家鄉炒米粉

 

午餐食雜糧~家鄉炒米粉，

材料好簡單，

鐘意加任何材料都得架!

材料: 天鵝牌米粉3片、椰菜1/4個、甘筍半條、急凍蝦仁1包、

魚片1條、火腰4片、蛋2隻、熟芝麻適量

醃料(蝦): 鹽少許、胡椒粉、麻油少許

調味: 雞粉1.5茶匙、熱水6湯匙

做法: 米粉用暖水浸軟；椰菜和甘筍切絲；

蝦仁解凍後落醃料醃15分鐘後，落油鑊將蝦仁炒熟後盛起；

魚片切條；火腿切絲；雞蛋加少許鹽發勻後，落鑊煎成蛋皮後切絲；

燒熱油鑊落魚片、椰菜和甘筍絲炒勻，落雞粉水煮至菜熟後，

加入火腿絲和米粉炒至乾身後落適量鹽調味，

落埋蝦仁和蛋絲撈勻後，灑上熟芝麻便成。

 

 

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page