黑椒香草煎雞扒

買咗3塊雞扒返嚟，

簡簡單單用黑椒香草嚟醃雞扒，

煎香佢嚟做餸；

今次冇落蒜蓉醃雞扒，

不過就改用蒜粉，

咁就冇咁易煎燶啦!

材料: 雞扒3塊

醃料: 鹽2茶匙、雜香草適量、黑椒碎適量、蒜粉適量

做法: 雞扒解凍後用廚紙索乾水份，用刀把雞扒厚肉位置界幾刀，

落醃料搽勻雞扒醃半日(醃隔夜仲入味)；從雪櫃取出雞扒放室溫1小時，

燒熱鑊唔需要落油，先煎有皮雞扒約6~8分鐘，待雞扒出油後，

反轉煎另一面約6~8分鐘，再反轉煎有皮雞扒，咁塊雞皮就更加脆口啦!

~記得我以前用地過用重物壓在雞扒面嚟煎，等雞扒平均受熱，

會易熟D架!唔明可以參考~蒜蓉香煎雞扒

~想知雞扒熟透未，可以用筷子插入雞肉裡，

插得穿又冇血水就代表雞扒熟；

~感覺上雞扒醃咸少少會好食D呀!(個人感覺)

~煎雞扒唔使落油煎，因為雞皮會出好多油，今次起碼倒咗半碗油呀!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page