今日整滷牛腱，
加埋蘿蔔一齊慢慢燉，
蘿蔔吸哂D汁，
好juice架!
材料: 急凍牛腱2磅、蘿蔔半條、薑8片、紹酒1湯匙、八角3粒、
蔥段、蔥絲、麻油
調味: 豉油1.5湯匙、老抽2湯匙、冰糖粒2湯匙、紹酒半湯匙
做法: 牛腱解凍後，放入鍋內加水和紹酒1湯匙煮滾，
出水10分鐘後撈起沖水備用；蘿蔔去皮切件；
燒熱鍋落少許油爆香薑片、八角和蔥段，加入5~6碗水煮滾後，
落牛腱、蘿蔔和調味煮滾，轉小火慢慢燉1小時30分鐘後熄火；
唔好開蓋繼續焗下佢，待牛腱涼後撈起切片；
將部份蘿蔔和滷牛腱汁煮滾，按個人口味加少少鹽調味後，將牛腱舖在蘿蔔面，
灑少許麻油和蔥絲係面便成。
~D滷牛腱汁唔好倒，用嚟做牛肉湯麵個湯底係好鬼正架!
大家可以入嚟Facebook讚下我新開嘅Fans專頁呀!
好正
回覆刪除最正係D蘿蔔呀!
刪除喂，蘿蔔有無半條賣架？
回覆刪除我用咗個細煲煮，所以放得落半條蘿蔔咋，如果用大煲就成條蘿蔔都放得哂啦!
刪除還掂牛腱都食唔哂，剩番果半條蘿蔔，我今日加埋落去一齊煮多次，
咁咪又有蘿蔔食囉!
好入味咁喎~!
回覆刪除係呀，好鬼正架!
刪除