雪菜肉絲炆米

屋企有包米粉擺咗好耐，

拿拿臨浸哂佢用嚟炒米粉；

唔使諗，

首選梗係呢個雪菜肉絲炆米啦!

濕濕哋容易食，

我鐘意呀!

材料: 梅頭豬肉$25、即食雪菜1包、椰菜1/3個、米粉6個、紹酒

醃料: 豉油1湯匙、糖1茶匙、生粉1茶匙、麻油少許、水1湯匙

調味: 蠔油1湯匙、豉油1湯匙、糖1茶匙、鹽半茶匙、半碗水

做法: 豬肉切絲用醃料醃1小時；椰菜切絲備用；

米粉用暖水浸軟隔去水份備用；雪菜略沖洗：

不需落油用白鑊炒乾雪菜，加半茶匙糖和麻油炒勻備用；

落少許油爆香肉絲後贊酒，加入雪菜快炒後，加4湯匙水煮至肉熟後上碟；

燒熱油鑊落椰菜快炒後贊酒，加入米粉炒勻後，

加雪菜肉絲和調味炒勻並炆至汁濃，最後加少許老抽調色便成。

(記得嘅話留起少少雪菜肉絲絲，放在碟面裝飾，但今次我唔記得囉!)

    

大家可以入嚟Facebook讚下我新開嘅Fans專頁呀!

雀后(添飯)Facebook Fan Page