豉椒炒雞球

今日真係凍咗好多，

朝早起身得12度左右，

聽講明天及星期五仲凍，

大家記得著多件衫先好出街，

保重身體呀!

今日午餐好簡單，

一碟豉椒炒雞球，

惹味得嚟好送飯呀!

材料: 雞扒2塊、三色椒半個、洋蔥半個、蒜蓉、豆豉粒、粟粉水

醃料: 豉油1湯匙、鹽半茶匙、糖1茶匙、紹酒少許、麻油少許

調味: 蠔油半湯匙、豉油半湯匙、辣豆瓣醬1茶匙、老抽半湯匙、

糖1茶匙、2湯匙水

做法: 雞扒解凍後切件(按個人口味去皮都得)，用醃料醃1小時；

三色椒切件；洋蔥切件；燒熱油鑊煎雞扒至8成熟後盛起；

再燒油鑊落蒜蓉、豆豉粒和洋蔥炒香後，

加入雞球快炒數十下，落三色椒和調味，加鑊蓋煮至雞球熟或至汁濃，

最後落粟粉水埋茨汁便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page