干扁欖菜肉鬆四季豆

今日買2扎四季豆，

用嚟整欖菜肉鬆四季豆就最啱喇!

今次用泡油方式先炸一炸D四季豆，

易熟又香口，

加埋欖菜肉碎落去一齊炒，

呢個餸送飯一流呀!

材料: 四季豆2扎、豬肉碎1飯碗、欖菜適量、蒜蓉、紹酒少許

醃料: 豉油2茶匙、糖半茶匙、生粉半茶匙、麻油少許

調味: 豉油1茶匙、老抽少許、鹽少許、糖1茶匙

做法: 四季豆去頭、尾和根，切段後洗淨，

用廚紙索乾水份(必需要乾身)；落醃料醃豬肉碎15分鐘；

落油把四季豆泡油至兩面微微黃後，放在廚紙上索油；

燒熱油鑊爆香蒜蓉和豬肉碎炒至熟後， 把欖菜和四季豆回鑊快炒，

落埋調味炒勻便成。

~四季豆泡油時，油唔需要多，浸過豆一面就得啦!

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page