XO醬菜脯豆角炒粒粒；
呢個餸咪睇好似好易，
其實都幾嘥時間架!
因為樣樣材料都要切粒，
又要分開D材料嚟炒熟；
不過咁，
我好鐘意食炒粒粒，
所以幾煩都會整呀!
材料: 豆角4兩、梅頭豬扒1塊、急凍蝦仁6隻(大)、菜脯8條、
粟米粒4湯匙、雞蛋2隻、蒜蓉、XO醬3茶匙
醃料(醃肉): 豉油半湯匙、鹽1/4茶匙、糖1茶匙、麻油少許、生粉少許
醃料(蝦): 鹽少許、麻油少許
做法: 豆角去頭尾後切粒；梅頭豬扒解凍後切粒，落醃料醃30分鐘；
急凍蝦仁解凍後用廚紙索乾水份，落胡椒粉、鹽和麻油醃15分鐘；
雞蛋落少許鹽發勻；菜脯浸軟後切粒；粟米粒隔水備用；
燒熱油先爆香豬肉粒和菜脯至熟後盛起；將雞蛋炒熟後盛起；
燒熱油鑊落蝦粒炒至轉色後盛起；
燒熱鑊落豆角、粟米粒和蒜蓉炒勻後贊紹酒，
加3湯匙水煮至豆角熟後，落豬肉粒、菜脯粒、雞蛋和蝦粒炒勻，
落XO醬1茶匙、鹽和糖(適量)調味，盛起上碟後，
再落少少XO醬舖面便成。
大家可以入嚟Facebook讚下我新開嘅Fans專頁呀!
我懶呀，唔切到粒粒。
回覆刪除哈哈，我都好懶，但我亦好食為呀!有計唯有自己整嚟食呀!
刪除