今日係屋企有個好重要嘅任務，
就係嚟個夏冬大換季喇!
自知有鼻敏感，
已經戴定口罩保護個鼻，
點知都係中招，
狂打咗起碼有100個噴嚏以上，
之後鼻水長流，
急急食藥休息，
瞓醒又再執過呀!
好彩今次有小魔怪幫手換季，
抵錫呀!
早早炆定個羊腩煲，
食完肯定成身暖笠笠呀!
材料: 羊腩4磅、炸枝竹1包、馬蹄18粒、冬菇8隻、薑(大量)、
紹酒1湯匙、冰糖2粒(乒乓球咁大)
調味: 大南乳一磚、腐乳4件、柱候醬1湯匙
做法: 羊腩用薑和1湯匙紹酒出水，洗淨後備用；
馬蹄去皮；冬菇浸軟切片；支竹浸軟備用；
落油爆薑和調味，落羊腩炒勻後贊1湯匙紹酒炒數十下，
落冬菇和馬蹄炒勻後加水要蓋過羊腩面炆1個半小時後熄火；
食前將羊腩煮至翻滾加枝竹炆15分鐘便成。
我家大少見到一定流晒口水
回覆刪除哈哈，咁妳仲唔快D整俾佢食!
刪除我又係...一換季同換床單就會係咁流鼻水. 我可以流足成日都唔停, 有時流幾兩三日. 好煩!
回覆刪除今日我仲流緊鼻水呀!
刪除羊腩煲好正！ 你帶口罩保護個鼻都無用，要包埋頭髮，換埋衣服先得架。
回覆刪除唉，總次點保護自己都冇用，一有塵我個鼻就會中招呀!
刪除羊腩煲我唔啱啦
回覆刪除咁今日我整咗雞翼，妳一定啱啦!
刪除D手腩在那裡買?
回覆刪除你可以去有新鮮羊肉賣的肉檔買，又或可以選擇去凍肉舖買冰鮮羊肉。
刪除羊腩煲，食咗暖笠笠，我啱呀！
回覆刪除係架，圍住個爐烚烚下，真係好暖物架!
刪除但係冰鮮會否唔好食?
回覆刪除個人感覺，新鮮羊比較羶，冰鮮的就冇咁羶，而且新鮮羊貴冰鮮羊有2至3倍，我會食平少少囉!
刪除