土魷冬菇馬蹄蒸肉餅

手剁豬肉真係特別好食；

雖然今次冇咩肥肉，

仲有少少筋添，

不過我就係鐘意佢有咬口，

仲啖啖有肉味添!

有人話做咩咁辛苦自己剁豬肉啫，

因為一碟手剁豬肉餅，

令我想起已去逝的父親大人，

依然非常懷念你!!!

材料: 梅頭豬肉1磅、魷魚乾1隻、冬菇仔6隻、馬蹄5粒、蔥粒

醃料: 豉油1湯匙、鹽半茶匙、糖1茶匙、粟粉2茶匙、

麻油和生油少許、水2湯匙

做法: 魷魚乾和冬菇浸軟後切粒；馬蹄去皮切片；

梅頭豬肉洗淨後先切片後切絲再切粒，先剁豬肉成肉餅後，

再加魷魚粒和馬蹄片繼續剁多5分鐘後盛起，落冬菇和醃料醃30分鐘；

燒熱水將肉餅平舖在碟上，用大火蒸12分鐘，最後灑上蔥粒便成。

(我蒸咗一半份量嘅肉餅咋!)

~肉餅汁係精華，千祈唔好倒掉，只要蒸好肉餅待一陣，

肉餅係會吸收番自己的肉汁架!

~剁豬肉宜用半肥瘦嘅後腿肉，不過要食得健康，

用梅頭瘦肉都係唔錯嘅選擇嚟架!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page