榨菜蒸牛肉餅

 

唔覺唔覺，

响天貓超市訂嘅榨菜(10包)已經食哂，

係時候又要上網look look了。

最後一包就用咗嚟蒸牛肉餅喇!

涼拌西蘭花配芝麻醬

 

今日午餐食~涼拌西蘭花配芝麻醬。

係呀，

我剩係食西蘭花咋，

冇咩特別原因，

只係懶啫，

一個人嘛，

就食得簡單D啦!

麵包製作精選特別班~第九堂

呢堂係第九堂，

只係整一個麵包~意大利pizza!

亞sir自己煮咗個pizza 醬，

超正呀!

XO醬西芹腰果炒肉片

呢排我愛上吃西芹，

今日就用咗半棵嚟炒肉片，

見屋企仲有腰果係度(新年前炸的竟然仲有存貨)，

灑十幾粒上西芹面扮上菜呀!

大小魔怪生日會

由於要就祈祈考試，

所以大小魔怪和老公嘅生日會推遲到今日先舉行呀!

星期四一早係傳統餅店訂咗個2磅生日蛋糕($290)，

今日下午去攞蛋糕時，

我見個蛋糕好巨型，

餅店亞姐話呢個蛋糕重量型，

連紙盒磅有成5磅架!

超哂值呀!

生炒牛肉飯

雪櫃有冷飯，

唔使諗緊係要嚟炒飯啦!

我鐘意食生炒牛肉飯，

因為有菜有肉又有雞蛋，

夠哂有營養呀!

芥菜蝦乾咸排骨煲

噚日我屋企果座樓上網有問題，

冇得上網真係悶到嘔，

睇電視咩冇嘢睇喎!

睇電話咩個mon太細喇睇到眼都朦呀!

所以話呢，

呢個世界冇咗網絡，

真係會令人發瘋架!

麵包製作精選特別班~第七、八堂

第七堂~ 法式層酥包、法式牛角仔餐包

XO醬菜脯豆角炒粒粒

XO醬菜脯豆角炒粒粒；

呢個餸咪睇好似好易，

其實都幾嘥時間架!

因為樣樣材料都要切粒，

又要分開D材料嚟炒熟；

不過咁，

我好鐘意食炒粒粒，

所以幾煩都會整呀!

豐衣粥食~菜乾蠔豉咸排骨粥

今日呢煲菜乾蠔豉咸排骨粥，

原來係2021年第一粥嚟架!

噚日已經買定唐排嚟醃咸排骨，

今朝浸定菜乾和蠔豉，

煲落粥就叫老公睇火，

我就落街買油炸鬼和牛脷酥，

炒埋碟蒜蓉西蘭花，

食得，

埋位啦喂!

蒜香烤雞

朝早買餸都唔知食咩好，

求其買咗隻雞返屋企醃咗佢，

夜晚放入焗爐，

炒多個蒜蓉西蘭花，

開飯囉!

又淘(老公的)

老公成日話我淘嘢每次都冇佢份，

今次專登淘咗D佢至愛嘅~茶葉，

仲有大家都愛嘅零食~芒果乾和魷魚絲，

今次唔係天貓超市訂，

普洱茶葉雲南訂的；

糯香普洱茶泉州訂的；

魷魚絲南京訂的；

芒果乾廣州訂的；

全部都係13/3落單，

今日到屋企樓下集運公司攞貨，

真係好快呀!

一個人的午餐~李子柒柳州螺絲粉

唔知大家有冇得試過食螺絲粉???

係網上成日睇到人哋食螺絲粉，

大部份話好"臭"，

但又話食得好過癮，

心思思就淘咗包嚟試下喇!

今次按照包裝指示，

將所有材料加哂落去。

豉汁排骨蒸陳村粉

 

今朝一早落元朗換新智能身份證，

順便去吳壁記買陳村粉，

又買咗2盒木耳豬肉餃和韭菜豬肉水餃；

好耐冇食陳村粉，

拿拿臨去買排骨就返屋企，

午餐就煮~豉汁排骨蒸陳村粉!

