一個人的晚餐~黑椒牛柳絲炒意粉

今晚又係一個人的晚餐，

簡單買咗2塊醃咗燒烤嘅牛柳，

整咗呢碟黑椒牛柳炒意粉，

牛魔王，

我又嚟啦!

回鄉

近2個月我哋都冇返惠州，

昨午過羅湖關口好順暢，

冇見到有人被查證件，

可能大部份都係上咗年紀嘅人士啦!

由於老公有事要辦，

所以攪完都成2點幾，

好肚餓呀!

求其搵間小店舖醫下肚先得。

韓式洋蔥牛仔骨

噚日下午4點去咗元朗政府合署深度洗牙，

主要洗右下邊牙齒，

需要打咗支麻醉針架；

洗完牙後條脷和右邊面都麻咗起碼3個幾鐘，

食嘢都有少少困難，

硬咗唔就食得喇!

所以炆咗鍋幾腍嘅牛仔骨，

慢慢食都可以呀!

欖菜蝦仁炒蛋飯

今日又到洗牙嘅日子啦!

午餐要食飽D，

我驚洗完牙後牙軟軟，

夜晚就冇啖好食呀!

我想和妳唱

噚日上咗同學仔公司唱K兼開大食會；

我都好耐冇唱K唱得咁開心架啦!

亞梅姐D歌真係好啱我哋唱，

尤其係快歌，

又唱又跳，

好鬼攰架!

生炒臘味糯米飯

今日約咗幾個一齊學搓麵包嘅同學仔，

去其中一個同學仔公司度唱K和開大食會，

大部份食品會由同學仔家姐幫我哋準備，

而我就整咗盒個我至拿手生炒臘味糯米飯，

齊齊嚟一個飲飽食醉嘅星期六呀!

氣炸鍋回歸~芝麻蜜糖雞翼

隔咗幾日，

空氣炸鍋又出爐啦!

今次用佢嚟整芝麻蜜糖雞翼，

香香甜甜，

好味道架!

時款特式麵包製作精選實習(二)~第八、九、十堂

第八堂~紅豆芝麻杏仁吐司、紅豆旋風卷

我哋話齋紅豆包好似唔係咁好味，

亞sir真係好好人，

加咗花生醬俾我哋搽落個包度，

一邊有紅豆味，

一邊有花生味，

好鬼正架!

豉汁涼瓜炒肉片

依家D新鮮豬肉越賣越貴，

好彩買慣買熟咋，

超市亞姐俾咗個9折外，

仲搭多咗舊豬肉俾我，

感覺心理平衡咗少少囉!

朝早用咗少半豬肉嚟煮粉食，

今晚就用佢嚟炒涼瓜呀!

咖哩豬皮蘿蔔魚蛋

今日係呢期麵包班最後一堂，

我哋幾個同學仔就攪咗個小型大食會，

我負責整呢個咖哩豬皮蘿蔔魚蛋，

希望大家鐘意食啦!

咸魚雞粒豆腐煲(微辣)

今日好想食辣餸，

所以整呢個咸魚雞粒豆腐煲時，

加咗少少辣豆瓣醬落去，

嘩，

即刻惹味升級呀!

乾炒黑椒雞絲意粉

哈，

上星期買咗樽黑椒汁返嚟，

緊係要勤力D用下佢啦!

唔係放底咗就會擺好耐架喇!

今晚又係得我兩佬食晚飯，

就用佢嚟炒咗個乾炒黑椒雞絲意粉，

好惹味啊!

滷牛腱

今日整滷牛腱，

加埋蘿蔔一齊慢慢燉，

蘿蔔吸哂D汁，

好juice架!

黑椒青口

係百佳超市買咗2包熟青口放咗係雪櫃都有段時子，

襯今日小魔怪返嚟食飯，

一次過煮咗一大碟青口俾佢食呀!

煲湯

今個星期我好勤力煲湯架!

星期一煲咗青紅蘿蔔粟米螺片西施骨湯，

而今日就煲咗個素湯，

節瓜紅蘿蔔眉豆花生紅腰豆腰果湯。

黑椒洋蔥燴豬扒

摷到有幾塊冇骨梅頭豬扒係冰箱，

發達囉!

簡簡單單煮咗碟黑椒洋蔥燴豬扒，

用嘅係現成樽裝黑椒汁，

快靚正呀!

提早過生日

雖然9月初先係我生日，

往年都係8月尾先開生日會；

不過家人都擔心香港局勢太多變化，

而大家又剛剛都有時間，

所以咪提早一個月做生日囉!

大小魔怪負責出錢買咗2個生日蛋糕，

而姐姐7月尾生日，

所以今年我倆齊齊切蛋糕呀!

醉雞翼&醉火雞腎

今日母親大人、姐姐和妹妹一家齊齊入嚟天水圍，

幫我提前一個月慶祝生日；

天氣咁悶熱大家都唔建議係屋企煮飯，

所以我哋今晚會出街食晚飯，

見大家一場入到嚟，

我整呢咗盒醉雞翼&醉火雞腎，

等下午切生日蛋糕時一齊食呀!

氣炸鍋回歸~蜜汁燒排骨

哈，

係呀，

又係佢空氣炸鍋呀!

今次用佢嚟整蜜汁燒排骨，

簡單易整又好味道，

用嚟做送啤酒小食真係一流架!

氣炸鍋回歸~冬菇豆皮結燴脆麵

呢排我差不多日日都攞個空氣炸鍋出嚟用，

雖然平平哋淘寶貨二佰零蚊，

但用咗咁多次咩都抵番哂啦!

今次就用佢嚟整咗呢個冬菇豆皮結燴脆麵，

原來老公都幾鐘意食呢類一口冬菇，

佢話好爽口喎!

早講嘛，

等我下次落元朗買多包先得!

元朗金記燒腊飯店

今朝中午，

我陪老公落元朗去銀行辦理業務，

攪完一輪後，

順便係元朗搵食，

我突然好想食燒味飯，

老公就帶我去大橋街市後面嘅金記食喇；

燒味雙拼飯$32又貴喎，

份量仲幾大碟添，

加多罐可樂就要加$5，

我哋叫咗叉燒油雞飯和燒肉燒鴨飯，

夾埋就有4款燒味一齊食啦!

時款特式麵包製作精選實習(二)~第七堂

第七堂~北海道牛奶酥皮方包、栗子杏仁牛角酥、提子蝴蝶包；

今堂要搓酥皮，

所以超級忙碌，

都冇咩時間影相呀!

氣炸鍋回歸~孜然雞膇

今晚又係得我倆老食飯，

都唔知食咩好，

求其醃咗3隻雞膇嚟做餸算啦!

粟米燴魚柳

今晚晚餐終於開爐炸嘢啦!

啱啱炸起嘅魚柳真係好脆身架!

不過淋咗粟米汁就腍身咗少少，

咁食落就冇咁熱氣啦!

氣炸鍋回歸~酥炸銀魚仔

前排買咗包銀魚仔，

可能係比較大條嘅關係所以要$70，

感覺上有點貴；

至於點食呢，

平時我會蒸嚟食架，

不過襯噚日打8號風球，

大小魔怪都返嚟食飯，

除整咗菠蘿甜酸排骨外，

我亦用咗部空氣炸鍋整咗碟酥炸銀魚仔嚟送飯，

唔整都唔知炸起嘅銀魚仔脆卜卜，

真係好好食架!

用嚟送飯、送粥、送麵或當送酒小食，

簡單係一流呀!