係759買咗幾包無激素豬扒，
食下食下已經食哂囉!
睇嚟又要準備去入貨啦!
2個人食，
簡簡單單又一餐!
材料: 梅頭豬扒300g、三色椒各1/4個、洋蔥半個、蒜蓉、黑胡椒碎適量
醃料: 豉油大半湯匙、鹽1/4茶匙、糖1茶匙、生粉1茶匙、麻油少許
調味: 李錦記黑椒汁1湯匙、老抽少許、糖1茶匙
做法: 梅頭豬扒解凍後切細塊，用刀背略拍豬扒兩面後落醃料醃15分鐘；
三色椒切片；洋蔥切片；燒熱鑊落油將豬扒煎至熟後放在鑊邊旁，
加蒜蓉和洋蔥快炒後，加入調味和水半碗煮至汁濃後，
落埋三色椒炒勻後，加生粉水埋芡汁，上碟後灑上少許黑胡椒碎便成。
大家可以入嚟Facebook讚下我新開嘅Fans專頁呀!
雀后,
回覆刪除見你差唔多日日出BLOG...其實而家咁熱, 香港地夏天又濕又熱...咁你係未日日煮飯食呀? 我有時想曠工...唔值勤喇! 救命溶了!
你此碟是無骨豬扖嗎? 如果唔使LUR 骨幾正呢! ^_^
冇骨豬扒嚟，啖啖肉，好鬼正架!
刪除我喜歡食豬扒。
回覆刪除我都鐘意食豬扒架!
刪除我同你算係街坊喎, 住同一區!
回覆刪除"2個人食，簡簡單單又一餐! "
即係只得尼個餸? 老公無投訴咩?
你老公真係重幾愛你喎!
我習慣煮兩三個超簡單o既餸,扮多囉! 哈哈!
我唔知若果我只煮你尼一個餸, 佢會唔會即刻黑面呢? :p
仲有碟灼菜，菜一定唔會少架!
刪除老公和我食得好簡單，
佢唔多鐘意食剩菜，
夠食得好。
原來要自己另加黑胡椒碎，所以我煮得唔夠味囉。
回覆刪除係呀，我鐘意煮豬扒時落少少黑椒碎，煮好再落多少少黑椒碎，咁先夠味架!
刪除