蒜香烤雞

朝早買餸都唔知食咩好，

求其買咗隻雞返屋企醃咗佢，

夜晚放入焗爐，

炒多個蒜蓉西蘭花，

開飯囉!

材料: 冰鮮雞1隻、牛油適量

醃料: 鹽2.5茶匙(粗鹽)、蒜粉適量、雜香草適量、黑椒適量

做法: 雞洗淨後係雞背位用骹剪剪開，用廚紙索乾雞內外水份，

落醃料搽勻雞身醃8小時或醃隔夜；從雪櫃取出雞放室溫1小時；

將雞(先焗雞背)放入焗爐用180度焗20分鐘；

反轉雞身搽牛油焗雞皮果面20分鐘，

如雞身已經上色，可蓋上錫紙繼續焗至雞全熟。

(由於各家用焗爐溫度不一，請自行調較!)

~蒜粉唔同蒜鹽，蒜粉有蒜香味，而蒜鹽就有埋蒜味和鹽味喇!

~冇蒜粉可以直接落蒜蓉一齊醃，不過焗時就要盡量去掉蒜蓉，

唔係隻雞嘅表面會好易燶架啦!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page