香煎素腐皮卷

之前父親節買咗6條($54)素腐皮卷做餸，

嘩，

成9蚊條架，

有D貴囉!

襯今日國慶節假期，

大小魔怪都係屋企，

所以我一次過包咗16條素腐皮卷呀!

食得好滿足。

材料: 沙葛半個、銀芽$5、甘筍1條、椰菜半個、黑白蘑菇10個、

腐皮2塊、黑胡椒碎

調味: 蠔油1湯匙、豉油1湯匙、糖1茶匙、鹽半茶匙、生粉水適量

做法: 沙葛和甘筍去皮切幼絲；椰菜切絲；銀芽沖水備用；

蘑菇用濕毛巾抹表面後切片；腐皮修硬邊對摺一開八；

燒熱油鑊先爆香蘑菇至乾身後盛起(盡量隔去蘑菇水)；

原鑊落少許油，加入椰菜、甘筍和沙葛炒至軟身，落調味煮至菜熟，

最後加芽菜、蘑菇和黑胡椒碎炒勻後上碟，待涼後將餡料包入腐皮內，

燒熱易潔鑊落少許油，將有摺口先放入鑊煎，

用慢火煎腐皮卷至兩面金黃色便成。

~盡量要隔去多餘嘅汁液後先加生粉水埋薄芡，

咁D材料就唔會太濕身呀!

 

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page