姬松茸冬菇雲耳蒸雞

今次用咗姬松茸嚟蒸雞，

姬松茸嘅味道滲入哂係碟雞裡面，

好清香，

我鐘意呀！

酥炸南乳雞翼

噚晚整咗酥炸南乳雞翼，

大家都話好好食，

連平時唔多食雞翼嘅母親大人都食咗2隻，

有脆卜卜雞翼，

祈祈BB都唔執輸，

一樣食咗2隻呀！

新裝修入伙宴

新裝修後，

母親大人、姐姐姐夫、妹妹妹夫第一次入嚟食飯，

個個讚裝修後間屋好光猛，

好舒服!

豉油雞翼&雞膇

之前好多人都問過我，

點解我煮嘅雞翼會脹卜卜呢???

其實好簡單，

因為我煮雞翼唔會煮好耐，

滾起計煮5分鐘就熄火，

等剩下熱力慢慢浸熟雞翼，

咁D雞翼就會好滑溜架啦!

雪菜肉絲炒烏冬

今晚食炒烏冬，

我諗住炒多少少(4個烏冬)可以留嚟做明天早餐，

點知原來我哋倆公婆好大食，

竟然俾我哋食哂呀!

冬菇炆鴨腳(生菜)

米飯班主話想食鴨腳，

我梗係唔可以say no啦!

拿拿臨去買材料，

開飯啦!

蕃茄薯仔牛肉湯

其實前幾日我都已經開始咳咳哋，

噚晚仲咳得犀利咗添，

咳到呢瞓得唔係咁好呀!

今日好想飲湯，

見到蕃茄靚，

就煲佢~蕃茄薯仔牛肉湯，

增加維他命C都好架!

懶人快餐~粟米肉粒飯

哈，

呢排我真係好鬼懶，

除咗唔係好想煮飯之外，

仲冇咩心情寫blog添呀!

襯今日係星期日，

懶得就懶，

整個快餐食下都幾好架! 

8號風球的晚餐

打工仔終於可以享受打風假期啦!

今朝8號風球期間，

我間屋吹到正，

如果唔扣緊個窗，

個窗肯定會吹落街呀!

老公一早約咗朋友嚟食飯，

好彩下午開始轉風向，

冇影響大家嘅興致呀!

蒜頭豆豉蒸排骨

打風唔成3日雨，

今日落雨落唔停，

黃紅黑雨都出齊，

聽講嚟緊又有個颱風嚟緊，

唔得，

聽日要去超市入定貨先得囉!

今朝買唔到飛排排骨，

唯有買一字排骨蒸嚟食，

雖然有少少肥，

但蒸出嚟肉哋都好滑架!

清補涼煲雞腳豬腱湯

落雨打風的日子，

濕濕淋淋冇地方去，

最好就係番係屋企煲湯喇!

清補涼煲雞腳豬腱湯，

好飲架!

花貓愛吃魚~香煎池魚

今日專登買咗袋池魚返屋企，

咪睇佢細細條，

其實魚骨唔多架，

用鹽和胡椒粉醃咗佢，

用中火慢慢煎香嚟食，

嘩，

好味到不得了呀!

哈哈，

我家老公見到呢幾條魚，

好似貓一樣，

兩眼發光呀!

鬼馬雞蛋

今日整咗個鬼馬雞蛋俾大魔怪食，

用先蒸後焗嘅方法，

軟軟嘅雞蛋配脆卜卜嘅油炸鬼，

嘻嘻，

食落口感又真係幾複雜架!

(食時可加少許蒸魚豉油淋係雞蛋面呀!)

素食晚餐

今日大魔怪返嚟食飯，

簡單煮咗一餐素食晚餐，

蕃茄炒蛋、蒜蓉炒韭菜花和豉油汁浸鹵水豆腐，

啱食嗎???

梅香咸魚蒸肉餅

以前D人冇咩錢，

咸魚青菜又一餐；

不過世界變囉!

依家買件咸魚都唔平呀!

昨日買咗片梅香咸魚要成$21，

有機會貴過一條新鮮魚呀!

銅鑼灣~極尚大瀛喜日本料理

今日約咗朋友仔嚟咗銅鑼灣食日式放題，

呢間食過幾次，

魚生好新鮮，

而且啤酒、汽水、甜品、前菜都係自助形式，

午市放題$188，

依家做緊優惠每2位其中一位半價，

我哋3個人平均食咗$173，

又幾抵食喎!

青瓜雲耳炒素海鮮

上次係粉嶺雲泉仙館食過一款素海鮮，

爽爽哋食落幾特別，

一路都唔知係咩，

行過素食店，

問人先知佢叫牛蒡揚，

係用牛蒡製造的，

買咗包番嚟炒瓜先得!

客家咸雞

今日專登醃定隻客家咸雞去拜山，

簡簡單單用鹽醃一晚，

蒸熟佢就食得，

不過呢，

斬雞就要等隻雞凍咗先好斬喇，

唔係斬到D皮甩哂就唔好睇啦!

返惠州買梅菜

其實我哋見裝修嘉湖間屋咁耐都冇返惠州睇下，

所以咪俾個藉口自己話返去買梅菜囉!

我哋返到屋企冇耐，

剛剛打掃好間屋，

姪仔佢哋幾個人已經過到嚟，

齊腳緊係開枱啦!

打到6點左右就去食晚飯。

蜜椒香草焗雞扒

今日老公問我，

新買嘅蒸焗爐好唔好用???

哈，

依家我差不多日日用，

唔係蒸飯、蒸餸就用嚟焗嘢，

真係一日冇開爐都唔安樂呀!

今日我就用佢嚟焗雞扒，

佢嘅先蒸後焗嘅功能真係超正，

我完成冇預熱個蒸焗爐，

就咁放入焗爐焗30分鐘，

攞出嚟已經香噴噴，

食落雞皮脆卜卜，

雞肉仲有好多肉汁添!

雪菜肉絲炆米

屋企有包米粉擺咗好耐，

拿拿臨浸哂佢用嚟炒米粉；

唔使諗，

首選梗係呢個雪菜肉絲炆米啦!

濕濕哋容易食，

我鐘意呀!

梅菜蒸肉餅

今日係雜貨舖買咗1棵甜梅菜，

竟然收我$6($22斤)，

唔得，

下次返惠州，

我要買番十斤8斤返香港先得!

洋蔥豬扒

依家D物價真係貴到飛起，

今日係百佳買咗2塊新鮮飛排排骨做豬扒，

竟然要成差不多$35蚊，

嘩，

使唔使咁貴呀!

唔怪之得依家出面餐廳D價錢咁貴，

係有佢哋嘅理由架!

國慶兼姨甥仔生日晚宴

昨日係國慶假期兼姨甥仔開生日會嘅大日子，

姐姐和姐夫早一日已經開始預備呢個晚餐，

我就幫手整咗咖哩豬皮蘿蔔魚蛋和生炒臘味糯飯；

話咁快姨甥仔亞諾今年18歲啦!

記得聽聽話話，

孝順父母啦!