乾炒黑椒雞絲意粉

哈，

上星期買咗樽黑椒汁返嚟，

緊係要勤力D用下佢啦!

唔係放底咗就會擺好耐架喇!

今晚又係得我兩佬食晚飯，

就用佢嚟炒咗個乾炒黑椒雞絲意粉，

好惹味啊!

材料: 意粉200g、雞髀肉1塊、洋蔥半個、蒜蓉、黑椒碎適量、鹽半茶匙

醃料: 豉油1茶匙、糖半茶匙、生粉半茶匙、麻油少許

調味: 黑椒汁1湯匙、老抽少許、煮意粉水大半碗

做法: 雞髀肉切絲用醃料醃1小時；洋蔥切絲；

燒熱水加鹽半茶匙煮意粉9分鐘隔去水份備用(記得要留大半碗煮意粉水)；

燒熱油鑊爆香雞肉至7成熟，落蒜蓉和洋蔥炒香，

加入調味煮至汁濃後，落埋意粉炒至乾身，上碟後灑少許黑椒碎便成。

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page