冬菇魚肚炆雞

係冷宮(冰箱)摷到包魚肚，

啱哂喇，

等我用佢嚟炆雞先得!

又一次証明，

用易潔鑊煎嘢，

真係落幾滴油已經可以炆到一個餸啦!

材料: 雞扒2塊、魚肚3條、冬菇5隻、薑3片、粟粉水

醃料: 豉油1湯匙、糖1茶匙、粟粉1茶匙、麻油少許、紹酒少許、

薑汁1湯匙、薑蓉

調味: 蠔油1湯匙、豉油1湯匙、糖1茶匙、水1碗

做法: 雞扒解凍後切件，用醃料醃1小時；冬菇浸軟去蒂切片；

魚肚出水後切件；燒熱易潔鑊落半湯匙油和薑片，

用薑片搽勻成個易潔鑊後，落雞件略煎至兩面轉色，

加入冬菇、魚肚和調味用中大火炆5~8分鐘，

落少許粟粉水埋茨汁後，灑上蔥粒便成。

魚肚處理方法:

魚肚用水浸軟，燒熱一鍋水，加薑片放入魚肚出水15分鐘，

唔好開蓋焗多大半個鐘，洗淨內裡的沙粒就得。

(一次過處理多些魚肚放入冰箱，咁就隨時都有得用啦!)

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page