香煎豬腩肉

呢排係facebook成日單出我哋去旅行嘅相片，

非常懷念係韓國食過嘅燒肉照；

見冰箱仲有條豬腩肉，

我都要整碟燒肉食下先得。

冬菇支竹炆鴨腳

雪櫃摷到仲有鴨腳，

加咗冬菇和支竹一齊炆，

炆完一大煲，

我同老公食咗一餐食唔哂，

隔日食老公話D冬菇好入味呀!

素湯~土伏苓牛大力粉葛湯

今日煲素湯~土伏苓牛大力粉葛湯，

配埋紅蘿蔔粟米栗子赤小豆扁豆花豆，

加咗陳皮和蜜棗。

呢個湯水有袪濕、清熱毒、袪骨火、利尿、排毒等功效架!

馬蹄魷魚豬肉餅蒸飯

今日午餐又係得我兩老撐枱腳，

煮蒸飯就最啱喇!

點解???

因為蒸完飯D熱水係唔會嘥，

加少少油落去灼菜，

簡簡單單又一餐啦喂!

香港花卉展覽2021~十八區園圃(天水圍)

 

今年香港花卉展覽因疫情關係，

會係全港十八區設置精緻園圃、主題花花圃和鬱金香花圃；

今朝早就用老公行去天水圍天柏路公園(天水圍天主教小學旁)，

欣賞小小的~東方園圃。

雖然呢個花圃唔算好大，

但都有好多唔同種類嘅花呀!

想知詳情(十八區地址)可click入上面紅色位置!👆👆👆

黑椒香草煎雞扒

買咗3塊雞扒返嚟，

簡簡單單用黑椒香草嚟醃雞扒，

煎香佢嚟做餸；

今次冇落蒜蓉醃雞扒，

不過就改用蒜粉，

咁就冇咁易煎燶啦!

淘完再淘

已經成年冇得出去周圍玩，

留係屋企又冇咩嘢做，

所以成日上淘寶網轉一轉，

轉幾轉就手痕了，

淘衫淘廚房用品外，

梗係唔少得上天貓超市淘嘢啦!

3月7日中午3點落單，

3月9日中午5點送到嚟天水圍屋企，

真係超級方便呀!

麵包製作精選特別班~第六堂

呢堂係新年假後返的(上星期二)，

學搓朱古力咖啡大理石包&金沙藍莓芝士包，

超級好味道，

啱哂大小魔怪嘅口味呀!

滷牛腱

今日去急凍舖買咗2條急凍牛腱，

差不多要成$100呀!

屋企仲有1個滷水包，

咁就用佢嚟整滷牛腱啦!

新春行大運~元朗錦田

 

今年新春行大運比往年遲咗少少，

路程由元朗行去錦田，

我哋10點左右出發，

慢慢行又唔急，

影下相打下咭，

全程行咗約2小時。

紅燒鳳爪

 

今日買咗3磅急凍鳳爪，

整咗一大鍋紅燒鳳爪，

一餐肯定食唔哂架，

隔日食就更入味呀!

紫菜肉絲魚蛋湯

 

噚日，

除咗有蒜泥白肉外，

仲有紫菜魚蛋肉絲湯，

呢個湯水滾15分鐘左右就有得飲，

簡單又好味道呀!

蒜泥白肉

今日全日都落緊毛毛雨，

冇太陽兼周圍濕濕淋淋，

攪到我都冇咩煮意添!

求求其其買條豬腩肉返屋企，

烚熟佢嚟整蒜泥白肉，

簡單又好味道架!

家鄉炒米粉

 

午餐食雜糧~家鄉炒米粉，

材料好簡單，

鐘意加任何材料都得架!

冬菇節瓜炆排骨

今日買咗2個節瓜，

加埋十幾粒冬菇嚟炆排骨，

簡簡單單，

有瓜又有肉，

都唔錯架!

咖哩雜錦配香酥餅(素)

噚日大魔怪話想食咖哩，

佢話唔食日式咖哩，

要食辣辣哋嘅咖哩喎!

買咗包田師傅咖哩醬嚟煮素咖哩，

加埋少少椰汁去煮，

再配埋香酥餅，

大魔怪食得好滿足咁喎!