咖哩雜錦配香酥餅(素)

噚日大魔怪話想食咖哩，

佢話唔食日式咖哩，

要食辣辣哋嘅咖哩喎!

買咗包田師傅咖哩醬嚟煮素咖哩，

加埋少少椰汁去煮，

再配埋香酥餅，

大魔怪食得好滿足咁喎!

材料: 肉豆9條、薯仔2個、洋蔥半個、蒜蓉、田師傅咖哩醬料1包、

椰汁1小包、糖適量

做法: 肉豆切粒；薯仔去皮切粒、洋蔥切碎；

燒熱油鑊加蒜蓉、洋蔥炒香後，落肉豆和薯仔炒勻後，

落咖哩醬料炒勻後，加適量水煮至材料熟(約15分鐘左右)，

落椰汁和糖調味，轉中大火煮至汁濃便成。

     

大家可以入嚟Facebook讚下我新開嘅Fans專頁呀!

 

 雀后(添飯)Facebook Fan Page