今日去急凍舖買咗2條急凍牛腱，
差不多要成$100呀!
屋企仲有1個滷水包，
咁就用佢嚟整滷牛腱啦!
材料: 急凍牛腱2條、薑8片、紹酒1湯匙、滷水包1個、八角2粒、
香葉4片、蒜頭4粒、蔥段、蔥絲、麻油
調味: 豉油2湯匙、老抽3湯匙、冰糖3粒(大)、鹽適量
做法: 牛腱解凍1小時後，放入鍋內加水、薑3片、蔥段和紹酒1湯匙煮滾，
出水10分鐘後撈起沖洗後，用尖叉拮牛腱數十下(易入味)；
燒熱鍋落少許油爆香薑4片、蒜頭和蔥段，加入牛腱和6碗水，
落埋八角、香葉和冰糖粒煮滾後，轉小火慢慢燉2小時後熄火；
唔好開蓋繼續焗牛腱，待牛腱涼後撈起放入雪櫃雪半日或隔夜；
從雪櫃取出牛腱切片，將滷牛腱汁煮滾，淋在牛腱面，
灑少許麻油和蔥絲便成。
~牛腱雪隨夜會易切D架!
~裝起D滷牛腱汁，可以用嚟滷雞翼腸仔呀!
大家可以入嚟Facebook讚下我新開嘅Fans專頁呀!
我阿表話你早一兩日整咪好囉。佢可以跟。佢早兩日自己煮到太硬，唔食得，送左入垃圾桶。
回覆刪除唔怕，下次再整過啦!掉咗好可惜呀!
刪除如果没有卤水包呢？可以怎么做？
回覆刪除買支滷水汁返嚟煮都得呀!
刪除那下多少分量啊，卤水汁？我以为可以全部自己做。哈哈。
回覆刪除你会做客家盐焗鸡爪吗？想学。今晚做了你的蚂蚁上树，好吃。
我通常1碗滷水汁，加5~6碗水煮滾後，就可以用嚟滷嘢食架啦!
刪除我都好鐘意食鹽焗鳳爪，搵日會整啊!
Okay!
刪除