!

配埋個薄荷醬點嚟食就very good啦!

中式焗羊排!

 

放假啦!放假啦!

 

忙咗成個月咁耐，

 

返埋今日終於可以抖抖囉!

 

開心!

 

今日呢餐可以講係小魔怪愛吃篇。

 

因為今日我焗羊排，

 

小魔怪聽到話焗羊排，

 

已經笑哂出嚟!

 

不過大魔怪就唔鐘意食羊，

 

所以一早講明唔食；

 

好彩今日學校老師們開扒地食pizza，

 

食剩咗大半個pizza俾我攞咗返屋企，

 

食到佢飽飽唔使再食飯呀!

 

孜然羊架!

小魔怪成日都叫我煮羊架，

最衰係大魔怪唔鐘意食羊，

就得一個另一個又唔鐘意，

好煩呀!
 

 

孜然羊架

 

材料: 羊架4件

 

醃料: 孜然粉、鹽、老抽、黑椒碎、麻油

 

做法: 用醃料醃羊架2小時：預熱焗爐200度15分鐘，

 

焗羊架30分鐘，每15分鐘反轉焗另一面。

 

 

 

 荷葉金針雲耳紅棗蒸雞

 

 

材料: 荷葉半塊、冰鮮雞一隻、雲耳、金針和紅棗8粒

 

醃料: 豉油、老抽、糖、粟粉、麻油和紹酒

 

做法: 雞斬件備用；雲耳浸軟去硬部份；金針浸軟去硬部份後打結；

 

將雞、雲耳、金針和紅棗用醃料醃2小時；

 

將醃好的雞放入洗淨荷葉內連砵一齊蒸40分鐘便成。 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page

 

 

烚吓烚吓~枝竹馬蹄羊腩煲

 

襯天氣凍凍哋，

 

我買咗5磅羊腩，

 

都係$110咋!

 

即每磅$22，

 

又平又抵食。

 

我星期五已經炆定個羊腩啦!

 

等到今日同埋母親大人和姐姐一家，

 

齊齊滾滾吓啦!

 

嘩!D羊腩好入味和淋添!

熱辣辣羊腩火煱!

 

今日天寒地凍，

 

適逢幼稚園個廚房訂羊肉星期一打邊爐，

 

又咁啱訂多咗羊肉，

 

又見一磅都係$22，

 

於是咪叫廚房讓3磅過我，

 

自己炆嚟食先得!