酥炸南乳雞翼

噚晚整咗酥炸南乳雞翼，

大家都話好好食，

連平時唔多食雞翼嘅母親大人都食咗2隻，

有脆卜卜雞翼，

祈祈BB都唔執輸，

一樣食咗2隻呀！

材料: 雞翼2磅、蕃薯粉8湯匙

醃料: 南乳半磚(大)、糖1.5茶匙

做法: 雞翼解凍後用廚紙抹乾水份；將南乳(連南乳汁)和糖搓勻後，

醃雞翼半日以上；從雪櫃取出雞翼放室溫1小時左右；

將蕃薯粉放入大碟內，把雞翼逐一沾上蕃薯粉，

放入油鑊用半煎炸形式將雞翼炸熟，炸好雞翼後，用廚紙索乾油份便成。

P.S. 雞翼沾上蕃薯粉後唔好即刻落油鑊炸，一定要放係碟內約1分鐘左右，

等蕃薯粉能夠全部沾在雞翼面先炸，雞翼先脆卜卜架!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page