差不多1個多月冇淘嘢，
哈哈，
只限天貓超市咋!
其餘差不多隔個星期就有貨到港呀!
於是手痕痕係7月28日晚8點幾落單，
7月30日11點幾就送到屋企，
老公話使唔使咁快，
好似快過本港超市送貨速度咁喎!
噚日買咗半邊燒鴨做餸，
食剩哂D厚燒鴨肉，
今朝就用佢嚟炆咗碟雪菜火鴨絲炆米；
我鐘意用天鵝牌米粉(泰國製造)嚟做呢碟炆米，
因為呢隻牌子米粉炆幾耐都唔易斷，
夾起嚟唔會碎濕濕呀!
2個米粉炆起好大碟，
我和老公2個人都食唔哂，
又可以食多一餐啦!
呢個課程完結後，
我哋會休息一個月，
9月頭再上堂呀!
第九堂~德國脆皮腸麵包&紅酒芝麻包。
其實我都幾鐘意食豆，
豆角、四季豆和肉豆等等，
都係我至愛嚟架!
今日就買咗肉豆嚟炆排骨，
呢碟餸落多少少水炆到肉豆，
用黃豆醬汁嚟撈飯，
真係好鬼正架!
今日買2扎四季豆，
用嚟整欖菜肉鬆四季豆就最啱喇!
今次用泡油方式先炸一炸D四季豆，
易熟又香口，
加埋欖菜肉碎落去一齊炒，
呢個餸送飯一流呀!
近排我都好似好耐冇包過餃子，
於是買齊材料就返屋企開工啦喂!
點知原來今日小魔怪home office，
咁佢真係有口福啦!
買咗1斤餃子皮、1斤豬肉碎和1大扎韭菜，
包咗41隻韭菜豬肉餃子，
仲有少少餃子皮剩，
搵日又再包埋佢先得。
午餐就煮咗28隻餃子做午餐，
食飽飽，
好正呀!
今日我哋一家四口子，
去雲泉仙館拜奶奶；
之前疫情因為關係，
雲泉仙館有段時候冇得食齋，
幸好今次有開喇!
食客好多兼個個唔想坐外面(太熱喇)，
所以好多人係冷氣房等位呀!
我都好耐冇買豬肚食啦!
所以今日就係佳寶買咗急凍豬肚、火雞腎和雞翼，
用瑞士汁滷咗一大鍋呀!
咪睇好似好多，
不過食下食下，
一件都冇剩呀!
噚晚我哋掛住飲冬瓜湯兼食埋湯渣，
攪到成煲飯(我洗咗2杯米)，
都冇咩點食過呀!
今朝午餐就全部用嚟整炒飯食喇!
摷下雪櫃嘅物資，
煮咗呢鑊蝦仁腸仔蛋炒飯呀!
呢度我哋兩個人都係食唔哂，
睇嚟今晚都係要食炒飯呀!
今日大暑，
緊係要煲冬瓜湯嚟消暑啦!
菜檔買冬瓜送蓮葉，
超正呀!
煲咗一大煲，
可以飲兩日呀!
今日又係落足成日雨嘅一日，
冇得出外行下，
個人真係好鬼悶架!
好彩今晚我會出門學搓麵包，
唔係又要留係屋企，
就嚟變"宅"女架喇!
今日D雨時大時細，
差不多都未停過呀!
所以我都冇落行買餸，
摷下雪櫃有咩物資，
就盡量煮咗佢嚟食呀!
今堂學搓意式黃金麵包&柚子金棗麵包；
十字辮麵包造型，
雖然初頭有少少手忙腳亂，
但睇番個麵包製成品都唔錯吖!
今日我同小魔怪撐枱腳，
揀咗去新北江商場食四川菜；
以前海南小廚搬咗去大舖，
仲改埋名叫辣將軍；
地方大咗，
人手多咗，
食物種類多咗，
味道keep得到，
唔錯架!
今日晚餐有我至愛嘅XO醬蜆肉炒粒粒食呀!
本來諗住呢餐又係得我哋兩老撐枱腳，
點知大魔怪早放工，
拿拿聲炒碟蕃茄蛋，
灼多碟白烚菜，
開得飯啦!
係759買咗幾包無激素豬扒，
食下食下已經食哂囉!
睇嚟又要準備去入貨啦!
2個人食，
簡簡單單又一餐!
今日有雞食，
客家蔥油芽菜手撕雞；
乾蔥頭係呢個手撕雞嘅靈魂，
拌勻汁料和乾蔥頭連手撕雞一齊，
真係食好香架!
上次炆沙嗲豬仔骨，
老公話太大件好難咬喎!
今次就買肉排嚟炆，
細細粒，
容易食呀!
前排我去係超市買孖裝豉油，
送咗樽大漠孜然風味醬，
最啱就用嚟整孜然雞翼喇!
呢個醬味道濃郁，
焗出嚟嘅雞翼好香孜然味，
應該可以用嚟醃牛肉、豬肉、雞肉和羊肉嚟整串燒呀!
諗諗下，
用嚟焗茄子都應該唔錯喎!
嘩，
諗起都想食呀!
今餐又有魚肚食喇!
冬瓜魚肚炆釀豆腐卜，
今次釀豆腐卜肉餡加咗豬肉、魚肉、冬菇和蝦米，
特別好味道呀!
天氣咁熱，
我懶得煲老火湯呀!
求求其其滾咗個粟米魚肚肉碎蛋花羹嚟飲下，
加埋我至愛嘅胡椒粉，
超級正呀!
預先將魚肚出水後放入冰箱，
想幾時食都得啦!
唔覺唔覺，
呢個課程已經上到第七堂喇!
今次學整法式蘋果麵包&法式皇冠麵包，
亞sir加咗粟米和煙肉俾我哋，
正到爆呀!
呢排佳寶有急凍鵝掌賣，
$24磅又唔貴喎!
我買咗2磅左右有11隻鵝掌，
都幾抵食喎!
屋企冇壓力煲，
所以炆鵝掌嘅時間會長少少，
炆下又焗下，
前前後後炆煮咗3個鐘頭呀!
今日係小暑，
我煲咗冬瓜冬菇瑤柱肉粒咸蛋湯，
開飯啦喂!
今日又有炒飯食喇!
蝦醬肉碎蛋炒飯，
加咗蝦醬落去一齊炒飯，
未出鍋已經香噴噴，
巧惹味啊!
足足有一年半冇返惠州啦!
好想快D返去飲飲食食，
仲有買我至愛嘅甜梅菜呀!
香港買甜梅菜都唔平，
我買咗2小棵甜梅菜要$12呀!
襯仲係假期，
我哋黃氏一家又嚟聚一聚啦!
晚餐好簡單，
我煮咗2個小菜，
其實都係叫外賣呀!
蒜蓉欖菜炒四季豆，
一道簡單又好味道嘅素菜；
欖菜咸咸香香，
用嚟送粥、炒豆都啱架!
第五堂~脆皮檸檬麵包&香蕉朱古力麵包
第一次食香蕉朱古力包，
哈哈，
味道好特別呀!
之前父親節買咗6條($54)素腐皮卷做餸，
嘩，
成9蚊條架，
有D貴囉!
襯今日國慶節假期，
大小魔怪都係屋企，
所以我一次過包咗16條素腐皮卷呀!
食得好滿足。
