噚日返到嚟天水圍，
買咗1份生菜和1份芥菜$18，
1份芥菜有8棵，
都唔錯喎!
今日買咗豬尾骨醃咸佢，
整咗一鍋芥菜蝦乾瑤柱咸排骨煲，
一煲過有菜有肉有蝦乾，
啱哂我呢個懶人呀!
4月26日星期日
今日食完午餐，
我同老公返咗惠州hea幾日，
返到新屋放低嘢就去搵食，
呢餐超級碳水餐，
好飽呀!
食完嘢去walmart買麵包零食。
呢排我好想飲湯，
最近就煲咗沙參玉竹蓮子百合麥冬煲螺頭湯，
加埋淮山、杞子、圓肉、瑤柱、蜜棗和豬腱；
螺頭係新抱仔過年前買俾我嘅，
不過今次佢冇份飲，
下次等佢哋返嚟，
我再煲俾佢飲呀!
今日買咗2磅金沙骨，
揀咗6條薄薄哋嘅排骨，
整咗呢碟蜜汁燒排骨，
加蜜糖和熟芝麻，
好惹味架!
好耐買過墨魚滑喇!
今日係街市買咗$35墨魚滑，
加咗2匙羹罐頭粟米粒，
煎咗8件粟米墨魚餅，
做咗我和老公嘅晚餐。
噚日，
黃氏家族去拜祭父親大人，
之後就去沙田第一城飲茶~壹匯，
10個人食咗$1262，
都幾誇張呀!
老公鐘意食蕃茄，
每次煮呢個餸，
一定要煮多少少飯，
因為佢鐘意撈埋蕃茄蛋送飯，
今次加埋豬肉碎落去煮，
一個餸有蔬果、雞蛋和肉，
夠哂營養啦!
由於手腕傷口，
醫生話右手盡量唔好用力、屈曲和扭動，
所以好多嘢都唔做得；
大腿罅傷口附近開始瘀青嚴重，
仲有少少剌痛，
又唔似係發炎，
所以依家我連晨運都停咗，
只係落街買少少餸和食完早餐就返屋企，
依幾日煮下粉麵食就最簡單喇!
我做完心導管檢查後，
由於大腿罅個傷口每行一步路都感到好痛，
所以星期六我係床度瞓咗一日，
邊度都唔想去呀!
今日星期日，
傷口雖然仍有痛，
但都可以慢慢行呀!
大仔一家入嚟天水圍嚟探我，
先去會所餐廳飲茶，
晚上我煲咗西洋菜咸鴨腎湯和整咗碟雲耳拍青瓜，
外賣燒味道~燒肉和燒鴨，
仲有外賣pizza和雞翼。
細仔今日爭住抱朱鎧仁小朋友，
佢今日好乖，
完全冇喊，
食糊仔時仲好好笑容添呀!
今日去醫院做心導管檢查，
如果發現血管狹窄有阻塞嘅話就要即時做通波仔手術；
導管通常由手腕又或大腿罅穿刺插入，
唔好彩嘅係，
由手腕局部麻醉插入導管，
點知我嘅血管比較幼，
插入失敗，
於是再由大腿罅局部麻醉插入導管，
注射顯影劑再照X光檢查；
兩個傷口，
手腕唔痛，
但大腿罅就痛到行唔到路；
好彩嘅係，
醫生話我心臟血管阻塞約40%，
血液流通正常，
不需要做通波仔手術，
(通常高於70%就要即時做手術)
醫生建議繼續服藥、健康飲食、常做運動等。
早餐禁食，
12點食咗1.5份三文治，
出院後晚餐叫外賣食粥呀!
响惠州買咗兩條幼身苦瓜，
整咗老公最鐘意嘅蒜頭豆豉炆釀苦瓜，
今次用全豬肉餡，
食落都唔錯架!
今日用養生壺煲花旗參蓮子百合麥冬煲豬腱，
配埋圓肉和蜜棗，
呢個湯有清熱降火、滋陰潤肺、補氣養陰等功效，
適量常常熬夜、虛火盛、口乾舌燥、乾咳少痰人士。
今日朱家拜山日，
我留家休息，
順便買定午餐俾大家食，
之後就去大埔探朱鎧仁小朋友，
佢就嚟7個月，
開始認人喇!
見到我哋又喊又笑，
好攪笑呀!
4月3日(星期五)
原本呢個復活節假期，
約咗姐姐姐夫和妹妹妹夫一齊返惠州玩3日，
但因健康我和老公臨時取消返去惠州，
佢哋照原定計劃繼續行程；
但直至下午3點45分，
我見身體都冇咩問題，
決定和老公一齊返惠州，
經羅湖返到惠州已經7點左右，
約埋一齊食晚飯。
今日我的起心肝去剪頭髮，
想轉轉新形象，
叫髮型師幫我剪個新髮型，
呢個髮型真係好未剪過~短髮，
兩耳鏟青，
髮尾留髮根但界出梯級造形，
原來我剪短髮都幾好睇喎!
原本想滾冬瓜粒湯，
但唔記得買咸蛋，
即刻改煲冬瓜粟米肉粒湯，
一樣咁好飲呀!
摷到雪櫃有4隻雞腳，
加埋落去一齊煲，
食得唔好嘥；
細仔中午臨返工前飲完一大碗湯，
佢話好飲好好飲呀!
